كواليس أول قُبلة بين عمر الشريف وداليدا في الثمانينات

تسبب إعادة نشر جزء من لقاء نادر باللغة الفرنسية جمع بين الفنانة داليدا والفنان العالمي عمر الشريف، إلى إثارة الجدل، حيث  تسبب مقطع الفيديو يحكي عن قبلة جمعت بين عمر الشريف وداليدا وأول لقاء جمع بينهما في غرفة أحد المنتجين، إلى تصدر اسم الفنانة داليدا محركات البحث، خاصة بعد ما أبدت ردة فعل غير متوقعة، وحظي الفيديو على تفاعل كبير بين الجمهور، للتعرف على حكاية مغازلة وقبلة جمعت بينهما.

فيديو داليدا وعمر الشريف نادر

وجاء الفيديو المنتشر وهو عبارة عن لقاء عشاء جمع بين الفنان عمر الشريف والفنانة داليدا، ضمن حلقات برنامجها، الذي كان يتم تقديمه في ثمانينات القرن الماضي، كانت تقدمه باللغة الفرنسية  حيث كان يوم عيد ميلادها في عام 1981، ووقتها تذكر الفنان عمر الشريف  أول غزل بينه وبينها وقال لها في الفيديو المنتشر :"فاكرة أول يوم شفتك كويس جدًا، كنت عند منتج وكنت لسه عامل 3 أفلام، ولما دخلت لقيت بنت جميلة جدا، ومثيرة جدا جدا قاعدة معاه، اتكسفت لما شفتك، ومعرفتش أعمل إيه وبصتلك كتير من طرف عيني عشان استكشفك، ولما خرجتي سألت المنتج مين البنت دي؟ فقالي دي بنت إيطالية اكتشفتها، وبيتهيألي هيكون ليها مستقبل في مجال السينما".

عمر الشريف يحصل على قبلة من داليدا 

وتابع الفنان عمر الشريف في الفيديو باللغة الفرنسية : "قلت له متعرفش تعرفني عليها؟ أنا عايز أخرج معاها فقالي أنا هعرفكم ببعض وأنت أتصرف، فانتي دخلتي تاني المكتب والمنتج عرفنا ببعض، وأنا عزمتك على العشاء، أنا أخذتنى الجرأة أني أعزمك وأنتى وافقتي، وبعد العشاء وصلتك بيتك، وقبل ما تنزلي من العربية استعملت كل جاذبيتي، وقدرت أحصل على بوسة، وده كان شيء مدهش، عشان في الوقت دا الواحد يعرف ياخد بوسة مكانش شيء سهل أبدًا زي دلوقتي".

حكاية قُبلة بين داليدا وعمر الشريف

وقاطعت الفنانة  داليدا حديث عمر الشريف وأطلقت ضحكة وقالت له: "يعني قصدك إحنا اتغزلنا مع بعض وأنا نسيت".

ولكن الفنان عمر الشريف كشف عن قُبلة جمعتهما: "غالبا معجبتكيش القبلة"، وردت داليدا: "بجد معرفش. بما إني مش فاكره، أنا آسفة، لكن في حاجة أنا معجبة بيها جدا فيك، أنت عملت حاجة كان نفسي أعملها أوي، كانت فيلم غنائياً كوميدي، أنا عارفة أنك عملت فيلماً مع باربرا سترايسند، FUNNY GIRL وأنا اللي مغنية لسه معملتش أي فيلم غنائي".

عمر الشريف وداليدا ولقاء نادر

وتابع عمر الشريف باللغة الفرنسية : "عارفة حاجة بعشقها فيكي.. حلاوة الميلودراما اللي فيكي، مش عارف ليه الناس مش بتحب كلمة ميلودراما وكلمة بتصدمهم، دي جزء من شخصيتنا كلنا كشرقيين وأنتي شرقية، وهي أننا بنبالغ دايمًا في رد الفعل أكثر من اللازم، شوفتي صداقتنا ومشاعرنا بتبقى ضخمة وعميقة وده مدهش، دي حاجة مبهرة أنك تخلى اللي قدامك يحسوا بمشاعر عميقة"