محمد رشاد يحرج الشامتين في إلغاء زفافه ويكشف ما وقع بالضبط لأول مرة!

خرج محمد رشاد نجم اراب ايدول عن صمته الطويل وكتب تعليقاً مفصلاً كشف فيه كواليس عن حفل زفافه الملغي على المذيعة مي حلمي، وما وقع بالضبط وجعله يتعلم درساً لن ينساه.

محمد رشاد نشر صورة له من حفل زفافه الملغي وعلق عليها قائلاً: "أنا شفت شماتة في أكتر يوم كنت بستناه مع أكتر بنت حبيتها فعمري كله وكنت بحسها بنتي وحبيبتي وصاحبتي، طبعا من وقت المشكلة اللي حصلت اليوم دا لحد انهاردة استفدت كتير من اللي حصل حواليا، أولهم إن ناس كتير ممكن تبين فرحتهم وهما مش فرحانين ليك من قلبهم دا تمثيل، ووقت المشكلة بيتحول الفرح لتصفية حسابات على حساب أي حد تاني حاجة".

وأضاف محمد رشاد: "ناس كتير بالذات في مجالي هتبين أنهم أصحابك وبيحبوك وعايزين يفرحوك ووقت السبق هتلاقيهم أول ناس بيستغلوا الخبر عشان محدش يسبقهم ويبقوا أوائل الناس حتى لو بكدا بيخوضوا في تفاصيل حياتك الشخصية حتى لو بالكدب، في الأخر مش هيفضل غير اللي بيحبك و بيتمنالك الخير". 

واختتم محمد رشاد حديثه قائلاً: "الناس وآرائهم مش هيكملوا معاك حياتك بس اللي بيحبك وعايزك معاه هوا بس اللي هيفضل اتمنولنا الخير و لكم المثل يارب".

جاءت كلمات محمد رشاد بعد يومين من نشر مي حلمي صوراً من حفل زفافهما الملغي، وعلقت عليها بأن أول مرة ترى هذه الصورة، ليتفاعل هو بدوره بوضع قلب حب مضيفاً أنه هو الآخر لم ير هذه الصور من قبل، ليكون هذا إعلان صريح على عودة علاقتهما مرة أخرى.

الجدير بالذكر أن محمد رشاد ومي حلمي ألغي حفل زفافها قبل بدئه بساعات، وتردد أن خلافاً عائلياً أدى لهذه النتيجة الصادمة، ليكشفا أن المشكلة في طريقها للحل وأن هناك من أشعل فتنة بين الأسرتين بنقل كلام غير صحيح.