بعد أزمة المايوه: وفاء عامر في وصلة غزل مع عارفة عبد الرسول

خلال اليومين الماضيين، واجهت الفنانة عارفة عبد الرسول أزمة مع عدد من متابعيها، بعد ظهورها بإطلالة صيفية في لقطة عفوية لطيفة بالمايوه، وهو ما دفع الفنانة وفاء عامر لإعادة نشر صورة الفنانة المصرية مرة أخرى، موجهة لها رسالة، عبر حسابها الشخصي على موقع فيسبوك.

 وكتبت وفاء عامر، في رسالتها الطريفة لعارفة عبد الرسول: "uسل لو اعرف انها في الساحل كنت اكلتها احلي محشي و بط  بحبك يا عارفة و انت مش عارفة". لترد الأخيرة عليها: "حبيبتي يا ست الناس، هجيلك مخصوص".

عارفة عبد الرسول

كانت الفنانة عارفة عبد الرسول تعرضت لانتقادات شديد، لمجرد ظهورها بإطلالة بحرية بالمايوه، حيث نشرت الفنانة المصرية صورتها في حسابها الشخصي، ظهرت فيها بالجزء العلوي، معلقة عليها: "لقيت الطبطبة"،  وهو ما عرضها لسيل من الانتقادات، التي ردت عليها بطرافة وذكاء.

وعلقت عارفة عبد الرسول على منتقدي ظهورها بالمايوه بأحدث ظهور لها، حيث ردت بمقطع صوتي من خلال اتصال هاتفي مع برنامج "ET بالعربي"، عبرت فيه عن رؤيتها للموقف ووجهة نظرها بطريقة عفوية طريفة.

وقالت عارفة عبد الرسول: "ببساطة أنا اسكندرانية وطول عمرنا بنلبس مايوه وبننزل البحر.. وعارفين ان البحر يعني مايوه، وكنا بننتقد الناس اللي بتيجي البحر ولابسة بنطلون ولا جلابية.. احنا جزء من حياتنا المايوه كاسكندرانية.. والصورة انا شايفة مفيهاش حاجة.. انا استغربت من الناس اللي بيقولوا طالعالنا بالبكيني.. ربنا يهديهم وربنا يهديني.. وكل اللي انا عايزاه من الناس ان كل واحد يبص في ورقته وملوش دعوة بالتاني"، منتقدة تدخل البعض في حياتها وسلوكها الشخصي.

أعمال عارفة عبد الرسول

 شاركت الفنانة القديرة عارفة عبد الرسول في عدد من الأدوار، ومن بينها أعمالها مع الفنانة رانيا يوسف، والتي كشفت عن موقف إنساني جمعهم قالت فيه:  "من كام يوم داخله التصوير لقيت زميلتى قاعده بتعمل شعرها وبتسمع فيروز قولتلها...سيدى ع المزاج الرايق انت مسجلاهم قالتلى...لا دى اذاعه الاغانى بتجيب فقره فيروزيه الساعه ٩ الصبح...قولتلها الله الله ع الجمال سالتنى عندك راديو قولتلها لا بس ممكن انزله ع الموبايل مش الراديو ممكن يجى ع الموبايل ابتسمت وسكتت.. النهارده لقيتها داخله عليا براديو فخم فى علبه فخمه برضه واديتهول هديه...انا اتلخبطت مش عارفه ابكى ولا افرح ....طول عمرى بادلع اللى حواليا وقليقلين قوى اللى دلعونى...فعلا الفرحه لجمتنى مش عشان الراديو عشان ماكنتش مصدقه ان فيه ناس حلوه كده....بوست للمره المليون فى حب الست....رانيا يوسف".

وتعتبر مشاركة الفنانة عارفة عبد الرسول في فيلم "النمس والإنس" أمام النجم محمد هنيدى هي أحدث عمل فني لها، وتدور أحداث الفيلم حول موظف حكومى فقير يتعرض لكثير من المصائب بسبب مهنة والده.