محمود العسيلى يعتذر عن إحراجه معجب بطريقة مهينة: أنا آسف كنت غير موفق

  • NogoumFMبواسطة: NogoumFM تاريخ النشر: الخميس، 18 يوليو 2019
محمود العسيلى يعتذر عن إحراجه معجب بطريقة مهينة: أنا آسف كنت غير موفق

نشر الفنان محمود العسيلى اعتذارا عبر حساباته الشخصية على مواقع التواصل الاجتماعي علق فيه على واقعة الأمس خلال حفلته، حينما رفض التقاط صورة مع أحد معجبيه.

وقال العسيلى: “‏أي فنان عارف إنه من غير جمهوره ولا حاجة وصفر على الشمال وإن من تواضع لله رفعه باعتذر بشدة لكل الناس اللي اتضايقت من الفيديو اللي انتشر وباعترف أني كنت غير موفق تماما في اختيار الألفاظ، ولكن الصورة والله ناقصة وكان كل نيتي عدم تمييز حد عن حد أثناء الحفلة أنا آسف مرة ثانية”.

وأضاف: “النقطة الثانية إنى حاولت أقول للشخص اللي أنا كنت بكلمه إن ما ينفعش نتصور عشان الناس دي كلها لازم تتصور 3 مرات برا الميك، ولكن هو كان لحوح جدا ومصمم وكان صوته عالي جدا وبيزعق وأنا مش عارف أغني فللأسف قلت له كدا بحسن نية وللأسف كل الكلام دا مش باين في الفيديو”.

وتداول رواد مواقع التواصل الاجتماعي مقطع فيديو للعسيلي وهو يتحدث للشاب الذي طلب التصوير معه، قائلًا: ”حضرتك معاك واسطة؟، جامد جدًا مثلًا؟، بتحبني؟، طب كل الناس دول بيكرهوني وإنت بس اللي بتحبني؟“.

وأضاف: ”لو اتصورت معاك يبقى لازم أتصور مع الناس دي كلها.. بس هي دي الفكرة“.

وتعرض العسيلي لحملة نقد واسعة من متابعيه عبر مواقع التواصل الاجتماعي الذين طالبوه بالتعامل بقدر أكبر من الاحترام مع الجمهور.

ورفض العسيلي التراجع عن موقفه بعد كم الانتقادات الذي تعرض له، بل أصر على تبرير موقفه قائلًا عبر حسابه على ”تويتر“ في رده على أحد متابعيه: ”حضرتك فاهم الموضوع غلط خالص“.

وأردف: ”دي كانت حفلة كبيرة جدًا فيها مئات الطلبة وواحد منهم مصمم يتصور ولو اتصورت معاه مش هاغني، لأني لازم أتصور مع كل الناس اللي في الحفلة.. باقوله اشمعنى هاتصور مع حضرتك إنت بس.. من فضلكم متحكموش على حاجة إنتم مش فيها.. وشكرًا“.

يذكر أن محمود العسيلي سبق أن تعرض لهجوم مماثل عندما نشر رسالة بعثها له أحد الشعراء، وطلب منه منحه الفرصة لعرض كلمات أغانيه عليه، حيث علق حينها الفنان الشاب بأسلوب هجومي ضده وأكد أنه قام بحظره، بسبب رفضه أن يراسله شخص لا يعرفه على هاتفه الشخصي.

محمود العسيلى يعتذر عن إحراجه معجب بطريقة مهينة: أنا آسف كنت غير موفق

التدوينة محمود العسيلى يعتذر عن إحراجه معجب بطريقة مهينة: أنا آسف كنت غير موفق ظهرت أولاً على نجوم إف إم.