تامر أمين يجدد هجومه: مفيش رقاصة محترمة وأنا بصباص

 جدد الإعلامي تامر أمين هجومه على الراقصات، بتصريحاته التي تثير عادة حالة من الجدل، حيث يعتبر أنه لا توجد راقصة محترمة، وأدلى بمجموعة من التصريحات التي زادت من انتقاده على وسائل التواصل الاجتماعي، وذلك خلال ظهوره ضيفاً في برنامج شيخ الحارة والجريئة.

وقال تامر أمين: "صحيح أنى أسهر، وفى إحدى المرات كنت سهران فى مكان كان فى رقاصة، وفوجئت بسيدة محترمة بجانبى تقول لى مانت بتسهر زينا أهو .. أُمال ليه عامل فيها شيخ، فكان ردى، أنا عمرى ما قولت إنى شيخ، وبأزعم أنى ماعملش حاجة غلط.. ورأى فى الرقص مالهوش علاقة بالسهر فى الأماكن العامة، ومافيش حاجة اسمها رقاصة محترمة".

وعن انتقاده لشريف مدكور نفى تامر أمين انتقاده لشيف مدكور موضحاً: "قلت رأي فى شخصيته حينما ظهر فى أحد برامج رامز جلال واتعصب عليه بعد المقلب، ووجدت شخصية أخرى غير التى تظهر على الشاشة، وساعتها قولت رأيي، وأنا ماعرفش شريف زعل ليه، وديه حاجة كويسة أنه يغير من نفسه، ونيتى كانت المدح، شريف ناجح أنه يرسم شخصية مختلفة عن شخصيته الحقيقية وفوجئت أنه زعل".

وعن اتهامه بالرجعية، قال الإعلامي المثير للجدل دائماً بتصريحاته الهجومية: "أنا راجعى وأفتخر ولكن بمفهوم غير مفهومك، أقصد المحافظة والتطور غير المضر، أنا على قديمه مع التحسينات اللى تناسبنا، وأنا مانفيش عني تهمة إنى بصباص أنا شخص بحب الجمال فى الطبيعة أو فى الستات".

تامر أمين وفيفي عبده

وعن احتماليات ظهوره ضيفاً في برنامج فيفي عبده، قال أمين: "استحالة ده يحصل، وفيفي عبده مش صاحبتي، كانت صاحبتي لحد ما رفعت عليا 4 قضايا، وطلعت منهم كلهم براءة".

تامر أمين يهاجم محمد رمضان

وهاجم الإعلامي تامر أمين الفنان محمد رمضان قائلاً: "رمضان عنده كنز وثروة بيضيعها بأيده، وبستخسر اللى هو بيعمله، لكن انا  ضد سياسة القلع سواء من راجل أو من ست، واللي هو بيعمله مش مفهوم بالنسبة لي، لكن ولا أنا ولا ولادى بنتفرج على محمد رمضان".