رانيا يوسف: بصوم اتنين وخميس للحفاظ على رشاقتي وجالي كوابيس بعد التحرش

  • تاريخ النشر: الإثنين، 19 أكتوبر 2020
رانيا يوسف: بصوم اتنين وخميس للحفاظ على رشاقتي وجالي كوابيس بعد التحرش
مقالات ذات صلة
رانيا يوسف تحتفل بمرور 20 عام على مسلسل عائلة الحاج متولي بصورة جماعية
رانيا يوسف تكشف أسباب زيارتها لأطباء نفسيين الفترة الماضية
بينهما رانيا يوسف ونرمين الفقي: نجوم مصر يلتقون في شارع 9

تحدثت الفنانة رانيا يوسف عن علاقتها ببناتها خلال حوارها مع الإعلامية إيمان الحصري في برنامج «مساء dmc» على dmc.

وقالت رانيا يوسف خلال الحوار: «أنا وبناتى صحاب جدًا ومربياهم ومفهماهم أيه الصح وأيه الغلط ومينفعش يكذبوا عليا وطول الوقت مصاحباهم، وبابا كان ضابط وراجل عسكرى والكل فاكر أنه ضابط البيت فيه شدة بالعكس بيت فيه تفاهم وحب، واتعلمت صداقة بناتى من صداقة أبويا لأنه متفاهم وعقلانى وأقرب منى من ماما، وأنا أمى مش سودانية زى اللى بيتقال أنا من طنطا وأمى صعبة أوى ومفيش حوار بينى وبينها».

كما تطرقت إلى نظامها الخاص للحفاظ على رشاقتها قائلة: «علشان أهتم برشاقتى بصوم اثنين وخميس كل أسبوع مش جانب دينى بس جانب صحى كمان وبشرب مياه بليمون طول اليوم لأنه بينزل كل السموم على الكلى والكبد وبمشى كتير».

وتابعت: «طول عمرى بحب الرياضة وأروح الجيم وامشى وبحافظ على جسمى على طول ومحدش يعرف كنت بصور مسلسل وتعبت وخدت دواء تخنت من الدواء ١٠ كيلو وعملى مشاكل صحية كبيرة كنت بموت بس لازم أنزل اشتغل لأنى معنديش رفاهية إنى تعبانة مش هقدر أنزل من المسئوليات اللى ورايا».

وعن بداياتها قالت: «بدأت موديل واشتغلت مضيفة ٣ سنين وكنت أطلع رحلة أرجع أمثل أعمل إعلان كدة واللبس متعتى وبحب أسافر والمهنة بتاعتنا محتاجة شو، وبعد مسلسل الحاج متولى عرفت أنى ممثلة جيدة كويسة والنجم الراحل نور الشريف قالى إنتى ممثلة كويسة كملى واستمرى ومسلسل أهل كايرو عديت فترة حلوة وكان خلاص عندى خبرة فى التمثيل واشتغلت على نفسى وخدت كورسات تمثيل».

وقالت إنها تعرضت للتحرش هي وابنتها من قبل، وأثر هذا الموقف عليها نفسيًا، موضحة: «بقى بيجيلى كوابيس وأثر على نفسيتى وحسيت بالذنب إنى معرفتش أحميها ولما كله اتكلم على قضية التحرش الشهيرة قررت افضح المتحرش لأنه جبان وخايف وأنا بعلم عليه وبفضحه وده عقاب بسيط لحد ما يتحاسب».

التدوينة رانيا يوسف: بصوم اتنين وخميس للحفاظ على رشاقتي وجالي كوابيس بعد التحرش بي وابنتي ظهرت أولاً على نجوم إف إم.