صفاء جلال تروي قصة منع زوجها لها من تقديم دور الراقصة
- تاريخ النشر: الأحد، 09 أكتوبر 2022
- مقالات ذات صلة
- زينة تروي قصة منعها من التمثيل 5 سنوات
- فيديو نيللي كريم راقصة باليه كما لم تروها من قبل
- تجربتي مع حبوب منع الدورة
كشفت الفنانة المصرية صفاء جلال أن زوجها كان سبب امتناعها عن تجسيد دور الراقصة مرة أخرى بعد أن قدمته في مسلسل امرأة من زمن الحب.
صفاء جلال تتحدث عن منعها من تقديم دور الراقصة
وأوضحت خلال لقاء لها مع الإعلامية ياسمين عز في برنامج كلام الناس أنها قررت عدم تقديمه مرة أخرى حرصاً على إرضائه.
وتابعت: "بعد ما عملت دور راقصة في مسلسل امرأة من زمن الحب جوزي قالي مش هتعملي دور رقاصة تاني، وهو قالي إحنا هنكمل تمثيل بس بلاش دور رقاصة تاني خالص فعشان كدا معملتش دور رقاصة، وسمعت كلامه علشان ميزعلش".
وأكدت صفاء جلال أنها حريصة على تقديم أعمال فنية مناسبة لوضع زوجها كرجل شرقي، مشيرة إلى أن الأولوية بالنسبة لها هي رعاية بيتها بعد العمل الفني.
واعتبرت أن كل شخص لديه أولويات في الحياة قائلة: "أنا اخترت إن نمرة واحد يبقى البيت وزوجي وبناتي وبعدين شغلي، في ناس تانية بتختار العكس".
وتحدث صفاء جلال عن قصة زواجها في سن صغير قائلة: "أنا اتجوزت وأنا عندي 24 سنة، صغيرة جدا، أنا اخترت أتجوز بشكل معين، وأتجوز راجل شرقي، وأمشي على هواه هو، وعلى حسب هو بيحب إيه؟، دلوقتي الستات هيشتموني على الكلام ده".
وأشادت بزوجها وصفاته قائلة: "هو كمان الحمد لله بيحاول يعمل كل حاجة عشان يبسطنا، بيحب بيته وبيحب بناته، وبيبحبني وبيحترمني، ولما يلاقي شغلي حاجة كويسة ومحترمة ومهمة، بيشجعني، وبيكون فرحان لما يلاقي الناس بتتكلم عن دور أنا عاملاه كويس".
صفاء جلال تتحدث عن أزمة حجاب ابنتها
وأوضحت صفاء جلال أنها تعرضت لهجوم شديد بعد أن نشرت صورة ابنتها بالحجاب بعد الاحتفال بعيد ميلادها الـ 20.
وقالت: "كان عيد ميلاد سلمى بنتي الـ20، فكنت فرحانة، على صفحتي الخاصة بتاعتي بقولها كل سنة وأنت طيبة وأمورتي الحلوة بقت حلوة، ودخلت الناس كل سنة وانتو طيبين".
وتابعت: "وبعدين فجأة تحول لهجوم عنيف جدا عليا، شديد اللهجة، اتقي ربنا، اتعلمي الأخلاق من بنتك، ده أنت رجلك والقبر، فلاقيت الناس برضه بترد، الحمد لله".
ولفتت إلى أن ابنتها هي من اختارت ارتداء الحجاب وهي في مرحلة الثانوية العامة قائلة: "اختارت وهي في ثانوية عامة إنها تلبس الحجاب، فقولتها لو هتلتزمي بيه وهتعمليه صح أنا معاكي.
وأضافت: هي عملت بحب لربنا، وإنها تلتزم وإن لبسها يكون لبس شرعي ربنا يكتبلي وألبسه، زي أمي وأختي وأصحابي محجبات، مبسوطة بينهم ونفسي أبقى زيهم"