لقاء الخميسي تنتقد سيدة بسبب الحجاب: مش من حقك تختاري حياة ولادك

  • تاريخ النشر: الثلاثاء، 27 يوليو 2021
لقاء الخميسي تنتقد سيدة بسبب الحجاب: مش من حقك تختاري حياة ولادك
مقالات ذات صلة
من تكون السيدة الروسية في حياة كارلوس عازار؟
السن مش عائق: خليكي ستايل في أي عمر على طريقة سيدات الإنستغرام
مجوهرات مستوحاة من الحياة العملية للسيدة العصرية

وجهت الفنانة المصرية لقاء الخميسي، رسالة شديدة اللهجة إلى أحد السيدات، والتي انتقدت بدورها النساء غير المحجبات، وهاجمتهن ناشرة صورة لمجموعة من السيدات غير المحجبات ومعلقة برسالة مسيئة.

لقاء الخميسي ترد على سيدة انتقدت غير المحجبات

ونشرت إحدى السيدات عبر حسابها على فيسبوك، صورة لمجموعة من السيدات في حدث اجتماعي ما، غير أنهن لم يكن مرتديات للحجاب.

وكتبت السيدة التي لا تربطها أي علاقة بهؤلاء النسوة، معلقة على صورتهن: "لو عيل من عيالي فكر يقولي هتجوز واحدة بشعرها أو مطلقة أو مدخنة همسح بيه الأرض، كفاية الستات والأمهات اللي بشوفهم يوميا زي الصورة دي وبتخض على مستقبل بناتهم اللي أكيد هيقلدوهم.. معرفش ليه بتكرهوا الحجاب كده"؟

لقاء الخميسي تنتقد سيدة بسبب الحجاب: مش من حقك تختاري حياة ولادك

لترد لقاء الخميسي على هذه السيدة عبر خاصية القصص القصيرة لحسابها على إنستغرام، برسالة مقابلة لهجومها، نصحتها فيها بالاهتمام بشؤونها وعدم التدخل في شؤون الآخرين، ولفتت نظرها أنه من العيب أن تستولي على صورة لا تخصها وتنشرها عبر حسابها على مواقع التواصل الاجتماعي.

وكتبت لقاء الخميسي في رسالتها: "يا أستاذة هالة يومك جميل إن شاء الله، للأسف الشديد أنا سمحت لنفسي أخد البوست بتاع حضرتك من غير استئذان وده مش صح بس عشان أقول لحضرتك كلمتين يا ريت تقريهم كويس".

تابعت لقاء الخميسي رسالتها: "مش من حق حضرتك تاخدي صور ناس وتحطيها عند حضرتك وتذميهم وتتدخلي في اختياراتهم لحياتهم، مش من حقك أصلا تختاري حياة ولادك لأنهم ليهم كل الحق في الاختيار، مش من حقك تحكمي على أخلاق الناس وحياتهم لأنك مش وصي ولا ولي".

أضافت لقاء الخميسي: "فياريت حضرتك تخليكي في نفسك وتطوري من نفسك وتغضي البصر لو مش عاجبك الصور ودعي الخلق للخالق، كل حي أدرى بحياته واختياراته وعليكي احترامه والتزام الصمت، شكرا ويوم سعيد".

لقاء الخميسي تنتقد سيدة بسبب الحجاب: مش من حقك تختاري حياة ولادك

وبمجرد نشر لقاء الخميسي للرسالة، لاقت تفاعلا من قبل رواد مواقع التواصل الاجتماعي الذين هاجموا السيدة التي نشرت الصورة بدون وجه حق.

وقالت إحدى المعلقات في رسالة للسيدة التي أهانت المطلقات وغير المحجبات: "اولا مفيش عائلة محترمة ولا بنت عاقلة هتوافق تكون حماتها باخلاق وفكر وتطرف وجهل حضرتك.. من اللى اعطى لحضرتك الحق انك تحاسبى إنسان زيك وانك تحكمى على الناس بمظهرها.. وبعدين المطلقة ايه يعيبها مش ممكن تكون مظلومة او ربنا موفقهاش ايه المفروض اللى تطلق ندفنها حيه وميكونش عندها فرصة تانية للعيش وبعدين رب العباد حلل الطلاق هتيجى حضرتك تخالفى شرع الله ولا هو جهل وتطرف وخلاص".

تابعت: "وبعدين عدم لبس الحجاب من المعاصي والمعاصي درجات وأقل اثما من الكذب يعنى مش شرك ولا كفر وبعدين ناس كتير واخدين ستارة الدين غطاء لأفعالهم المشينة الا من رحم ربي زي ما فى محجبات محترمة فى محجبات لا تعرف شئ عن الاحترام وزى ما فى غير محجبات محترمة فى غير محجبات غير محترمين عمرها ما كانت باللبس ولا بالشكل ولا بالعزباء ولا بالمطلقة والأرملة كلهن نساء وكان ممكن واحدة فيهم تكون بنتك".

أضافت: "واللى بتدخن جت نفخت فى وشك الدخان كل واحد حر ما لم يضر كفاية بقى قرف وسطحية وجهل ما كل انسان يركز فى حياته احسن وملوش دعوة بحياة غيرة وفعلا الله فى عون زوجك وأولادك
حاسبى نفسك قبل ما ربنا يحاسبك واتقى الله".

اختتمت صاحبة الرسالة: "واخيرا من اعطى لك الحق انك تاخدى صور نساء وتنشيريها وتشهرى بيهم كده
اكيد حضرتك عندك غل وحقد طبقى انهم احسن وأرقى من حضرتك وشكلهم ومضمونهم نساء اصل العين مش بتكره غير اللى احسن منها كفاية وتوبى الى الله".