دردشة مع الدكتورة سماح.. عنجد أنو البنات غير الله ما بيفهم عليهن..?

هام وعاجل وضروري

  • تاريخ النشر: الأحد، 03 يناير 2021
دردشة مع الدكتورة سماح.. عنجد أنو البنات غير الله ما بيفهم عليهن..?

#تصحيح_مفاهيم_وتوعية ?

عنجد أنو البنات غير الله ما بيفهم عليهن.. فجأة بكونوا معك رايقين ومبسوطين وما أحلاهن وفجأة بين لحظة والتانية مكتئبين زعلانين كرهانين حالن والدني وبدون سبب متل البنت يلي بهالصورة تماماً ?

✔صحيحة المقاربة الزمنية أنو فجأة بس غلط تماماً التفسير والسبب.. في سبب لهالتقلبات بالمزاج وفي تفسير لهالتغير المفاجئ خلونا نحكي فيه سوا ?

  • تتميز الإناث كل شهر بحالة فيزيولوجية صعبة اسمها #الدورة_الطمثية والهدف الأساسي منها هوي متل ما منعرف طرح بويضة لتنطر نطفة تلقحها وتتحول لبيضة ملقحة وبعدها جنين وبعدها إنسان ?

لكن للأسف هالحالة الفيزيولوجية ما بتمر عالأنثى بسهولة!

تعتبر هالحالة تجربة مريرة بتبقى تعيشها الأنثى كل عمرها.. إحدى صعوباتها هوي #تقلب_المزاج و #الاكتئاب يلي بصيب الأنثى غالباً قبل الدورة بأسبوع لأسبوعين.. وبكون مع هالحالة النفسية السيئة صعوبة بالنوم و تغيرات بشهية الأكل كمان.. ?

  • التفسير العلمي لهالتغيرات هي أنو #بوقت_الإباضة اللي بيحكم باليوم ال١٤ بعد أول يوم من الدورة، بصير في نقص حاد بهرمونات الأستروجين والبروجسترون وهدول التنين بأثروا بدورهن على السيروتونين، الناقل العصبي يلي بيمنحنا السعادة وبنظملنا دورة النوم والشهية ?‍♀️
  • لهيك نقصو لهالسيروتونين بيعمل بالأنثى اللي ما بينعمل.. اكتئاب، حزن، قلق، نقص شهية أو فرط شهية، صعوبة نوم أو شراهة بالنوم.. نقص تركيز و #حياة_تعيسة ?
  • الحلول واسعة هون بس كلها غير مؤكدة الفائدة.. مننصح بس نركز بغذائنا عالكالسيوم من خلال الحليب، الجبنة، عصير البرتقال، الخضار الخضراء.. منركز على فيتامين ب٦ من خلال السمك والجاج.. منبعد عن الوجبات السريعة يلي كلها دهون وسكر.. مننام منيح.. ومنلعب رياضة شي نص ساعة باليوم..

هالحلول مو سريعة بس ممكن بعد شي ٣ شهور نلاقي فائدة ولو بسيطة ?

وممكن كمان إذا الاكتئاب شديد ومديد تنوصف أدوية اكتئاب طبعاً تحت استشارة طبيب مختص..

  • الأهم من كل يلي انذكر أنو نستوعب ونفهم الأنثى وقت تمر بهالحالة.. لازم نحتويها وندعمها ويمكن بكم كلمة لطيفة ومحبة حقيقية من الوسط المقرب تخف صعوبة هالمشاعر التقيلة..

وكمان كأنثى ذكري حالك أنو هالوقت حيمضى وهوي مرتبط بحالة فيزيولوجية طبيعية.. مانو مشكلة كبيرة.. بيهون ?

لهيك لا عاد تضلوا تعيدوا جملة أنو البنات صعبات العقل وما منعرف شو في براسن وليش هيك ما حدا بيفهم عليهن.. هي التفسير بالعلم والمنطق أمامكم..

كل الحب لكل أنثى لأنها بالفعل #مُحارِبة كل حياتها مو بس للوسط المحيط الصعب.. وكمان لداخلها الصعب ?

كنت معكم سَماح صالح محمد ?

تم نشر هذا المقال مسبقاً على بابونج. لمشاهدة المقال الأصلي، انقري هنا