رد فعل مشاهير مصر على تصريحات الفنان يوسف الشريف عن "المشاهد الساخنة"

أثارت تصريحات الفنان المصري يوسف الشريف عن وضعه بنوداً في عقود عمله برفض تأدية أي "مشهد ساخن" بالأعمال السينمائية جدلاً كبيراً على مواقع التواصل الاجتماعي في بلاده.

ولكن في الوقت ذاته دوّن عدد من المشاهير في مصر عبر حساباتهم بمواقع التواصل الاجتماعي، عبارات دعم للفنان يوسف الشريف بعدما ظهر في أحد البرامج التليفزيونية ببلاده مؤخراً، مشيراً إلى اتخاذه قراراً بعد فيلم "هي فوضى" بوضع بنوداً في العقد بشأن هذه المشاهد، مشيراً إلى أنه رفض أحد الأعمال السينمائية لمخرج له اسمه في المجال الفني بسبب اعتراضه على "المشاهد الساخنة".

ومن جانبه قال الفنان هشام ماجد:"في بعض الناس سواء شغالين في المجال الفني أو صحفيين أو ناس عادية استغلوا الكلام اللي قالوا يوسف الشريف في برنامجه مع رامي رضوان وابتدوا يهاجموه، وقاموا ناشرين حاجات لأفلام قديمة عملها عشان يثبتوا إنه كان بيعمل الحاجات دي عادي إنه يعني كدة بيدعي الفضيلة وكده".

وأتم هشام ماجد تدوينته بـ:"كل الاحترام ليوسف الشريف.. فنان راقي ومحترم بيتعب على شغله وبيحترم جمهوره.. وكل الإحترام لأي حد متفق أو مختلف مع كلامه بس باحترام.. وكل واحد ليه الحرية في أفكاره طالما بيحترم اللي حوليه ومبيأذيش حد.. مش عجبك كلامه تقدر ماتتفرجش على أعماله أو تقدر متشغلوش.. إنما تطلع تقطع وتشوه فيه بحجة إنك المحامي المدافع عن حق الفن وحرية الإبداع تبقي شخص ناقص".

ودوّنت الفنانة آيتن عامر هي الأخرى قائلة:"بصراحة متضايقتش خالص من إنترفيو يوسف الشريف و بصراحة مش فاهمة الدوشة دي كلها ليه أنت حر ما لم تضر، بس كدة، و معتقدتش إنه ضر حد بمعتقداته أو قناعاته شابوة يا عّم".

ونشر الفنان محمد أنور صورة ليوسف الشريف عبر حسابه على انتسغرام، مُذيلاً إياها بتعليق:"أيه كل الهري والكلام الفاضي وقلة الأدب اللي حصلت عشان الراجل ده، قال إنه عنده مبدأ معين هو أنه ضد المشاهد الساخنة أو الأحضان والبوس والكلام ده لأنه ببساطة بيخاف ربنا ومش عاوز يغضبه وهو شغال بالمبدأ بقاله أكتر من عشر سنين وناجح بيه وربنا كرمه من وسع كمان، وأنه هو مش ضد اللي بيعمل عكس كده ولا شايف نفسه أكتر احتراماُ من حد".

وأتم محمد أنور تدوينته بـ: "وعلى فكرة بقى هو صح والله العظيم وأنا نفسي اللي لسه ببدأ عملت حاجات وندمت إني عملتها ونفسي ربنا يسامحني عليها، افتكر إنك لما بتموت وأنت سايب صدقة جارية بتنفعك في قبرك وتزود حسناتك.. ممكن كمان تعمل عمل يعتبر ذنب جاري وبعد ما تموت يفضل يزود سيئاتك".