دردشة مع الدكتورة سماح.. أنثى جميلة لكنها ذكر #غرائب_الطب

  • تاريخ النشر: السبت، 20 فبراير 2021
دردشة مع الدكتورة سماح.. أنثى جميلة لكنها ذكر #غرائب_الطب
مقالات ذات صلة
فوائد الشاي الأزرق
دردشة مع الدكتورة سماح.. لا تخلي هالحزن مكبوت جواتك.. ابكي بترتاح!
ما هو مرض لايم؟

أنثى جميلة جداً.. شقراء ذات أثداء ضخمة وجسم نحيل خالي من الشعر تماماً.. فيها كل الصفات الأنثوية يلي بتحلم فيها أي بنت... لكنها؟!

⭕اجت بعمر ال ١٨ بشكوى #انقطاع_طمث_بدئي يعني ما اجتها الدورة أبداً.. هي هيي شكواها الوحيدة!!

⭕ انعملها إيكو فبين بنيتين بيشبهوا المبيضين.. انطلب منها #تحليل_صيغة_صبغية وهون الصدمة طلعت صيغتها الصبغية XY يعني ذكر!! هل يعقل ذلك؟

⭕ بمرض وراثي غريب من نوعو يسمي #متلازمة_عدم_الحساسية_للأندروجينات أو #Androgene_Insensitivity_Syndrome يلي بصير فيه هوي طفرة على الصبغي X بتخلي مستقبلات الهرمون الذكري الأندروجين ما عاد يعبّرو للأندروجين!

⭕ بالتطور الجنيني الصيغة الصبغية الذكرية بتخلي الأعضاء الباطنة كلها ذكرية يعني خصيتين طبيعيتين وأندروجين طبيعي بس يجي هالأندروجين ليعمل صفات جنسية ثانوية ذكرية ممنوع.. لأنو ما عم يتعبّر فقط بالمستقبلات المحيطية .. وما حيضل هيك بدون شغل فبروح بيتحول لأستروجين وبيعطي أثداء ضخمة وصفات أنثوية خارقة نعومة صوت وجسد أنثوي جميل.. وما في أندروجين ليصير في شعر إبط وعانة والذي منو!

⭕في مهبل لكنه أعور لأنو بالتطور الجنيني الأندروجين بثبط تشكل كل الأعضاء الباطنة الأنثوية ما عدا الجزء السفلي من المهبل لهالسبب المريض عندو فعالية جنسية طبيعية بس هوي عقيم!

⭕ البنيتين يلي بينوا بالإيكو هنن خصيتين بقيوا بالبطن أو الحوض وما هاجروا وهدول قابلين للتسرطن فبمجرد تشخيص الحالة منستأصلهن فوراً!

⭕ حالة غريبة لكنها حقيقية ونادرة بحيث بتصيب هالمتلازمة ٢ من بين مئة ألف فقط! الها درجات خفيف وجزئية وكاملة والتعامل معها صعب للغاية متلو متل كل أمراض الهوية الجنسية! انذكرت هالحالة بمسلسل House بحلقة جداً ممتعة ومشوّقة للي بحب يتابعها..الحلقة ١٣ الموسم التاني وهيك الطب بضل بفاجئنا والعلم بيبقى يفسرلنا ويجاوب على أسئلتنا..

كنت معكم سَماح صالح محمد 🧡 

تم نشر هذا المقال مسبقاً على بابونج. لمشاهدة المقال الأصلي، انقري هنا