ميرهان حسين تؤدي مناسك العمرة وتتعجب سائلة: إزاي حد ينكر وجود ربنا

نشرت الفنانة المصرية ميرهان حسين عبر حسابها بإنستقرام عدة صور لها أمام الكعبة أثناء تأديتها مناسك العمرة بالمملكة العربية السعودية.

ميرهان حسين تتعجب من أمام الكعبة

وعلّقت ميرهان حسين على الصور التي نشرتها عبر حسابها بموقع إنستقرام، من أمام الكعبة كاتبة: "مع إن الصورة دي من أحب صوري لقلبي، اترددت أنزلها، أولًا خفت أن ده يأثر على ثواب حاجة بيني وبين رب العالمين، ثانيًا عارفة إن في ناس سطحية كتير هايكتبوا كومنتات كلها إيه يا طاهرة، إيه يا ست الشيخة، ويعملوا فيها أنهم مابيغلطوش أبدا، وجايين يحكموا على ناس زيهم أحكام هبلة وخلاص، وهما مايعرفوش اللي بينك وبين ربنا ولا عمرهم هايعرفوه".

ضافت: "بس قولت لأ مش هامشي ورا الفكر ده وهانزل صورتي اللي بحبها عشان فيها ذكرى وجودي في أطهر بقاع الأرض وأنا ضيفة في بيت الله الحرام، وبحتفل فيها بنعمة من أكبر النعم هي نعمة إن ليّا رب عظيم اسمه الكريم اللي ممكن أطلب منه أي شيء ومفيش حاجة كبيرة عليه، إنما أمره إذا أراد شيئا أن يقول له كن فيكون".

استكملت: "نعمة وجود ربنا في حياتنا أكبر من كل النعم، أنا حقيقي معرفش إزاي في ناس بتلحد وتنكر وجود ربنا والعياذ بالله، وفي منهم أصحاب ليّا وناس بقابلهم، ومع حبي ليهم بس بقولهم فايتكم أعظم حاجة في الوجود، أن يبقى ليك رب قادر على تحقيق كل اللي يتمناه قلبك ويسرح فيه خيالك، رب أكبر من كل كبير هو الأمان في الدنيا دي، وكل من عليها فان".

آخر أعمال ميرهان حسين

جدير بالذكر أن آخر أدوار ميرهان حسين كان في مسلسل "أنا وهي"، والذي عُرض مؤخرًا على قناة CBC، وشارك في بطولته: هنا الزاهد، أحمد حاتم، أشرف عبدالباقي، محمود البزاوي، محمد ثروت، سلوى محمد علي، تأليف مصطفى حمدي، وإخراج سامح عبدالعزيز.

كما شاركت في مسلسل "نقل عام"، من بطولة الفنان محمود حميدة وسوسن بدر، سميحة أيوب، أحمد بدير، دينا، ريم البارودي، محمد محمود عبد العزيز، محسن محيي الدين، إيمان أيوب، عابد عناني، نهلة سلامة ومن إخراج عادل أديب.