منافسة في الجمال بين ليلى علوي وشقيقتها..شاهدي أجمل اللقطات لهما سوياً
حرصت ليلى علوي على معايدة شقيقتها لمياء بطريقة مميزة، من خلال نشر لقطات تجمعهما سوياً كشفت عن جمال الأخيرة اللافت الذي لا يقل عن أختها الفنانة الشهيرة.
شقيقة ليلى علوي خطفت الأنظار بجمالها الأوروبي، وذلك بعد أن عايدتها الفنانة المصرية برسالة من القلب، ونشر فيديو يجمع صوراً لهما سوياً، معلقة على اللقطات اللافتة قائلة: "يوم ما اتولدت أختى الصغيرة كان يوما مهما جداً فى حياتى، ومش ممكن أنساه كنت فرحانة إن بقى ليا أخت، وإنى هلعب معاها بس زعلت أوى يوميها عشان ماما باتت فى المستشفى، وما كانتش بايتة فى البيت".
This browser does not support the video element.
وأضافت ليلى علوي: "بس تانى يوم لما روحت وشوفتها حبيتها علطول، وكنت حاسة إنها العروسة بتاعتى اللى هاخد بالى منها ولغاية النهاردة بس الآية اتقلبت، بقت هى اللى بتاخد بالها منى وهي العيلة والسند وضهرى وهى اللي بتحفزنى على كل حاجة حلوة فى الحياة بعشقها وبحبها هى إنسانة نادرة بأخلاق الأمراء بجد هي وجوزها وطلعت بناتها كده كمان".
وختمت ليلى علوى رسالتها المؤثرة لشقيقتها: "بحبك يا أحلى أخت فى الدنيا يا بنتى وصاحبتى وكل حاجة في الدنيا.. بوسة كبيرة وربنا يخلينا لبعض".