"كنت أتمنى تكلمني".. أول تعليق من تامر حسني عل انتقاد أحمد السقا له

استنكر المطرب المصري تامر حسني، انتقاد الفنان أحمد السقا له خلال حلوله ضيفاً بأحد البرامج التليفزيونية في بلاده على هامش مشاركته له كضيف شرف في فيلم الفلوس.

سبب غضب أحمد السقا من تامر حسني

وكان السقا، قد رد على سؤال مقدمة برنامج "السيرة" وفاء الكيلاني، عن من الشخص الذي كان يعتبره بمثابة شقيقه ثم أحزنه بفعل مخالف لذلك، بالإشارة إلى أنه غاضب من مواطنه الفنان تامر حسني، على خلفية التعاون الأخير بينهما في فيلم "الفلوس"، الذي عُرض بنهاية العام الماضي.

وقال السقا، خلال البرنامج الذي يُذاع على قناتي أبو ظبي ودي أم سي، إنه غاضب من تامر حسني، لكنه لم يخبره بهذا الأمر حتى الآن، مشيراً إلى أن هذه المرة الأولى التي يفصح فيها عن غضبه و "زعله" من تامر حسني، موضحاً أنه يحب تامر حسني للغاية،"أنا زعلان من تامر حسني ولحد الآن مقولتش له أنا زعلان منه، ودي أول مرة أقول رغم أني بحبه جداً ولو مش بحبه مش هزعل منه".

وأشار السقا إلى أن تامر طلب منه أن يظهر كضيف شرف في فيلم "الفلوس"، الأمر الذي جعله يوافق على الفور، خاصة وأن تامر حسني ظهر معه كضيف شرف في مسلسل "ولد الغلابة"، لكنه فوجيء بوضع اسمه في دعايا الفيلم وكأنه مشارك في البطولة، بالإضافة إلى أن الاسم كان موجود على بعض الأفيشات:"كلمته، مرة قالي دول فانز ومرة قالي دي الشركة المنتجة، قولتله أنا معرفش الشركة ومعرفش حد غيرك وميصحش، وده أثر عليا نفسياً وأثر عليا في شغلي".

وأتم السقا تصريحاته بـ:"لو تامر قابلني دلوقت وقالي كلمتين حلوين خلاص هنتصافى، بس زعلت لأنه ميصحش يعمل فيا كده، هو كان بإيده يمنع الكلام ده بس واضح أنه كان مشغول أو ممكن يكون عداها وأنا مسامحك يا عم تامر".

تامر حسني يرد على انتقاد أحمد السقا

ويبدو أن تصريحات أحمد السقا، أثارت حفيظة المطرب تامر حسني؛ حيث رد الأول بنشر قصة Story، على حسابه الشخصي بموقع انستغرام:""حبيبي وأخويا وصديق العمر ونجم الدنيا كلها أحمد السقا، كنت أتمنى أنك تكلمني بيني وبينك لو كنت زعلان من أي حاجه غلط، إن الحاجات دي لايمكن تفوتك وأنا كنت أتمنى مكتبش الكلام ده هنا، بس علشان بعد كلامك في التليفزيون الجمهور الكريم بقى ليه حق إنه يفهم الصح".

وتابع حسني: "عشان أفكرك بس.. أنت كلمتني وقولتلي في خبر في موقع وعليه صورة افتراضية للفيلم وكاتبين أنك بطل في الفيلم، وأنا رديت عليك إن دي اجتهادات صحفية، والصورة من تصميم المحبين اللي أكيد فرحوا بالخبر إننا مع بعض، حتى أنا مقولتش إن دي الشركة المنتجة لإنها شركة كبيرة ولا يمكن تعمل كده، لأن الفيلم متباع للخارج والداخل باسم أخوك تامر حسني، وأصلا أفيش الفيلم الرسمي نزل والناس كلها شافته وأنت مش فيه ولا فيه اسمك، وكل الأبطال طالعين مرسومين معرفش زعلك من إيه الحقيقة، كان ممكن تزعل لو الكلام ده نزل على صفحتي أو صفحة الشركة المنتجة".

وأضاف المطرب المصري:"وأنا شرحتلك ده من سنة واتكلمنا بعدها مرتين، مرة عيدت عليك في عيد ميلادك والثانية بخصوص برنامجك، لو كنت لسه زعلان كنت هتقولي ساعتها الفيلم بقاله سنة يا أحمد، أخيرا بقى مستحيل الشركة تروج أو أنا أفوت أو أسمح باستخدام أسمك كبطل في الفيلم وأنت مش فيه، لإن ده هيعود عيلنا كلنا بالضرر، لإن الناس هتدخل الفيلم مش هيلاقوا الكلام ده فا يبقى إحنا كده بنضحك على الناس وضربنا الفيلم، ولأن أكيد يشرفني أن إحنا نمثل مع بعض بطولة مشتركة لأنك حبيبي بجد ونجم أنا بحبه من قلبي فعلاً".

وأتم تصريحاته بـ:"وبعدين يا حج أحمد لما أنا جيتلك مسلسلك حصل اجتهادات كتير من محبينك الكرام، شوية يقولوا المسلسل بطولتنا وشوية يقولوا لا ده ضيف شرف بس، وأنت عارف أنا عمري ما عملتها وطلعت ضيف شرف غير ليك، ده أنت طلبتني أجي أصور الساعة 8 الصبح كنت عندك في نص ساعة، عشان فكرة طلعت في دماغك فجأة وجيت لأنك غالي عندي أوي أوي فوق ما تتصور، وكنت بفرح باجتهادات محبينك ومحبيني حتى لو صورتي صغيرة أو كاتبين بطولة أو ضيف شرف، كل ده مش فارق لأني جيت أخدم صديق عمري وأتمنى أي كلام يصب في مصلحة مسلسل أخويا وينجح ويكسر الدنيا، أنت حبيبي يا أحمد وصديق عمر، عشان كده أنا اللي مش هزعل منك، معلش طولت في الكلام لإن برضو زعلك يعز عليا".