سامح حسين مندهشاً من نجاح برنامجه قطايف: ما يحدث معي معجزة

يقدم الفنان سامح حسين برنامجه قطايف، عبر منصات التواصل الاجتماعي، ورغم ذلك، لاقى البرنامج نجاح كبير وتفاعل معه الجمهور، ليعبر النجم المصري عن دهشته واصفاً ما يحدث معه بمعجزة.

سامح حسين: ما يحدث معي معجزة

 وفي رسالة عبر فيها عن دهشته من النجاح غير المتوقع لبرنامجه قال سامح حسين في رسالة عبر حسابه الشخصي على تطبيق التواصل الاجتماعي فيسبوك: "اللَّهُم لك الحمد كما ينبغي لجلال وجهك وعظيم سلطانك.. شكراً من قلبي لكل حد قال في حقي كلمة طيبة أنا حاسس إن اللي بيحصل معايا ده معجزة .. ده أنا بقيت خايف أنام ليطلع اللي أنا فيه ده حلم". 

 تفاعل الجمهور مع سامح حسين في تعليقات عبرت عن فرحتهم بنجاح نجمهم المفضل ومن بين التعليقات: "بصراحة انا بحبك أوي حضرتك إنسان محترم جدا انا بحبك من ساعة ما ظهرت علي الشاشات إنسان جميل والله.. ربنا لما يحب عبدا يقول في السماء اني أحب عبدا فاحبوة وربنا يزرع في قلوب الناس كلها حبها لحضرتك".

وكتب آخرون: "ما شاء الله عليك يا أستاذ سامح ربنا يوفقك حاجة عظمه خالص سبحان الله ناس كتير فطرتها لسه سليمة ونظيفة والدليل شوفوا التعليقات الناس فرحانة بمحتواك وبتشجعك ودورك إنك تكمل اللي الناس بتحبه وبتشجعه وفرحاننين بيه ومتغيرش مسارك".

كما شارك آخرون اقتراحاتهم: "عندي فكرة تزيد من انتشار المحتوى...ياريت حلقات برنامج قطايف برده تنزل في بوست مكتوبة عشان في ناس بتبقا الباقة صغيرة ومتقدرش تشوف الفيديو عشان كده يفضل فكره ان الحلقة تنزل مكتوبة والناس تستفيد من الحلقات الجميلة واسعة الانتشار وتبقى بوست لوحده بعلامة مائية عشان محدش ينسخه .. ياريت تنفذ هذه الفكرة إن أمكن". 

وكتب متابعون: "سبحان الله لما قرية الآية افتكرت موقف النهارده الصبح عندي تلميذ هو مخ نضيف ووالدته شقيانة عليه عشان يتعلم بس بيعمل مشاكل والعيال بتأفف من منظره لعدم نظافته النهاردة كلمت الأولاد وهو مش موجود وحثتهم أنهم يتقبلوه ويبتسموا في وشه ويساعدوه عشان ميكونوش سبب في كره للمدرسة وتحويله لشخص مؤذي لأنه حاسس ان محدش بيحبه أو بيقرب منه أحلى حاجة أن أول ما دخل الأولاد كانوا متأثرين بكلامي ومضيقهوش كالعادة أو اشتكوا منه لما لمسهم اللهم اني قد فعلت ذلك ابتغاء مرضاتك اللهم تقبل واجزني على قدر كرمك بالله".

مصطفى شعبان يحتفل بنجاح برنامج سامح حسين

وكتب النجم مصطفى شعبان داعماً سامح حسين: "برنامج قطايف للفنان والصديق الغالي سامح حسين عمل يستحق المتابعة والإشادة.. برنامج يخطف العين والقلب من أول ثانية بلغته السلسة وأدائه الهادئ وكلماته القوية والمعبرة البرنامج عبارة عن جرعة يومية من القيم الإنسانية والرسائل الهادفة التي تصلح لكل أفراد الأسرة والحقيقة أن كل ذلك ليس غريبًا على فنان عظيم مثل سامح حسين.. لذلك أدعو جميع أصدقائي ومتابعيني لمشاهدة هذا البرنامج المميز والاستفادة من رسائله القيمة". 

 وأحدث برنامج سامح حسين ضجة وسط تفاعل كبير من الجمهور بينهم هشام أحمد والذي كتب: "طبعاً عارفين سامح حسين و كلنا ضحكنا ع ايفيهاته ف راجل و ست ستات.. سامح عامل برنامج اسمه قطايف رمضان البرنامج بيعلمك حاجات فالدين و حياتك اليومية شوية نصايح كدة مهمة جداً لو شوفته هتكمل البرنامج".

وأضاف: "طبعاً لان مفيش قناة وافقت تاخد البرنامج تعرضه عشان مش هيجيب إعلانات او مشاهدات نزل البرنامج ع كل منصات السوشيال ميديا وبمساعدة مراته وقوة السوشيال ميديا البرنامج بقي متشاف جامد جداً وناس كتير متابعاه وسامح حسين بعد ما فقد الامل ان برنامجه حد يشوفه بقي متصدر المشهد ع الصفحات.. ربنا مبيضيعش تعب ومجهود حد أبدا و اي عمل خالص لوجه الله ربنا يجبر صاحبه لو مش فوقتها بيبقي فوقت ربنا محدده".