أحمد فلوكس يكشف كيف نجاه الله بعدما دمر السحر والأعمال حياته

كشف الفنان المصري أحمد فلوكس عن معاناته لفترة طويلة مع السحر، والذي تعرض له على يد أحد الأشخاص، فتسبب له في العديد من الأزمات في حياته الشخصية والعملية، وكيف نجاه الله منه.

أحمد فلوكس يكشف كيف دمر السحر والأعمال حياته

وعبر حسابه الرسمي على موقع إنستغرام، نشر فلوكس صورتين له للمقارنة بين الفترة التي تعرض فيها للسحر، والفترة الحالية بعدما تخلص منه واستعاد حياته الطبيعية.

وكتب الفنان المصري معلقاً على منشوره: "الصورتين دول مابيفارقوش عيني ولا عقلي.. الصوره اللي ببدله دي كانت في أسوأ فترة في حياتي، رغم إني كنت ناجح وشركاتي بتنجح و بتحرك وبشتغل، وكنت بستغرب أنا شكلي بيعجز ليه، وليه عامل كده، وليه الأبيض بقي كتير في دقني، وليه مش سعيد، وليه مش مظبوط، وتساولات كتير رغم إني كل شوية كنت بسافر أعمل عمرة، لكن شكلي وحياتي ونفسيتي وتصرفاتي بتسوء لأسوأ."

وتابع قائلاً: "فترة غريبة جداً في كل حاجة.. دي فترة اللي اكتشفت فيها حاجات كتير، وحصل بعديها واقعة الأمن، دي الفترة اللي السحر والأعمال والدمار وشرور البشر الخيانة والغدر والتوهان ومش شايف حاجة، و كل ما هو سيء بيدمروا فيا وفي صحتي وفي حياتي وأنا مش فاهم حاجة."

وأردف فلوكس: "معمي البصيرة والاحساس، عجوز من الداخل، مربوط في حزن بلا سبب رغم نجاحي، مش عاوز أمثل، مش عاوز حاجة ولا فاهم حاجة.. وكل شوية مستشفي، وكل شوية تعب، والدكاترة مش لاقية سبب طبي صريح."

أحمد فلوكس يحكي كيف نجاه الله من السحر والأعمال

ثم تحدث الفنان المصري عن الصورة الثانية الأحدث، والتي يبدو فيها أكثر صحة وعافية، حيث قال: "الصورة التانية دي بعد ما ربنا عفاني وأكرمني بالشفاء والبصيرة والراحة.. عافاني من أسوأ أنواع البشر، عافاني من السحر والأعمال، وأعطاني البصيرة لأري من حولي جيداً، وأري قوة وعظمة ربنا في معطياته لينا ورحمة الله الواسعة."

ووجه أحمد فلوكس نصيحة لمتابعيه، فقال: "قربوا من ربنا واعلموا جيداً أن لن يمسكم سوء وستنور بصيرتكم.. نصيحة، اختاروا الناس اللي تبقي في حياتكم كويس، وابعدوا عن كل شخص موذي و كريه، وماتتخدعوش بالمظاهر والكلام، وقربوا قوي من ربنا."

وأنهى منشوره بالدعاء: "يارب ابعد كل أذي عن بيتي وأهلي وابني وعبادك يا رب،.واعطيني القوة لأحمي أهل بيتي وابني الصغير من الأذي، وأدمر كل من يحاول أذيتهم."