بعد حذف صور بناته والعلم: شريف منير يكشف عن سرقة حساب إنستقرام
بعد أزمة صور ابنتيه الصغار، جدد شريف منير هجومه على ما أسماه بـ"الحرامي"، وظهر في فيديو كشف فيه عن قيام أحد الأشخاص بحذف صور بناته، وصوره التي ظهر فيها علم مصر.
ووجه شريف منير عبر حسابه الشخصي بموقع إنستقرام رسالة قاسية، مطالباً شرطة مباحث الإنترنت والنائب العام بالوقوف معه.
وقال شريف منير في الفيديو: "أظن الكادر كدة مظبوط، فيه ناس تعبانة أوي إن العلم ده موجود، العلم ده هيفضل معايا، لحد ما أتلف بيه وأنزل قبري، العلم ده ف بيتي وبيتي أعمل فيه اللي أنا عايزه، أنا حر، وبيتي ده فيه حرامية دخلوا فيه، هو مش البيت بالظبط بيتي هنا أقصد بيه صفحة إنستجرام".
وأضاف: "الحرامي الللي دخل بيتي سرقوا أو شالوا صورتي وأنا ماسك العلم، وصورتي مع تي شيرت محمد صلاح، وصورة بناتي اللي عملت مشكلة كبيرة، اللي حصل دعم ليا كبير بسببها الأيام اللي فاتت من مصر والوطن العربي وأمريكي لإن واضح إنهم كانوا مستنيين الشرارة وأنا عملت الشرارة".
وأضاف: "اللي دخل سرق فيديوهاتي وأنا رافع العلم، وفيديوهات دعم جيش مصر، والدولة، وفيديوهات مع بناتي في المطبخ، بس أنا من هنا بقول قليل الأدب هيتجازى، مباحث الإنترنت أرجوكم خليكم حواليا، في ناس قليلة الأدب وبتقول كلام في منتهى السفالة، هفضل موجود والعلم هيفضل موجود، اللي مش عاجبه يخرج من صفحتي، عايز تبقى موجود تمام مش عايز تمام".
صورة بنات شريف منير
كان الفنان شريف منير تعرض لهجوم شديد وانتقادات واسعة له ولابنتيه الصغار، بعد نشر صورة شخصية لهم في حسابه الشخصي على موقع إنستقرام، وهو ما دفعه لحذفها إلا أنه أعاد نشرها مرة أخرى وكشف عن إجراء قضائي ضد المهاجمين. ليعيد نشرها مرة أخرى معلقاً: "أنا إمبارح نزّلت صورة لبناتي ( الصغيرين ) ولقيت تعليقات من ناس سافلة و مريضة .. جرحوني وجرحوا بناتي .. وتحت ضغط من بناتي ووالدتهم .. طلبوا منّي أمسح الصورة.. فمسحتها .
لكن أنا نزّلتها تاني لإن شوية الهمج المتخلّفين دول مش هما إللي هيحددوا أنشر إيه و ما أنشُرش إيه .. و أي حد هيكون على أي صفحة تخُصّني .. لو تعدّى حدوده .. هتاخد الإجراء القانوني ضده .. إللي بيوصل للسجن أحياناً".