دردشة مع الدكتورة سماح.. داء الفم واليد والقدم 🧡

#تصحيح_مفاهيم_وتوعية

  • تاريخ النشر: الأربعاء، 03 فبراير 2021
دردشة مع الدكتورة سماح..  داء الفم واليد والقدم ?
مقالات ذات صلة
أنواع الصداع وأسبابه ومتى يكون خطيراً!
أنواع التمور بالصور
أفضل خبز للرجيم

👶 مرحبا مامي 🧡 بتمنى أنك تكوني منيحة ومطمنة عني وبتمنى أنك هلق تركزي معي لأني رح احكيلك عن مرض كتير شائع أني انصاب فيه، جداً جداً، ومع هيك أنتِ وكتار من الأمهات ما بيعرفوه 🤷‍♀️

👶 بصير معي التهاب حلق، وحرارة وبعدو بشي ٣ أيام بيطلع بقع حمرا بتمي من جوا وأكتر شي تحت لساني، ومعها في طفح على أيديي ورجليي، بكونوا بقع حمرا بعدين بصيروا بثور وبيوجعوني هنن 😵 بصير معي فقدان شهية ونتيجة قلة أكلي وشربي ممكن يصير بولي قليل ومروتي قليلة 😲 👶 بتروحي أنتِ عالصيدلية وبيطلعلك حدا مانو صيدلاني ولا الو علاقة بالصيدلة بيعطيكِ دوا #مضاد_فيروسي وبقلك خديه لأبنك 🙂 وبيضيف أنو يلي صايبني هوي متلازمة فم يد قدم وأنو هيي بتصيب العالم يلي مناعتهن ضعيفة أو يلي صار معهن حرارة قوية..!!

👶 لا تصدقي ماما أي. يلي صايبني اسمو #داء_فم_يد_قدم وهوي مرض فيروسي بيصيب أكتر شي الأطفال تحت عمر ال٥ سنوات، ممكن يصيب الأكبر من هيك والبالغين بس هوي أكتر شي شائع بهالعمر. سببو فيروس اسمو #فيروس_كوكساكي_A16 فهو إذاً مرض فيروسي، العدوى فيه شائعة جداً وقوية بينتقل عن طريق التنفس يعني الهوا يلي فيه الفيروس، اللعاب، البراز، سائل البثرات تبع الطفح وحتى الأيادي والأسطح الملوثة بالفيروس..!! يعني في ألف طريقة للعدوى ولهيك هالفيروس بحب الروضات والمدارس وكل الأماكن يلي فيها فصاعين وبكثرة 😲

  • ماما هالمرض ما بدو علاج.. لحالو، لحالو، لحالو من ٧ ل١٠ أيام بروووح 🖤 العلاجات يلي بيعطيها الطبيب داعمة.. مننزل الحرارة بسيتامول أو بروفين، منسكن الألم فيهن، ممكن نطبق مراهم موضعية منشان قرحات الفم إذا عم تعمل ألم... وممكن نقدم علاجات منزلية متل مثلاً تلج أو بوظة أو مشروب بارد لتخفف ألم القرحات، ونبعد عن المشروبات الساخنة وعن الحامض والمالح. ونشرب مي كتير كرمال نعوض السوائل.
  • في حال بقيت الأعراض لأكتر من ١٠ أيام أو كان في حرارة قوية وقتها لازم نراجع #طبيب_أطفال 🖤 مرض شائع جداً ومعدي جداً وما بيقلق أبداً بس لازم نعرفو ونوعى حولو 👌 انتبهوا على أطفالكم 🧡 كنت معكم سَماح صالح محمد 🧡

تم نشر هذا المقال مسبقاً على بابونج. لمشاهدة المقال الأصلي، انقري هنا