ميار الببلاوي تكشف تفاصيل مرض نجلها بعد استغاثة مقلقة حول حالته
كشفت الإعلامية ميار الببلاوي عن تفاصيل جديدة حول مرض نجلها بعد أن أصدرت استغاثة حول حالته الصحية وعدم قدرته الذهاب إلى امتحانه، قائلة: " ابني من الصبح بيموت بين إيدي"، لتتصدر بعدها البحث على مؤشر البحث جوجل.
وأثارت ميار الببلاوي ضجة على مواقع التواصل الاجتماعي بعد أن كشفت عن تفاصيل حالة نجلها الصحية في تدوينة لها قائلة: "عاوزه اقول الله مايحوج حد لحد بس بعد الضنى مفيش وكده حلو أوي".
ميار الببلاوي تكشف تفاصيل حالة نجلها الصحية
وأوضحت ميار الببلاوي أن نجلها مصاب بجرثومة المعدة إلا أن حالته كانت صعبة للغاية خلال الأيام الماضية، مشيرة إلى أنه ذهب إلى امتحانه بمساعدة عدد من أصدقائه.
وعلقت ميار الببلاوي في تصريحات لموقع الوطن المحلي، قائلة: "الدكتور طمني، وقالي ابنك عنده مرض في فيروس في المعدة، وبيخف بعد 3 أيام، ولكن أعراضه صعبة، وكان يهمني يروح الامتحان لأنها آخر سنة، لكن لما شفت حالته صعبة قلت يارب يقف بس على رجله".
وفي منشور لها على حسابها الشخصي على موقع التواصل الاجتماعي فيسبوك، وجهت ميار الببلاوي الشكر إلى الجمهور بعد تلقيها عدد كبير من رسائل الدعم والدعاء لنجلها، قائلة: "بجد عاجزة عن الشكر وربنا مايحرمني منكم ولا من دعائكم، ابني خلص امتحانه دعائي ودعائكم وإحساسه بيا وقبل كل ده رب العالمين يرسلوا الامتحان يمكن أقل من اللي كنت عاوزاه بس أكتر من اللي كنت متوقعاه، اللهم لك الحمد".
وأوضحت ميار الببلاوي أن مرض نجلها سبب لها حالة من الفزع خاصة أنها فقدت والده وهو طفل صغير، قائلة: "الحمد لله ابني راح الامتحان، أصحابه جم ومسندينه، هو كل حاجة ليا في الدنيا، لأني فقدت والده وهو عنده سنتين، ومن بعد وفاة ماما وقلبي دايمًا مقبوض، خاصة إنها تعبت نص ساعة وماتت".
وأكدت أن الحالة الصحية لنجلها بدأت في التحسن حاليا، قائلة: "الحمد لله فضل ونعمة من ربنا، هو اتحسن، بس قلبي واجعني اوي عليه، ماكنتش قادرة أشوفه وهو مش قادر يقف على رجله، الدكتور بيعالج ابني في البيت، وعلقله محاليل، لأنه بيعاني من مشكلة في المعدة، والدور منتشر بين جيله بصورة كبيرة، ومن المقرر أن يتحسن خلال 3 أيام فقط".
ميار الببلاوي تستغيث بسبب حالة نجلها
وكانت ميار الببلاوي نشرت استغاثة لها بسبب حالة نجلها الصحية قائلة: "إيه ده إيه الدنيا دي إيه الناس دي إيه الواحد عايش في كوكب لوحده ملهوش حد ولا يفرق مع حد كلوا يالا نفسي ولو ليه مصلحة يعملك نفسه مروحة ولا ملوش متلزموش".
وتابعت:" دي كلمة ست طيبة لقتني ببكي في المسجد بتاع المقابر وقالتلي دموعك غالية وفريها الجايات كتير والله استغربت كلامها وكأنها بتأهلني للي جاي النهاردة".
وكشفت عن تدهور حالة نجلها قائلة: "ابني من الصبح بيموت بين إيدي بيرجع وبيتلوي من المغص ودكاتره داخلة ومحاليل وحقن وأدوية وبكرة امتحانه الصبح لأنه في بكالوريوس ودي آخر مادة طبعا كده خلاص مفيش أمل إلا بمعجزة من عند ربنا لإنه رايح راس في رأس والسخونية 40 ألاقي حد حقير كلمني وبحكيله إن ابنى تعبان وبيموت من المغص وبيصرخ يطلب الطلب اللي هو عاوزه ويقفل".