قصائد شليويح العطاوي

شليويح بن ماعز بن عواد المهيدلي العطاوي العتيبي - ولد في الحجاز عام 1208هـ تقريباً ونشأ في البيئة البدوية العربية الأصيلة - وهو فارس وشاعر ومؤسس أمارة آل شليويح، حيث أنه لم يكن من بيت إمارة وقد ظهرت عليه علامات الفروسية عند بلوغه 13 عاماً، ووضع لنفسه مكانة عالية في قبيلته، وأصبح أميراً لقبيلته «المهادلة» واشتهر بالكرم والشجاعة وكان شاعراً مميزاً وله العديد من القصائد المعبرة ومن أشهرها قصيدة طلال المشهورة، توفي في عام 1292هـ تقريباً في معركة شمال المزاحمية وقد قتل وهو على فرسه. ^[1]  

قصيدة أول كلامي

اول كـلامــي طـلـبـت ذكـــر الله
ماني عـن الـرب الكريـم غنـاوي
ولا نيب مـن يمـدح بقولـه لسانـه
ولا نيب في عشق البني هـواوي
على طـلال الصبـح خيـل مخيلـة
وصلـت سناويهـا الـى المطـاوي
تمطـر بعطشـان المحبـب والقـنـا
ورعـودهـا الـبـارود والـعـزاوي
جانـا سعـود مسيـر بجنـوده معـه
مـعـه الـدويـش ولـمـة الـبــداوي
ثمـانـيـة الاف عـــداد جمـوعـهـم
بـلـوى وربــي يـدفــع الـبــلاوي
وحـنـا ثمانمـائـة عــداد جموعـنـا
مـاش اجنبـي فيـنـا ولا بـرقـاوي
وارخيـت قيهـم حـد كـل مصـلـة
يحيـر فيـهـا طــب كــلا مــداوي
وارخيـت فيهـم حـد كـل مجـرب
توحي له بروس الخيرين تعـاوي
وارخيـت مذلـوق العرينـي فيهـم
لـيـن ادبـحـوا شـرابـة الـقـهـاوي
ورديــت سلـطـان البعـيـر فـيـهـم
وشيـوخ مـا ردوا لـهـا النـحـاوي
يــارب تنـجـي وتنـجـي سـابـقـي
يــارب تمنـعـنـا مـــن الاهـــاوي
ياظـفـرهـم لاقـــرب الله دارهـــم
وحـنـا عليهممـثـل نـجـو هـــاوي
ذوي ثبيـت اهـل المنـاخ شيوخنـا
اهل العطف والمنـزل المتسـاوي
صحـنـا علـيـهـم ثـــم عـاونــا الله
ليـن انـهـا صــارت لـنـا مـنـاوي
لكـن سربتهـم الـي اوجـهـت بـنـا
زمـول مخزمـة علـى الـكـراوي
لكـن سربتنـا الـيـا اوجـهـت بـهـم
شــراد ريــم مـــع حـمــاد داوي
وعزي لهم لولا اسمر في خيلهـم
يـهـوي عليـنـا اهـوايـة الـنــداوي
لكـن شليـل الخيـل قــدم ربوعـنـا
مثل الجراد اللي انتحـى متهـاوي
وطلحة نحوا عنـا بريـه يسارهـم
مـن بينهـم دهـم العـروق هـداوي
تعينـي بالبـيـض فــي مركاضـنـا
وصلت كسايرهم الى الحجنـاوي
تـزبـنـوا عـنــا قـصــور عـنـيـزة
ليـن احتماهـم بيـرق القصـمـاوي
لا رحم ابو من صد عن محرافها
يوم انجلاع الستر عـن مضـاوي
نطعـن لعيـن اللـي تهـل دموعـهـا
تبكـي وفـي تالـي البـكـا نـخـاوي
تـقـول ياالظـفـران مــن عاداتـكـم
هوشوا عسـى يبقـي لنـا شـلاوي
الاد روق الـلـي عـريـب جـدهـم
لاجــا مــن الحـكـام رد بـــراوي
ونطعـن لعيـن اللـي تجـر حنينهـا
عـفـرا تـبــا صيـفـيـة الـمـطـاوي
قلـت ابشـري بالفـك ياحـم الـذرا
دام الـطـعـن يــفــك والاهــــاوي
ترعى بنا عـوج الركـاب وتنثنـي
ماحدرت حسلـة الـى الحجنـاوي
وانـا احمـد الله يـوم انـا مـن لابـه
ماهـم بقطـمـان اليـديـن شــواوي
الاد روق سعـد مــن هــم ربـعـه
يـوم اللقـا زادوا عـلـى الهـقـاوي
يـا مسـوي الفنجـال عـده لمـدوخ
وعــده لابــن صــلال والـجـاوي
وانا زبون الحرد ابـو ضيـف الله
لا قصـر البرطـم عـن الشـفـاوي
والـمـدح لله ثــم نـسـل مـحـصـن
عسـى لهـم عنـد الالــه عــراوي
سـواقـة المغـتـر عـلـى الحريـبـة
يوم الحريب عن الحريب يـلاوي
واغفـر ذنوبـي يـا محـل ذنـوبـي
ان كنت في بدعي كلامي غـاوي ^[2]  

قصيدة لاقلت الوزنه

لا قلت الوزنة وربعي مشافيح
أخلي الوزنة لربعي و أشومي
و اليا رزقنا الله بذود المصاليح
يصير قسمي من خيار القسومي
اضوي اليا صكت علي النوابيح
و اللي قعد عند الركايب مخدومي
و ان كان لحقوا مبعدين المصابيح
معهم من الحاضر سوات الغيومي
اليا ضربت السابق أم اللواليح
كلن رفع يمناه للمنع يومي
يا من لقلب عانق الفطر الفيح
كنه على كيرانهن محزومي
ما اخلف وعدهن يقع تخلف الريح
والا يشد الضلع ضلع البقومي
يا ناشد عني تراني شليويح
قلبي على قطع الخرايم عزومي ^[3]  

قصيدة نيله تطالعني

نيله تطالعني بوسط الجماعه   و اظن نيله لامستني بمنقود
ياما تعرضنا الفني والمجاعه   ولامسك الملهاب يا لين العود
وفي الليل يسهر مثل راعي زراعه   وفا الصبح تصلانا السمايم على القود
وميرادنا عد تعاوى سباعه   خاشرت فيه ذياب نمور واسود
وياليتها معنا على الهجن ساعه   حتى تعذر وجيهنا لو غدت سود
وتشوف فينا من فعول الشجاعه   وتشوف فعل اللي كما السدو ممدود
وتشوف شغموم طويل ذراعه   صبار في الشدات نطاح للكود
وتشوف حمال بتوع بتاعه   مثل الفهد يلفي من الصيد بفهود
وتشوف خبل همته في متاعه   لانافع ربعه ولا هوب مفقود
ولاهوب طماع يجيب الطماعه   ولايقضي اللازم ولا كاسب فود ^[4]  

قصيدة يا بنت ياللي

يا بنت ياللي عن احوالي تسألين، وجهي غدت حامي السمايم بزينه

أسهر طوال الليل وأنت تنامين، وإن طاح عنك غطاك تستلحفينه

أنا زهابي بالشهر قيس مدين (قليل)،ما يشبعك يا بنت لو تلهمينه

مرة تضحي والمضحا لنا زين، ومرة نشيله بالجواعد عجينه

أما عن أبرز أشعاره التي كانت تدور حول الشجاعة والإقدام:

انهض لها المقهور ياضيف الله، نبي على الحجره نميل

وخيل العداء نضفها بأمر الله، لعيون نقاض الجديل ^[5]  

قصيدة يا عيد

ياعيد دونك شوشت بي هلاله   شافت بوجهي ياعضيدي سهومي
وجهي مسويته لواهيب لا له   من كثر ما ننطح لهيب السمومي
ان قيلوا ربعي بخطو السلاله   انا رقيبهم بعالي الرجومي
وإليا قضا منا توالي البلاله   اخلي التالي لربعي وشومي
وليا حصل عند الركايب ظلاله   انا نطيح للعيال القـــــرومي
كم شيخ قوم ناثرين دلاله   غنايمه بايمان ربعي قسومي ^[6]