نقل هذا الفنان الشاب للمستشفى وزوجته تطلب من الجمهور الدعاء له !
نقل الفنان الشاب أحمد عبد الله محمود نجل الفنان الراحل عبد الله محمود للمستشفى بسبب أزمة صحية مفاجئة تعرض لها في الساعات الأولى من صباح اليوم .
شاهدي أيضاً :ابن الراحل عبد الله محمود ينشر صورة نادرة له في أيامه الأخيرة ويكشف عن هديته قبل الوفاة
وناشدت زوجته الفنانة سارة نخلة جمهوره ومتابعيه بالدعاء له حيث كتبت عبر حسابه الخاص بـ"فيس بوك" :أحمد تعبان جدا جدا إحنا في المستشفى خدته إسعاف على طول أرجوكم ادعوله ربنا يعدي الأزمة دي على خير، ويبعد عنه كل شر والناس الوحشة اللي عاملين طيبين وقاعدين يحسدوه أصلاً للأسف" .
ثم عادت مرة أخرى وطمأنت جمهوره ومحبيه على صحته، وقالت:" إحنا في البيت يا جماعة خرجنا من المستشفى من شوية، أحمد عنده ستريس فظيع بالإضافة أن وفاة صاحبه روبير ربنا يرحمه مأثر عليه جداً، و بقاله 3 ايام اصلاً مش بينام ساعه على بعضها و نسي نفسه و جيه على نفسه كتير عشان الشغل و للأسف أحمد بيدخن و دا خطر جدا عليه، وبقاله يومين بيشرب سجاير كتير" .
وأضافت:"إن شالله بذنه تعالى بعد اليوم أخذ قرار يبطل سجاير لأن الأزمة الحمدلله عدت على خير و ربنا لطف بينا، و هو قرر لو ربنا نجاه خلاص هو هيبطل، المهم هو نايم دلوقتي حبيت أطمن صحابه وكل حد أتصل بينا، أنا كنت لوحدي أنا ومساعد أحمد في المستشفى عشان كدا كتبت البوست و متلخبطة و مش عارفة أعمل حاجة، ربنا سترها عملنا تخطيط القلب و ضغط و علقوله محاليل لحد ما راحت الرعشة منه، واطنى أن قلبه بقا سليم، و هو نايم دلوقتي يارب ما تشوفوش حاجة وحشة".
يذكر أن أحمد عبد الله محمود يشارك في رمضان هذا العام في أكثر من عمل درامي من بينها مسلسل "عوالم خفية" مع عادل أمام، و"فوق السحاب" مع هاني سلامة، و"طايع" مع عمرو يوسف .