حقيقة هجوم أحمد آدم على تامر حسني والأخير يرد عليه

شن الفنان أحمد آدم هجوماً حاداً على الفنان تامر حسني وأعماله الفنية مطالباً بتوقفه عن تقديم نفس الأفكار واتهمه بتكرار بعض الأمور في كافة أعماله.

حقيقة هجوم أحمد آدم على تامر حسني

وقال أحمد آدم خلال فقرة من برنامجه آدم شو المذاع على قناة الحياة: "تامر حسني مين مش واخد بالي، مش كفاية عليك كدا بقا ولا إيه، أول ما طلع لنا شعر صدره وقعد يمصمص في شفايفه ويسبّل للبنات".

وتابع: "وبيقدم شوية أغاني تعبانة ويعني إيه أكتر حاجة بحبها فيكي.. طيبة قلبك.. إسفاف، وأفلامه وحشة جدا، وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، معقولة؟ إيه اللي يجيبه لأنور وجدي دا؟ أنت مغني ولا كوميديان ولا مونولوجيست ولا إيه بالضبط؟ كفاية عليك كدا يا تامر".

وفي نهاية حديثه أوضح أن تلك الفقرة عن صناعة الترند عبر مواقع التواصل الاجتماعي وأن التصريحات المسيئة هي ما ستتصدر قبل أن يعود للحديث عن تطور موهبة تامر حسني ونجاحه في تحقيق إيرادات قياسية لأفلامه.

ومن جهته علق الفنان تامر حسني على حديث أحمد آدم مشيراً إلى أن الفقرة التي قدمها تجمل درس حقيقي من كيفية صناعة الترند على السوشيال ميديا.

تامر حسني يرد على أحمد آدم

وعلق تامر حسني قائلاً: "أستاذ أحمد آدم فعلاً بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس وخليتهم يبيعوا مبادئهم وصداقتهم و امانتهم لمجرد أن الناس تعرفهم أو تتكلم عليهم ولو ليوم واحد و نسيوا أنه لا يصح إلا الصحيح عشان ده عدل ربنا ... واي أفاقين مع الوقت هتلاقيهم بيختفوا والمحترم الحقيقي هو اللي بيستمر أصلاً لما نهتم ونرد على كل كدأب آمال اللي بيحبونا نعمل معاهم ايه !!!!؟

ولفت تامر حسني إلى أن حديث أحمد آدم السلبي عنه هو ما انتشر بالفعل في البداية، موجهاً له الشكر على إشادته به قائلاً: "تابعوا قلوب الناس والمواقع اللي هتاخد كلام الأستاذ أحمد السلبي وينشروه وعلموا عليهم عشان تعرفوا حقيقتهم ... والحقيقة أن فعلاً الكلام السلبي هو اللي انتشر، شكراً أستاذ أحمد آدم لكلامك واشادتك الحقيقية في حقي هي شهادة عظيمة من فنان محترم وكبير بفنه وأخلاقه.