دينا تكشف: تزوجت 9 مرات واخترت الرقص بدلاً من الزواج

كشفت الفنانة دينا العديد من أسرار حياتها الشخصية في لقاء تلفزيوني لها مع الإعلامي عمرو الليثي، وتحدثت عن عدد مرات زيجاتها مشيرة إلى أنها لم تتزوج سوى مرة واحدة فقط في السر.

دينا تكشف سبب زواجها سراً

وأوضحت دينا إلى أنها تزوجت سراً في سن صغير لأنها كانت تريد أن تعمل في الرقص ووالدها رفض الأمر لذا قررت الزواج.

وأشارت إلى أن والدها كان غاضباً بشدة بعد زواجها، معلقة: "نزلت على المأذون اتجوزت علشان اشتغل وقعدت عند مامة جوزي وببايا كان هيموت أنا عملت كوارث مع أهلي"

وأضافت إلى أن والدها ظل عامين لا يتحدث معها لأنه كان يشعر بالخوف عليها، قائلة: "رجعت البيت وقررت هرقص شرقي وقعد سنتين ميكلمنيش هو كان خايف عليا كنت في ثانوية عامة وكان خايف اسيب دراستي واهمل حياتي بس أنا مكنتش دماغي كدة"

وتابعت: "أنا دماغي كانت غريبة شوية قررت اني همشي في المشروع دة حتى لو خسرت لاني بحبه وكنت عارفة أنه هيرجع يكلمني لأن مخاوفه مش هعملها كان خايف ابطل اروح المدرسة والجامعة والوسط الفني سمعته عند اللي قاعدين في البيوت أنهم بيعملوا اللي عايزينه وبيشربوا خمرة أنا عمري ما دوقت البيرة"

وحول سبب خوف والدها من عملها كراقصة أوضحت أن خوفه كان من طريقة تعامل الناس مع الأمر، معلقة: "كان خايف من لبس المهنة مش مسمى المهنة أنا كنت في فرقة رضا وكان خايف من كلام الناس عن المهنة بس كان عندي حاجة جوايا بتقولي اعملي اللي بتحبيه"

دينا تكشف عدد مرات زواجها

وحول عدد مرات زواجها، كشفت الفنانة دينا أنها تزوجت 9 مرات من قبل جميعها من خارج الوسط الفني، ، وعن أسباب الطلاق فقالت أن تم تخييرها بين الرقص واستمرار الزواج فاختارت الرقص

وعلقت:"قبل الطلاق بيبقى يا تبطلي رقص يا نطلق فبنطلق والله لو كنت بحب ايه مش هحبه أكتر من نفسي أنا اموت لو انفصلت عن الرقص"

ولفتت دينا إلى أنها في حياتها اليومية تتعامل كامرأة عادية للغاية، قائلة: "أنا بعتبر الحاجات دي جروح خفت وأنا في البيت ست عادية بطبخ وانا طباخة شاطرة جدا وابني رايح يدرس في باريس هيطلع شيف وابني عمره ما قالي بطلي رقص"

أزمة دينا وفيدرا

وفجرت الفنانة دينا مفاجأة بتعليقها على الفنانة فيدرا بعد أن قالت إنها لا تحبها ووصفتها بـ "الشريرة"، بعد أن عرض عليها الإعلامي عمرو الليثي صورة لها.

وعلقت دينا: "مبطقهاش أنت جايبلي صورتها علشان اقول كدة، ست شريرة وسودا ومش لطيفة، مفيش حاجة بينا اساسًا أنا معرفهاش بس هي شريرة، هي كانت متجوزة سامح الباجوري وهي عندها 17 سنة وانا اتجوزته بعد ما أطلقت منه بعشر سنين وقررت أنها تصاحب حماتي وتقلبها عليا"

واختتمت كلامها عن فيدرا قائلة "هي ست شريرة فانا بكرهه ومش مضطرة اجامل"