ديانا حداد ترد بشراسة على منتقديها.. وهل قصدت هذا الملحن؟

 

المسألة التي لم تكشف كل تفاصيلها أو أسبابها يفترض أن تعود إلى تغريدات كتبها الملحن من دون أن يسمي أيضاً، انتقد فيها بعض الفنانات بالقول:"بعدين هناك فنانين قطع عليهم زمن طويل وأصبح من الضروري إظهار مواهب جديدة، يلزمهم شركات انتاج تتبناهم وتوصلهم إلى النجومية وخصوصاً فنانون نساء". 

 

ديانا بعد فترة قصيرة قامت بكتابة تغريداتها التي جاء فيها:

 

"استغرب من الناس اللي بتنتقد على الطالع والنازل ما يشوفوا حالهم، وهم الغلط كاسيهم من رأسهم لساسهم، عالم مريضة".

وتابعت: "على فكرة اللي بيته من زجاج ما يرشق الناس بحجارة، إذا أنتم فاشلون ما ترموا فشلكم علينا، ولا تحاولوا تتسلقوا على حساب حدا أكتافنا، وللعلم ما حدا كامل بالدنيا الكمال لله سبحانه وتعالى، وجل من لا يخطئ فما يقعدوا يعملولنا فيها أنهم فاهمين وهني أفشل ناس".

 

"وإذا مفكرين أنه الطيب والمحترم الحمدلله ما بيعرف يأخذ حقه يكونوا غلطانين، ومش كل مرة بتسلم الجرة، يعني إذا أنت فاشل في مجالك ما ترمي فشلك، وما تحاول تعمل بروباغندا على حساب ناس محترمة، للأسف ما خلا حدا من شره كل يوم عنده حدا، المشكلة الناس ينسوا شو كانوا وكيف".

 

وأضافت: "يا عيب الشوم بس، عاملين فيها هن نقاد على الكل ما حدا بيسلم منهم، وهم ما عندهم لا احترام لا للمشاهد ولا لأنفسهم قبل أي شي، على أساس مقدمين، أسفة بس فاهمين الفن غلط، الفن أخلاق واحترام قبل الألحان والموسيقى يا شاطرين، وفوق كل هيدا نسيوا لما يتصلوا فينا عشان نغنيلهم".

 

واختتمت كلامها قائلة:"مش كل طير بيتاكل لحمه يلا الواحد بيسكت احتراماً لنفسه وللناس اللي بحبهم، ولأن ما تربينا على قلة الأخلاق ونحكي على الناس بظهرها، بس لازم بين فترة وفترة الواحد يحجّم هالناس ويعرفهم حدودهم". 

 

ليعود بعدها صفير ويكتب: "أنا عّم بحكي كلام عام في ناس عّم تستوحي من كلامي عن ناس معينة كل واحد في تحت باطو مسّلة بتنعروا، هيدي مشكلتكم وليست مشكلتي".

 

هذا وكان محبوا ديانا أنشأوا هاشتاغ ديانا حداد خط أحمر جاء في أحد تغريداته... " يخرب بيتك يا سمير خلص من نجوى بلش ب ديانا وهدفو الشهره لاغير". 

 

فهل تتأكد الشكوك وهل قصدت ديانا صفير، وهل تؤكد هذه الجملة المبطنة ما قلناه "أسفة بس فاهمين الفن غلط، الفن أخلاق واحترام قبل الألحان والموسيقى يا شاطرين، وفوق كل هيدا نسيوا لما يتصلوا فينا عشان نغنيلهم".