مينا عطا نجم ستار أكاديمي يعلن خطوبته بقصة غريبة وصورة تكشف جمال عروسه

أعلن مينا عطا نجم ستار أكاديمي عن خطوبته من فتاة من خارج الوسط الفني ربطته بها قصة حب طويلة، حيث كشف الخبر لمحبيه عبر منشور طويل له على "انستقرام"، أرفقه بصورة له مع عروسة من جلسة التصوير الخاصة بحفل الخطوبة.

وأطلت عروس مينا عطا المصرية الحسناء بفستان ذهبي فاتح بأكمام Off Shoulder، وكان من الشيفون المطرز بأوراق الشجر اللامعة.

شاهدي أيضاً: تفاصيل خطوبة بريانكا تشوبرا وحبيبها نيك جوناس بعد ارتباطهما شهرين فقط

وكتب نجم ستار أكاديمي في تعليقه على الصورة أنه احتفل بخطوبته مساء أمس الموافق 8/8/2018 في تمام الساعة الثامنة، حيث روى لمتابعيه قصة لقائه بعروسه التي يحبها منذ 11 عاماً تقريباً.

وقال مينا عطا: "فاكرين يوم ما غنيت فى ستار أكاديمى (الايڤال الرابع بتاع الأمنيات) أغنية لا تروحى وكانت أمنيتى إن البنت الوحيدة اللى حبتها فى حياتى ترجعلى ونكمل حياتنا سوا ! الحمدلله من نعم ربنا عليا النهاردة إنى أقدر أقول إننا رجعنا لبعض واتخطبنا كمان وفرحنا بإذن الله قرب أولاً عاوز دعوة حلوة منكم لينا وثانياً هما كلمتين أحسن من 200 عشان ما بحبش أطوّل".

ثم أكمل: "لو ليك هدف، أمنية، حلم امسك فيه بإيديك وسنانك واوعى تقول مستحيل أو مش هيحصل لأن ربنا كبير أوى وعالم بنيتك وحالك وبيديك دايمًا اللى انت محتاجة والمناسب ليك فى الوقت المناسب"،

وتابع بعد ذلك، قائلاً: "أما بالنسبة لعِشرة الـ11 سنة حب واللى استحملتنى كتيييير ووقفت جمبى زمان كتيير اوى قبل اى شهرة وقبل كل حاجة أيام ما كانت بجد الحياة سودة ومتقفلة ف وشى ومش عارف أحقق أى حاجة أحب أقولك (لو لفيت الدنيا كلها والله العظيم عمرى ما هلاقى زيك وعمرى ما حبيت ولا هحب ولا عرفت حب بجد يعنى ايه غير معاكى، انتى كل حاجة فى حياتى، بحبك)".