حفيدة رجاء الجداوي تنشر صور مع جدتها وتوجع القلوب بكلماتها عنها

نشرت رضوى هندي، حفيدة الفنانة الراحلة رجاء الجداوي، في حسابها على موقع التواصل الاجتماعي، فيسبوك، صوراً تجمعها بجدتها، التي راحت ضحية لفيروس كورونا، وعلقت عليها بكلمات أوجعت قلوب محبيها.

 وكتبت رضوى على الصور التي جمعتها بجدتها رجاء الجداوي: "هيوحشني اني ادخل اوضتك فجأة و اقولك "امتحان مفاجئ هاتي السكريبت " و اسمعلك و نقعد نضحك لحد لما ندمع هيوحشني اني ادخل عليكي و اقولك “ملكيش نفس تتغلبي في دورين كوتشينة يا جوجا" و كالعادة طبعا بتقتعيني هيوحشني اني اكون نايمة و الاقي مامي داخلة عليا تقولي الحقي انا نزلت Story او تلعط live او اي كارثة من الكوارث التانية بتعتك نجري انا و مامي على اوضتك و تقوليلنا جملتك الشهيرة مالو التيليفون ابو قرص".

وأضافت: "هيوحشني اني اقعد اتفرج عليكي و اتعلم منك هيوحشني تريقتك مع صحابي هيوحشني خفة دمك و كرمك و اخلاقك و تسامحك هيوحشني انك تفهميني و تناقشيني و تساعديني و تديني رأيك كان عندي ٤٣ يوم استعد فيهم بس امبارح لقيت نفسي بفتح باب اوضتك بقولك يا أنا ووقفت سكت كتير و قلت الله يرحمك يا حبيبتي شكرا على كل حاجة".

رسائل حفيدة رجاء الجداوي

كانت حفيدة رجاء الجداوي، أرسلت لها رسالة، خلال وجودها في مستشفى العزل، بعد إصابتها بفييروس كورونا الي تسبب في وفاتها كتبت فيها: "عمري في حياتي ما هنسى يوم لما كنا مسافرين و قابلنا ملكة الاردن (الملكة رانيا) صدفه و انا كنت صغيرة و مش مستوعبة الموقف ، وقفت قدامك و قالتلك “I’m one of your biggest fans “و بعدين نزلت على ركبتها ليا و قالتلي “you should be very proud of your grandmother “ مش سهل ان الكلام ده تقوله ملكة لكن المستحيل اني ماكونش فاخورة بيكي و انك تكوني قدوتي".

وتابعت حفيدة رجاء الجداوي: "قومي واجمدي و ارجعي لان لسة في كتير نفسي اتعلمه منك عمري ما هكون زيك عشان انا قلتها قبل كدة و بقولها تاني اللي زيك ما يجيش مرتين، يا رب قادر على كل شيء تقبل منا الدعاء و اعمل لنا إللي فيه الخير انت عليم بكل شيء".

وفاة رجاء الجداوي

أفجعت وفاة الفنانة القديرة، رجاء الجداوي محبيها، حيث لقت حتفها بعد معاناة مع فيروس كورونا، الذي تسبب في وفاتها بعد بقائها في مستشفى العزل لمدة تزيد عن 40 يوماً.