قصائد سلطان آل شريد
سلطان ال شريد هو شاعر شاب من دولة الكويت - مواليد 1993 - وهو من الشخصيات البارزة على مواقع التواصل الاجتماعي وذلك لامتلاكه موهبة فنية وقدرة عالية في كتابة الشعر وإلقائه، حيث يحظى شعره بإعجاب آلاف المتابعين، وتتناول أغلب أشعاره موضوع الفراق والأصدقاء لملامستها قلوب الناس ومعظم المتابعين، له العديد من الدواوين الشعرية من أهمها ديوان "أنت وأنا" وديوان "أنا فقط". [1]
فيديو ذات صلة
This browser does not support the video element.
قصيدة توني اصحى
وش اللي طرا في بالك وجيتني هالحين!
ماعدت الحبيب الطيب ان كنت تفتكره
هذاك الكبير اللي يعدك من الغالين
ما يقدر يكمل .. عقب ما شاف ما يكره
غفى الشوق ينتظرك وردد ترى بتزين
وصحى ما لقى اللي كان من الشوق ينتظره
يوم اني اجيك؟ وخايف الجرح والسكين
حبيبك ما حنيته من الجرح في صدره
انا توني اصحى بعد ما مرضت سنين!
ماني ناقص تجدد لي الهم والعبره
دخيلك .. ياليتك شفت وش يعمل التخمين
ليا من طرى طاريك رحت افهق الغتره
واسولف على نفسي قبل لا الفراق يبين
اقول : بيجيبه شوق واسامر القمره
طلبتك ابيك تكمل غياب قلب وعين
غيابك ما خلى لي عذر لجل انا اعذره
خطا عاشقك باع العرب واشتراك الين
من يشوف وجهه قال هذا غريب امره
وبعد ما نسى جرحك معا مرحلة عامين
تبينه يرد شلون يرجع على قبره. [2]
قصيدة جيتني تايه
جيتني تايه وفي كفك أماني
جايع أشواق وتبي مني عطيه
واحتضنتك قلب ما بين المحاني
قلب طيب ما يحب إلا خويه
صاحبي وشلون ما تذكر حناني؟
ما يصير أشوف من ايدك أذيه
قسوتك يا صاحبي تشبه زماني
قمت أدور من لهيب الشمس فيه
القلوب تهب بـ السبع المثاني
وأنت لا هبيت ريح مهمهيه
قلت لك يوم أن طاريك خذاني
ما جرا منك ترا ماهو شويه
كان يرضيك الفراق أرجع عشاني
لامتى والنار وسط الصدر حيه
أعترف لك وأنت لا تنسى مكاني
أنت لاجيت المكان تصير ضيه
أسأل طيوفك وضيقي والأغاني
في غيابك صرت مجهول الهويه
أستحي لا أقول محبوبي جفاني
قدم وصالك على شاني هديه [3]
قصيدة بين لهفات المواصيل
بين لهفات المواصيل يا طول الغياب
ما رحمت العاشق الي تمنى ترجعين
فاتحٍ لمواصلك يا الغلا عشرين باب
يمكن انك عقب فتره تحنين وتجين
ارحمي من ضاع عمره وهو يطرد سراب
واللظفي في حال منهو دعاء ربه تزين
والله ان وصلك سعاده وبعدك لي عذاب
ارحمي عزيز قومٍ حداه …… الوقت لين
زادت اهمومه ….. وودا مع همه وجاب
شيء ما جابوه قبله … روات العاشقين !
يا صغر جرح العواجي على فرقا عقاب
ويا كبر جرحي وانا في رجاء انك تسألين
كيف ابنسى حبك الي .. مع الايام شاب
وشاب راسي من فراقك بعد عشرت سنين
انظري في حال منهو من البعد استصاب
تذرف ادموعه …… ليا طروا الي راحلين
وكل ليل يلوم ظنه على انه فيك خاب
لا طرت له ذكرياته …. قبل لا ترحلين
عاشقك ما هاب وقته ومن فرقاك هاب
انتي تعرفين وش يعني او ما تعرفين
ان نسيتي الحب الاول وحثيتي الركاب
اقسم في منهو احل القسم ما تنسين [4]
قصيدة جيتني عقب ابتهالي
جيتني عقب ابتهالي مثل ما انا هاقي
والزمن من يوم جابك طالني معروفه
في مجيك ما بقى للمستحيله باقي
كل حلم ما تحقق من قبل ما اشوفه
ي اكبر من اكبر طموح ومن هقاوي الهاقي
ويا دمار اللي تزايد لا زعلتي خوفه
والله انك لو فتشتي عن كنين اعماقي
ما لقيت الا قصيده ماهي بمعزوفه
وبسمةً تحيي رميم المستضيق الشاقي
الكبير اللي ما نزل لليالي نوفه
علميني وين ابسلى وانتي بين اوراقي
وقبلتي لا من بغيت اشكي الزمن وظروفه
جابك الليل وغمرني النور بين افاقي
وصرتي بين اعماقي الدره الموصوفه
والله اني لا لمحتك ما تشين اخلاقي
عاد شلون يتبسم ثغرك وما اشوفه !!
لا تثنى عودك اللين يزول ارهاقي
وتنهمر كل القصايد بالوصف ملهوفه
اقلط بوسط الحنايا وخذ عمري الباقي
انت راعي القلب كله وانت اعز ضيوفه
ودمريني شتتيني واسرفي ب اغارقي
كل شي ضاع بيدك ما عليه حسوفه [5]
قصيدة الطيب
من قال لك ان الفقر على النشاما ما يعيب؟
لا يارفيقي والليالي حدت الطيب يغيب
يومك تدور من يرد العلم .. ويجيب خبره
العذر منك كان مسعانا معك ماهو يصيب
وجه الزمن ماودك تشوفه ليا من كشره..
لا تحسب ان ظنك مع الاجواد فالدنيا يخيب!
الوكت يضحك .. لكن الطيب ماهو بيعبره
الحظ قاصر والمراجل كلها حظ ونصيب
والطيب؟ اللي لا قدر مارد باللي يقدره
كم واحد شاف الليالي كلها صدر رحيب
من عقبها ماعين اللي عن دموعه يستره
الطيب اللي في مواقيف الرفاقه مايخيب!
والعود الازرك مايساق الا بوسط المبخره!
تمشي بنا الدنيا على عكس التمني يالحبيب؟
واليا .. مشى المكتوب ماتقدر توقف بنحره
وترى الليالي لا كلت لا تحتري منها تجيب؟
بطن الليالي لا كلا لا تحتري من شعره
ومن قالك بان الفقر على النشاما مايعيب
الا يعيب الرجل ويكسر ضلوعه … وظهره! [6]