منال سلامة لـ ليالينا: مش بتكلم مع شريف عن الشغل

كان لنا في لقاءنا مع الفنانة منال سلامة على هامش مهرجان القاهرة السينمائي لدورته الـ42، والتي تحدثت عن أن ما يهمها في المهرجان الأفلام.
وتابعت سلامة قائلة:" التذاكر متابعة من قبل عرض الأفلام بيوم ويومين وده معناه إن الناس وحشاها السينما، ويارب قاعات السينما ترجع تشتغل بنسبة 100 % وننتج أفلام أكتر".
وأضافت منال سلامة:" الكورونا أثرت على الإنتاج مش علينا إحنا بس، أثرت على العالم كله فنياً واقتصادياً، ومع ذلك مصر بتعافر وبنحاول نقف جنب بعض ونقدم شغل بدليل مهرجان الجونة ومهرجان القاهرة السينمائي".
وعن فيلم "عمار" الذي يُشارك في بطولته شقيقها الفنان شريف سلامة قالت:" لسه مشوفتش الفيلم مقدرش أقول رأيي دلوقتي أنا معرفش تفاصيل الفيلم لأني مش بتكلم مع شريف في الشغل".
ويعتبر فيلم "عمار" واحد من تجارب الأفلام الرعب المصرية، ويشارك في بطولة شريف سلامة وإيمان العاصي.
وتدور أحداث الفيلم حول أسرة سيئة الحظ تصل إلى قصر آل غريب، وسرعان ما تتبدد فرحة الزوجين وأبنائهم الثلاثة بمسكنهم الجديد بعد أن يبدأ البيت تدريجياً في امتصاصهم واحد تلو الآخر لعالم مرعب مليء بالجرائم القديمة التي وقعت بين جدرانه، أو أن الجدران المشؤومة كانت وراء تلك الجرائم.
أمنية منال سلامة في العام الجديد
وعن اقتراب نهاية عام 2020 قالت:" مع السلامة كفاية عليها كده وياريت نكون اتعلمنا وأتمنى تكون 2021 أفضل وأحسن وتجلنا بالخير".