مشادة كلامية بين محمود الليثي وبلوجر مصرية ويلقنها درساً ويشكر جمهوره

خلال الساعات الماضية نشبت مشادة كلامية بين الفنان محمود الليثي وبلوجر مصرية تدعى مريم سيف بسبب منشور لليثي يصف فيه مشاهير مواقع التواصل الاجتماعي بأن ليس لديهم مهنة حقيقية بعد تعطل معظم التطبيقات مساء أمس.

مريم سيف تهاجم الليثي بكلمات قاسية

لترد البلوجر مريم سيف على منشور الليثي عبر خاصية القصص المصورة بحسابها على إنستقرام، وكتبت "معلش يا أستاذ محمود الفاضل وأنت كنت إيه لما طلعت واللي شهرك اليوتيوب وبعدها بقيت ممثل؟وبعدين متنساش إن الممثلين دلوقتي لما بينطفوا مرة مبيرجعوش تاني وأنت شغلانتك إيه؟ مش قدام الكاميرا زينا ولا إيه؟ ولو الكهربا قطعت بتنطفو أنتو كمان ولا إيه النظام؟

محمود الليثي يلقن مريم سيف درساً قويا

ولم يتوقف النقاش إلى تلك الحد، ليرد محمود الليثي كاتباً: "بصي يا أستاذة ياللي مش عارفك، أولًا أنا مغلطش فيكي لشخصك وإنتي غلطتي فيا، ثانيًا أنا ليا أصحاب كتير أنفلونسرز وأشهر منك بمراحل، أخدوا الموضوع بهزار عادي، ده لأن فعلًا ديه مش شغلانتهم الأساسية، ثالثًا لو أنت شايفة إن الممثل مش بينفع الناس، وإنتي بتنفعيهم، فده قلة فهم منك، وده مش هلومك عليه، عشان دي حاجات مينفعش نشتريها، بنتولد بيها".

وأوضح محمود الليثي: "رابعًا كونك تقولي ده مكنش معاه 10 جنيه يركب مترو، وتتريقي على ده، فده مصدر فخر ليا، إني كنت أمل لشباب كتير أنهم يبدأوا من الصفر وينجحوا، ورحلة كفاح انبسطت إن الناس تعرفها، خامسًا الفن ده مهنة زيه زي الطب والهندسة، ولو حضرتك بتقرأي في التاريخ، هتعرفي إنه موجود من يوم ما اتوجدت الحضارة وغير شعوب عملت ثورات، مش مرتبط بالكهرباء زي ما بتقولي".

وأضاف "وأخيرًا لو الأستاذ محمود حميدة شاف كلامك دا كان هيخليكي تعتذري للفن والفنانين كلهم اللي بتقللي من دورهم وكان هيفهمك ازاي تتكلمي بأسلوب راقي عن كدا".

محمود الليثي يشكر جمهوره بعد دعمهم له

وحرص الفنان الشاب محمود الليثي، على توجيه الشكر لجمهوره ومتابعيه، بعد دعمهم له ودفاعه عنه، في أزمته مع البلوجر مريم سيف.

فكتب منشورًا موجهاً الشكر لكل من دافع عنه، تضمن:"أنا عايز ارد على كل واحد كتبلي رسالة من امبارح بس بجد الرسايل كتير فوق ما تتخيلوا".

وأضاف :"وبحاول ارد على قد ما اقدر، بس بجد شوفت كمية حب رهيبة من ناس جدعان وولاد أصول، واكتشفت أن محمود الليثي وراه رجالة بجد.. شكرًا لكل ولد وبنت بعتلي رسالة، وبجد قدر الإمكان هرد عليكم".

يذكر أن محمود الليثي شارك في السباق الرمضاني الماضي بمسلسل "بين السما والأرض" مع كل من هاني سلامة، درة، سوسن بدر، محمد لطفي، ندى موسى وغيرهم نخبة من نجوم الفن. المسلسل مأخوذ عن قصة الأديب العالمي نجيب محفوظ ومن سيناريو وحوار إسلام حافظ ومن إخراج محمد جمال العدل.