قصائد فيصل العدواني

فيصل العدواني شاعر وصحفي كويتي ويعد من نجوم الساحة الشعرية الشبابية الكويتية، وهو عضو ديوانية شعراء النبط الكويتية -ولد عام 1974 - وهو من عائلة شعرية، بدأت مسيرته الشعرية حين ظهر من خلال ديوانية شعراء النبط من خلال برنامج لوحات شعبية، كما ساهمت مجلة فواصل الشعرية في نشر قصائده، عمل بالصحافة من خلال إعداده لملف هواجس الشعري وصفحات أبراج الشعر، له عدة دواوين شعرية منها: الطلسمة، وغيبتك. ^[1]  

قصيدة مشكور ما قصرت

مشكور ماقصرت لكن طالبك ماعاد أبى
غير الرحيل أستأذنك وسبوق قلبى فلها
ماعدت قاوى للحمل شف كيف غاد(ن) منكبى
هزل(ن) ولكن طعنتك لابد ما تفطن لها
ياكم عطيت ولا خذيت الا مرارة مشربى
عقدت أيدينى من هواك ولا عرفت أحلها
يا منيتى مانى غبى هالطيب خلانى غبى
أغض عينى لغلطتك ولا حرام أدبلها
أجرعك مر القسى والله ماتحبى حبى
لكن شمت من الردا والنفس تحمل غلها
مذهب صدوق ومذهبك لاشك خالف مذهبى
والعوسجه قشرا ولا ذكرت بوافر ظلها
وياربعنا روحو ورى النار شبت وحطبى
عصارة أفكار المخيخ وأشياء كثيره ملها
أتلد بعيونى غضب تزهمنى بأفلح يا صبى
وتثور وتزوع اللهب وأعتا السيوف تسلها
( فواز ) يا حزامى تعال أسمع وحقق مطلبى
والكايده خابرك دايم بالوزا كفو(ن) لها
أفزع معى فزعت شجاع(ن) يعربى لليعربى
فى وقت ذلان العرب تشكى مرارة ذلها
باكب شعر(ن) ماجنى غير العنا ويا تعبى
واليا أنحنى عزمى ياخوك أثقل همومى أشتلها
أربكت لكن للاسف مادسم الوقت شنبى
تمنعنى شيمة شايب(ن) كن الضلوع أحتلها
غايب ولكن حاظر(ن) ذكراه يحيابى وبى
من عالى شموخه همم ماتنثنى عن حلها
يالله سترك لا يبيد الجبل وتخر أركبى
قدام من يفرح على زله من قبل أزلها
ياخوك مايجرح سوى من يدبى لكسرك دبى
أرجال لكن طبعها تخجل توصف دلها
ودك أتبدل شمغها بشيال ورهاف العبى
تحرم عليها عقلها وأشنابها عارن لها
(فواز ) والدنيا متاع ولا دامت لوجه النبى
شف كيف هذا يتلها وشف كيف هذا يتلها
كلن يبيها والبلا هذا يبى وهذا يبى
ويقول يالله يا علها وأقول يالله علها
أنحاس مثل الذهب منسوخ مابله كوبى
مغشوش واللى له عنا خسران من دهولها
هبيت يا وجه الزمن اى والله الوالى تهبى
فيك القلوب الوافيه تشكى سبايب قلها
أستغفر الله والقصيد أحيان ينتاب غضبى
لكنه يروى يابسات الأورده ويبلها
وأستغفر الله دام الاستغفار وحده مهربى
أن كان زليت القدم فى قاع ماهى محلها ^[2]  

قصيدة ما كفا منك الجفا

بالله قلي ماكفا منك الجفا
ودمع ن حدر لجلك عليك
يا اعذب انواع الشتات
قلبي عشق حتى الممات
لوكان من طعنة يديك
بالله قلي وش تبي
وبجاه من كبر وصام
ثم طاف بالبيت الحرام
يرجي من الله رحمته والصفح في يوم الزحام
قل وش تبي
ارجوك علمني شتبي
ولاتترك الحيره علي
يرسم ملامحها الحزن
ويموت ضي وتوه في بحر الشقا
مجدافي همي والالم واتعطش اللحظه لقا
حتى ولو عشت بوهم
وان كنت في مره خطيت
قبلي تماديت بخطاك
ولاقلت الا مسامحك
وترد في نفس الخطا
وارجع و اقول امسامحك
واسامحك
وانزفلك احساسي شعر
واجمعلك اعتابي قصيد
واذكر كتبت
حبيبي كم وكم مره تحملت الخطا منك
اداري بداخي حبك واحاول اكتم الشكوى
غرامي والشعر فني وجرحي بالهوى فنك
تبادلني قسى حبك وابادل قسوتك نجوى
صحيح اني نويت انسى غرامك وابتعد عنك
ولكن حظي العاثر تركلي قلب مايقوى
تركلي قلب يتناثر شتاته لاضحك سنك
وتصبح كل زلاتك بعيني شي مايسوى
تطمن يا بعد روحي وابد لايدور في ضنك
حبيبك يا نظر عيني تعود منك البلوى
تدلل وطلب اعيونه حرام ليقولك جنك
لك الله ماحدن مثلك غدابه من بني حوى ^[3]  

قصيدة يا عيونك

يا عيونك .. ولا يا شعرك ويا
عودك الفارق .. ويعني لا جديد

الشعر .. احيان ينتابه ريا
وانت اصدق من شعوري والقصيد

اللطافه والنعومه والضيا
تسكن بنحرك ولا ودي ازيد

قبل اعرفك كان في شعري حيا
وانتهى من دون لاشرط وقيد

خلنا بعيون هالناس ابريا
لا نجيب العيد دامه مو بعيد

وحن بشر نخطي ولا احنا بانبيا
والله الغفار .. وحنا له عبيد

وخذ نصيحه من لسان الأسويا
من خلاصات التجارب والمفيد

المحبه .. ما تحب الاذكيا
لا تذكا وتصبح بلحظه وحيد

وما لها بالفقر .. ولا الاثريا
وما لها في كم تملك من رصيد

من يحبك يمشي دروب الغيا
ومن يكابر فيه ما يحيا رغيد

حبني من الف بائي .. لين يا
وان خلصت ارجوك كررها وعيد ^[4]