أحمد السقا يكشف سبب تراجعه عن عدم المشاركة في دراما رمضان

كشف الفنان أحمد السقا سبب تراجعه عن قرار خروجه من السباق الرمضاني والمشاركة بمسلسل حرب ضمن موسم دراما رمضان 2023 موضحاً أنه تلقى العرض قبل بدء رمضان بأيام معدودة.

أحمد السقا يكشف سبب عودته لدرما رمضان

وقال أحمد السقا خلال لقاء له مع الإعلامية فاطمة مصطفى عبر الإذاعة: "مكنش فعلاً عندي حاجة في الدراما الرمضانية السنة دي، وقبل شهر رمضان بأيام معدودة لقيت الراجل بتاعي محمد حسن مدير أعمالي بيكلّمني وبيقولي عايزك ضروري".

وتابع قائلاً: "في العادي بتاعي لما بيبقى عندي يوم أجازة مش بحب أتكلم في شغل، بروح أتمرّن وأركب خيل ومبعملش حاجة تاني... ولقيته بيقولي عندي مصيبة في البيت ومش هينفع في التليفون. روحتله البيت وقالي كنت قاعد مع فلان وفلان كلّموني عشان هنعمل مسلسل في رمضان وهنبدأ تصوير يوم التلات الجاي، قولتله أنت بتهزّر، قاللي لا.. فطلبت أقعد مع أستاذ أحمد نادر جلال والمؤلف هاني سرحان تاني يوم الصبح على الأقل يحكولي".

وحول المغامرة التي خاضها بالبدء في تصوير مسلسل عرض عليه قبل أيام، علق قائلاً: "قولت يا واد أنت لو خدت الريسك ده هيبقى حاجة من اتنين يا هتلبس في حيطة ياما هتبقى كنست تاريخك كله ويبقى نقطة ومن أول السطر... وكانت مغامرة تستحق المغامرة... وبعدين وافقت... ولكن قولتلهم مش هنصور التلات هنصور السبت... عشان أكون لحقت أقرأ وأذاكر".

أحمد السقا يتحدث عن كواليس مسلسل حرب

وتحدث أحمد السقا عن بعض كواليس مسلسل حرب من بينها نومه على سرير مصنوع من المسامير ضمن أحداث المسلسل مؤكداً أن الأمر كان حقيقياً.

وتابع قائلاً: "ده كان بجد وكانت مسامير بس كانت مسامير مبرودة ليها طريقة قعدة معينة وحد بيمسكني لحد ما أنام على ضهري ومقدرش أقوم لوحدي لازم حد يقوّمني عشان مضغطش نفسي عليها واتخرم".

ولفت إلى أنه كان بشعر بالخوف من عرض المسلسل في الثلث الأخير من رمضان وكان يدعو أن يحقق المسلسل النجاح

وأشاد بتعاونه مع الفنان محمود الزاوي قائلاً: "كان بيتروش مني، إذا تواجدنا في أي مكان يفضل يبص يمين وشمال ويقول يا جماعة انتو مطلعنّي إرهابي قدّام السقا طب حد يمسكه لحد ما أخلص المشهد شغال بفوبيا السقا، إنسان جميل وراقي وناضج لأقصى درجة".