فيديو طفل مريض سرطان تتحسن صحته بسبب حسن الرداد

أوفى الفنان حسن الرداد بوعده لطفل مريض بالسرطان تمنى مقابلته، حيث قام بزيارته في المستشفى، ونشر فيديو جمعه مع الطفل على حسابه الرسمي على تطبيق إنستجرام.

حسن الرداد نشر صورة جمعته بالطفل محمد مريض السرطان، وكشف من خلال تعليقه أن معدل مناعة الطفل وصل إلى أدنى مستوياته، عندما أرسل أحد أصدقاء حسن له فيديو للطفل يطلب فيه مقابلته، ورد عليه حسن بفيديو وعده خلاله بأنه سيقوم بزيارته في أقرب فرصة، ارتفع معدل المناعة لدى الطفل، بينما ارتفع لمعدل أعلى بكثير بعد الزيارة.

شاهدي أيضاً: حسن الرداد يوجه ضربة موجعة لمحمد رمضان وما نشره أذهل الجمهور

وكتب حسن الرداد على القصورة قائلاً "النهاردة روحت مستشفى ٥٧٣٥٧، بعد ما كلمنى صديق ماشفتوش من ٧ سنين اسمه خالد الشرقاوي ، و قالى ان فى طفل اسمه محمد ، بيحبك جدا و عايز يشوفك و المناعة عنده ٣٠٠ فقط ( و دى طبعا قليلة جدا) و بعت لى ڤيديو و لما رديت عليه بڤيديو المناعة عنده زادت ل ٣٥٠٠ و النهاردة المناعة بتاعته وصلت ل٤٥٠٠ بعد ما الدكاترة كانوا بيقولوا كلام علميا عكس كدة،لما روحت و قابلته شفت ولد ماشاء الله زى القمر، ذكى جدا ، فاهم فى حاجات كتير اكبر من سنه و بيحتوي اللى حواليه، دمه خفيف جدا وموهوب، لماح بشكل مش طبيعى أتكلم معايا فى حاجات كتيرة انا مش عارف هو فاهم فيها ازاى، ماشاء الله عقله اكبر من سنه بكتير تخس ان عندك ٢٠ سنه و اكتر ،انا اتعلمت منه حاجات كتير النهاردة ، اتعلمت الإيمان و الصبر على الابتلاء و مواجهة المشاكل بالابتسامة و الرضا الشديد بقضاء ربنا و الطاقة الإيجابية اللى بيديها لكل اللى حواليه، اللى كان مزعله بس ان الأطفال فى المدرسة لما عرفه انه تعبان كانوا بيتريقوا عليه فاياريت الاهالى يفهموا اطفالهم ان دى قلة أدب، يا محمد انا بحبك جدا جدا، ربنا يشفيك يا حبيبى انت و كل اطفالنا و ان شاء الله هتيجى تمثل معايا فى رمضان زى ما وعدتك، و شكرا على الهدية الجميلة دى، هجيلك تانى قريب، يا ريت كل واحد يتبرع بجزء من وقته لاطفالنا الجمال دول عشان ده شئ كبير جدا بيهون عليهم القعدة بتاعتهم فى المستشفى".

فيما نشر فيديو جمعه مع الطفل محمد، وعلق عليه قائلاً " من زيارتي اليوم مع اجمل طفل فى العالم"، وكشف حسن الرداد أنه وعد الطفل بأنه سيمثل معه في مسلسله الرمضاني الجديد.
 

 

A post shared by Hassan El Raddad (@hassanelraddad) on Sep 30, 2017 at 3:44pm PDT