قصائد غزل بدوي

الشعر هاجس من كلمات، يتملك الشاعر ويسكنه، ولا يستطيع الخلاص منه إلّا بالبوح والغزل، فيطلق الشاعر العنان لكلماته كي تعبر عمّا يجول في خاطره من حب واشتياق.

محمد بن فطيس المري

ودي بـك وأبيـك وأبـاك وأبـغـاك
جمّعتهـا لرضـاك وأختـار فيـهـا
شف ويش منها يتبع أحكاك ورضـاك
واللي لك أسقي مسمعـك لا ضميهـا
غديت أفر أحكاي وأسايـر أحكـاك
وأنـا تشّـرف لكنـتـي وأهتويـهـا
مضمونهـا ودي بشوفتـك وأهـواك
ياللي دروب أهل الـردى مـا تجيهـا
صانك ولـي أمـرك وحبـك وداراك
ولا قـدر ردع الحـظـوظ ومجيـهـا
نفسـك مهذبهـا وعـز الله ربّــاك
ما يـدري إن جيـش الهيـام يغزيهـا
الله قسم يبـلاك بـي وأنـت يبـلاك
باللي سواتي فـي العـرب يرتجيهـا
محبة ذربة من القلـب تكسـاك
محبة صـدق الهـوى يكتسيهـا
يامرك قلبـك بالوفـا لـي وتنهـاك
ناس على لامـاك تفـرك يديهـا
رزين عقـل ومـن مزايـا مزايـاك
نفسـك تحـب وعفـتـك تمتطيـهـا
تطيع عقل ما بعـد زل وأغـواك
مشاعرك تعصـاه وأنـت تعصيهـا
ما شفت منـك إلا عيونـك ويمنـاك
محبـة راع الـردى مـا يبيهـا
يقبـض فـؤادي لا تخيلـت فرقـاك
شف عين مـا سـواك يعنيهـا

قصيدة بدر العنزي

أبشر بقلب ما يبي غير طرياك
وأبشر بعين ما تبي غير شوفك
وأبشر بحب لو قسى الوقت يرعاك
وأبشر بروح من غلاها تحوفك
أبشر وكل اللي تبي يا الغلا جاك
آمر عسى درب المنايا يعوفك
يا صاحبي يشين وقتي بلياك
لا صار ما ينطق لساني حروفك
إن غبت عني يذبح القلب فرقاك
وإن جيت يمي عانقتني طيوفك
أمشي على كيفك على شان دنياك
وأساير أيامك وأقدر ظروفك
من كثر ما خوفي القلب ينساك
سلمت لك قلب الغلا في كفوفك ^[1]  

قصيدة مرزوق السلمي

قالت ترى منت بحلو قلت رجال

والزين ما هو من شروط الرجولة

الزين يلقى عند لباسه الشال

والرجل زين ان كان زانت فعوله

قالت علامك تلبس شماغ وعقال

انت بدوي؟ قلت بدوي ومن حموله

ما ألبس بناطيل لها الوان واشكال

وامتر الشارع بعرضه وطوله

قالت اجل راعي معاميل ودلال

شرب القهاوي تحسبونه بطوله

كيفي يا بنت الحضر دله وفنجال

وحليب خلفه بالمراح معقوله

وحب الكرم والجود وعلوم الابطال

مغروس فينا من زمان الطفولة

قالت ترى بنت البدو حظها مال

قلت احذري حذرا تكوني جهوله

بنت البدو يا بنت مضرب للأمثال

فوق الجمال وطاعة الله خجولة

ماحطة اصباغ ولا حطت ظلال

ولا سيرة بالسوق سير مهبولة

هي مهرة تصعب على كل خيال

وانت ومثلك عسفهن بالسهولة

قالت تغزل بي وشف حبة الخال

ناظر عيوني والرموش الكسولة

قلت العفو ما يجتمع حب وهبال

ولكل ذوق فالمزايين جوله

قلتي وقلت وكلمة الصدق تنقال

الزين ما هو من شروط الرجولة

قصيدة عوض بن خيران

بـديـت لــي بـأبـيات شـعرن جـديدات

وفـوق الـسطور أكـتب بـيوتن جدادي

أو نـست يـا مـشكاي بالصدر ضيقات

وأن قــلـت راح الـضـيق بـالـصدر زادي

طـــرا عـلـي الـلـي عـيـونه وسـيـعات

الــلــي مـشـاركـني بـنـومـي و زادي

وما ظني أنسا اللي رموشه ظليلات

وأنــــا لــيــا مــنــه طـــرا وااااهــجـادي

قـضـيت مــع خـلـي لـيـالي جـمـيلات

أنـــا مــفـادي وأهـــو مـثـلـي مـفـادي

وأخـــذت أنـــا ويـــاه بـالـحـب سـجـات

فـي عشرتن ماهي بعشرة فسادي

لـكـن حـدتـني فــي زمـانـي غـيـارات

وعــيـا يـحـقـق لـــي زمـانـي مــرادي

حــــب ً وراه فـــراق مـــا فــيـه لـــذات

مـثـل الـبـياض الـيا غـشاه الـسوادي

وصـحـيـح مــا قــال الـمـثل والـروايـات

مـــا تـعـقـب الـنـيـران كـــود الـرمـادي

وخـلـصـت مــالـي بـالـمـحبة هـوايـات

وزرعـن زرعـت أصـرم وجـاه الحصادي

مـا هـو صـحيح الـحب كـذب وخرافات

أن كـنت مـاني يـا أهـل الـعلم غادي

الـحـب بـدعـه مــا نـزلـت فـيـه الآيـات

ولا قــريــنــا لـــــه حــديــثـن وكـــــادي

مــن بـعـد حـبً دام خـمسة سـنوات

صـــارت نـهـايـة حـبـنـا شـــي عــادي ^[2]  

قصائد غزل بدوي قصيرة

• اكتب غزل واكتب علوم وقصايد
  من طيب نيه مقصدي يا بنيه
  وانا بدوي عندي سلوم وعوايد
  وقصايدي تبقى على طيب نيه
• ابيك حب وابيك غيره وشوية جنون
  وعشق بدوي الي حكى به مخاوي الليل
  ابي غزل بنات العرب منه يغارون
  تذوقني من كيفك حبن ينسيني الويل
• من حروفك انتثر شعر وقصيد
  ومن كلامك امتلى جوي غزل
  ومبسمك يابعد ذا الروح عيد
  وفي شفاهك يابعد قلبي عسل
• بنت البدو حلوه و مضرب للامثال
  و بنت الحضر ذربه ولاهي رديه
  و أنت الجميله بينهم والغنج قتال
  كشخة حضريه و الطبوع بدويه
• أم العيون السود والرمش فتان
  اللي رمتني بحبها يا حلاها
  غمازيتين الخد والخد مليان
  وطول الشعر لا طاح كله وراها
  ولا الشفايف لونها لون رمان
  والعنق طوله زايدا في حلاها
  اما طباعه يا عرب ما به انسان
  مشابهن للي اوصف نواها
• اتعبت قلبـي حيـل مـن زود حبـك
  وتعبت أدور لك عن اللـي يرضيـك
  صار الجفا يازين مـن جـد طبعـك
  رغم ان قلبـي بالوفـا دوم حاويك
• ابيك حب ما إمتلك قلب انسان
  وابيك قلب ما نبض غير فيني
  وابيك شعر غامض دون عنوان
  محـد قـراه الا رموشي وعيني
• يشتاق قلبي للمطاليق..شوق الحبيب اللي تمنى حبيبه
  كنز الرجال ولا كنوز الصناديق..المال يفنى والنشاما تجيبه
  رعاك ربي من عيون المخاليق..والله يصيب اللي يبي لك مصيبه
• آلطف بشرع الله على قلب هآويك
  ‏ تسوق به للموت ويقول لك . سق !
  ‏وشلون مآ لك خص في جرح مغليك
  ‏وفي ميمنك خنجر وفي خآفقه شق !
• جيت لك من جمرالشوق متحمي
  كل ماتبرد طعوني ضمها
  جيت لك واقصى معاليقي تومي
  هـم يخطيها وهم يخمـها
  إن ضميت أشرب سواليفك بدمي
  وإن تثاقلت الدروب ازمها
  وإن خذتك مني عين ماتسمي
  العن الدنا وابوها وامها
• قالو ضعيفه عزة النفس فيني
  قلت المحبه تجبر احساس ولهان
  ماقدرافارق من سكن وسط عيني
  ببقى معه وارضيه لوكان غلطان
  سلمت له عمري وباقي سنيني
  وببقى على عهده ولانيب خوّان
• خليتني مثل الكفيف أتمناك
  اللي عقب شوفه عيونه فقدها
  عذبتني بين بعدك ولقياك
  حتى الليالي قمت احسب عددها
  لوكنت تدري وش كثر أغلاك
  يمكن تقول الأم ما أغلت ولدها
• بهديك عمري لوغدى العمر كافي
  وآمر وانا لك يالغلى سمع وطوع
  اهواك ياعمري وهذا اعترافي
  والحب ماهو للمخاليق ممنوع ^{[3] [4] [5]}