قصائد بدوية مكتوبة

للشعر البدوي مكانة مرموقة في الشعر العربي، فهو الشعر الذي يجتمع عليه الشعراء في كل العصور، كونه الأقرب إلى مسامع الكثيرين، نظراً لطبيعة القبائل المنتشرة في الوطن العربي، حيث استطاع الشعر البدوي أن يصف الكثير من العادات الاجتماعية، وذكر مكارم الأخلاق والقيم وغيرها.

قصيدة للطيب مواقف وللمرجلة رجاجيل

للـــطيب مـــواقف وللــمرجلة رجاجيل     وللخيل فـــرسانها فــي ســاعة الشدّة
وللبيوت أمــراس وللــقهوة الفنجاجيل    على مضايف نشامة لـــها رجـالٍ تعده
حنا هل المواقف مواقف الشهم الأصيل    يشهد لنــا السيــف ويشـهد لنا حـده
حنا نخــاوي الدنيا خـــوة نـجوم اللـيل    عــد الـــنواظر ما طـــاوعتــنا بـــعــدّه
حنـــا الــنشامة يشـــــهد لنا دمٍ يسيل    نحر الذبـــايح دوم ساعة اللين والشده
حنــا النشامة وتشهد لنا سروج الخيل    ســـروج الركايب فـــزعة اللي نــوده
حنـــا النشـــامة تشـــهد لـــنا الفناجيل    نســـهر لها ما حــنا مــكبّرين المخدة
حـــنا الــــنشامة وتشــــهد لنا التعاليل    علي الخــوة تربينا وعلى حب ومودة
حنا النشامة عند المرجلة فزعة رجاجيل    حنا على الميدان سيــلٍ لا طــــم ما تهدا
حنا النشامة هـــل المــــــواعين المثاقيل    هل دلالٍ عامرة ما طفى نارها ولا هــدا
حنا النشامة كرام ما نعد الشات الهــزيل   نقدم المــيسور لو طال الزمـن ونـــــمده
لا مال الزمن بالردي ما تنفعه التــهاويل    ولا تنفعه ثـــروة أبوه ولا قـــروش جده
وش حيـــاته شيـــخٍ ايـــدينه مــــكابـــيل    يشـــوف العـــفن متـباهي وما يقدر يرده
حنا النشامة وتشهد لنا مواقف الف جيل   درب الوفى نمشيه ونهاب دروب الردى
حنا النشـــامة فـــزعة المضيوم الدخيل   هقوة الند بالند ويا زين الهــــقاوي بندّه ^[1]  

قصيدة إذا المراجل لبست شماغ وعقال

إذا المراجل لبست شماغ وعقال
قل للعذاري يلبسن العمايم
ما عاد يفرق زول حرمة ورجال
دام الفعايل تشبه البعض دايم
المرجلة ماهيب كلمة وتنقال
وتروح ماراحت هبوب النسايم
ولا خشونة صوت أو رفع الأثقال
أو رزة صدور وفعل الزلايم
ولاهي بعد مفتاح موتر وجوال
وإلا ردى لسانن حديثه شتايم
المرجلة شيمة عن القيل والقال
رفيع نفسٍ حرٍ بالجو حايم
المرجلة عقل وزن وزنه جبال ^[2]  

قصيدة ودي بـك وابيـك

ودي بـك وابيـك وابـاك وابـغـاك
جمّعتهـا لرضـاك واختـار فيـهـا
شف ويش منها يتبع احكاك ورضـاك
واللي لك اسقي مسمعـك لا ضميهـا
غديت (افر)احكاي واسايـر احكـاك
وانـا تشّـرف لكنـتـي واهتويـهـا
مضمونهـا ودي بشوفتـك واهـواك
ياللي دروب اهل الـردى مـا تجيهـا
صانك ولـي امـرك وحبـك وداراك
ولاقـدر ردع الحـظـوظ ومجيـهـا
نفسـك مهذبهـا وعـز الله ربّــاك
مايـدري ان جيـش الهيـام يغزيهـا
الله قسم يبـلاك بـي وانـت يبـلاك
باللي سواتي فـي العـرب يرتجيهـا
محبة (ن ) ذربه من القلـب تكسـاك
محبة (ن) صـدق الهـوى يكتسيهـا
يامرك قلبـك بالوفـا لـي وتنهـاك
ناس (ن) على لامـاك تفـرك يديهـا
رزين عقـل ومـن مزايـا مزايـاك
نفسـك تحـب وعفـتـك تمتطيـهـا
تطيع عقل (ن) ما بعـد زل واغـواك
مشاعرك تعصـاه ..وانـت تعصيهـا
ماشفت منـك الا عيونـك ويمنـاك
محبـة (ن) راع الـردى مـا يبيهـا
يقبـض فـوادي لا تخيلـت فرقـاك
شف عين (ن) مـا سـواك يعنيهـا
وياعزوة اخوانك ومطلـب هـذولاك
ناس (ن) محبـة والــدك تدعيـهـا
ناس (ن) تخدم ابيـك كلـه لعينـاك
هـو يحسـب ان الله عليـه يهديهـا
ياجعلها تفدى علـى الارض ماطـاك
الله بمـن هـو مثلـهـا يبتليـهـا
لكـن لعـب فـي ياوليفـي تغّـلاك
نفسي غلاك مـن الصـدود يحديهـا
تبطـي علـي وانـا هنـا واتحـراك
كبـدي لواهيـب الصبـر تشتويهـا
اجمّع علومك امـن هنـاك وهنـاك
الله لـو انهـا تنشـرى لا اشتريهـا
وعذرك (انا لاهي) يا ويش اللي الهاك
لاهـي ومر(ن)منـت لاهـي تليهـا
كانك مشكك في الوفا والغـلا هـااك
جوالـي اقـر القائمـه كـل ابيـهـا
رقمك مع (الصادر) ولا (وارد )سواك
والناس في اللي ( لـم يـرد عليهـا )
وايـاك واياني...وايـانـي ايــاك
من غيبة (ن) من دون عذر يحميهـا ^[3]  

قصيدة ياويل حالي

ياويل حالي من نظرة العيون الكحيله
وياويل قلبي من همس شفايفها الحمر
فديت الطول والإيدين النحيله
ولمست(ن)اغنتني عن كل البشر
الغرور بمشيها شابه الخيل الاصيله
والجدايل لسترسلت اوصلت لين الخصر
غاليه وفي غلاها كنها دانه ثمينه
لا نويت بلمسها مجبور تمشي ع الجمر
ذوقتني عشقها وعشقها لا تستهينه
علقتني واختفت ولا لها حس وخبر
اشعلت النار بخفوقي وحالتي صارت ضريره
والليالي في غيابك خاوت عيوني السهر
ارجعي وكل المشاعر في يدينك لك رهينه
وإطفي نار في ضلوعي وداوي جرحي والقهر
إلفي لبيتك بحظني وعيشي قلبي بسكينه
عقب هيجان المشاعر و كنها موج البحر
إنشري عطرك بثوبي إطلقي فرحه حزينه
وإتركيني ارتوي من فيض شفايفك الحمر ^[4]  

قصيدة قالت ترى منت بحلو

قالت ترى منت بحلو قلت رجـال
والزين ماهو من شروط الرجولة
الزين يلقى عنـد لباسـه الشـال
والرجل زين ان كان زانت فعوله
قالت علامك تلبس شماغ وعقـال
انت بدوي؟ قلت بدوي ومن حموله
ما ألبس بناطيل لها الوان واشكال
وامتر الشارع بعرضـه وطولـه
قالت اجل راعـي معاميـل ودلال
شرب القهاوي تحسبونـه بطولـه
كيفي يابنت الحضر دله وفنجـال
وحليب خلفـه بالمـراح معقولـه
وحب الكرم والجود وعلوم الابطال
مغروس فينا من زمـان الطفولة
قالت ترى بنت البدو حظها مـال
قلت احذري حذرا تكوني جهولـه
بنت البدو يابنت مضرب للأمثال
فوق الجمال وطاعـة الله خجولـة
ماحطة اصباغ ولا حطت ظـلال
ولا سيرة بالسوق سيـر مهبولة
هي مهرة تصعب على كل خيـال
وانت ومثلك عسفهـن بالسهولة
قالت تغزل بي وشف حبة الخـال
ناظر عيوني والرموش الكسولة
قلت العفو مايجتمع حـب وهبـال
ولكـل ذوق فالمزاييـن جـولـه
قلتي وقلت وكلمة الصـدق تنقـال
الزين ماهو من شروط الرجولة ^[5]