هالة صدقي تتحدث عن شخصية صفصف وتتمنى تقديم شخصية دلال

أطلت الفنانة المصرية هالة صدقي ضيفة في إحدى حلقات برنامج معكم، والذي تقدمه الإعلامية منى الشاذلي، حيث تحدثت عن نجاح دورها الجديد في مسلسل جعفر العمدة والذي تم عرضه في شهر رمضان.

هالة صدقي في مسلسل جعفر العمدة

وأوضحت خلال اللقاء أنها تفاجأت بردود الأفعال على المسلسل منذ عرض الحلقة الأولى، حيث قالت هالة صدقي عن دورها في مسلسل جعفر العمدة: "أنا مخضوضة من ردود الفعل.. وبقول طب أنا هعمل إيه بعد كده.. لكن الأكيد إن النجاح ده كان بسبب محمد سامي".

وأضافت: "محمد سامي كلمني في الصيف، وقالي يا هالة أنا قاعد بفكر في شخصية ومش شايف حد فيها غيرك أنتي، قالي هو دور لواحدة ست أم لاتنين كبار في السن، قولتله أنا مش عندي مشكلة قبل كدة، وممكن نعمل ده بالميكب والإضاءة، رديت على محمد سامي قولتله أنا موافقة يلا نشتغل، وافقت لأني كنت دايما شايفه محمد سامي من بعيد وعايزه اعرف ليه الممثلين بيبقوا في أحسن حالاتهم معاه.. ودلوقت بشكره من كل قلبي إنه زاح قشرة كانت موجودة ولما اتشالت ظهرت هالة صدقي تاني".

وتابعت: "نجاحي في المسلسل ده بعتبره نجاح لبنات جيلي كلهم.. لأن حاليا مش مهتمين بينا وبيحاولوا ينزلوننا درجة تانية ومبيدوناش حقنا ولا بيستغلوا خبراتنا.. وبيستسهلوا".

هالة صدقي تتحدث عن صفات شخصية صفصف

وبسؤالها عن شخصية صفصف في المسلسل، قالت هالة أن الشخصية تشبهها إلى حد كبير، قائلة: "صفصف تشبهني في إنها شعنونة.. ومش بزوق الكلام، بقول الحاجة من غير فلتر.. اللي في قلبي على لساني، فاللي ميعرفنيش كويس بيتخض.. ودمي خفيف أكتر من صفصف كمان".

وقالت: "الإضاءة لعبت دوراً مهماً جدا في تغيير ملامح صفصف، كان في ضبط بين الميكب والإضاءة، علشان منحسش أنه ميكب بجد، هو تأكيد على الملامح والخطوط اللي في الوش".

وتابعت: "وأنا بقرأ الاسكريبت كنت حاسة إن الدور مش هو اللي أنا عاوزاه، اللي مكتوب على الورق حاجة، والتنفيذ حاجة، سألني محمد سامي، بتثقي فيا ولا لا، قولتله بثق فيك، هو عنده بعد نظر، وكان طول التصوير يقولي أنتي مش عارفة صفصف دي هتعمل إيه مع الناس".

هالة صدقي تتحدث عن أبطال جعفر العمدة

وعن أدوار الأخرى التي شهدت جدل في المسلسل، عبرت الفنانة هالة صدقي قائلة: "لو رجع بيا الزمن 20 سنة لورا اختار دوراً وداد لأنه دور عظيم وفيه طلوع ونزول وفي تمثيل ده أكتر دور عجبني في المسلسل.

وأكملت: "كان هناك غيرة بسيطة بين البطلات ولكن كان هناك حالة حب تجمعهن في الكواليس، أنا كنت صاحبتهم وكنا نتواصل سوا ولازلنا على تواصل والكلام دا بيتحس على الشاشة".

واختتمت: "إيمان كانت بتتخض مني في المشاهد اللي جمعتنا لما كنت بشتمها علشان مكنتش تعرفني في الأول ولما اتصاحبنا مبقتش خايفة مني وجوري بكر كانت خايفة مني".

أبطال مسلسل جعفر العمدة

مسلسل جعفر العمدة بطولة محمد رمضان، زينة، هالة صدقي، إيمان العاصي، مي كساب، منة فضالي، أحمد داش، منذر رياحنة، عصام السقا، فريدة سيف النصر، مجدي بدر، أحمد فهيم، فتوح أحمد سلوى عثمان، فريدة سيف النصر، عماد صفوت، جوري بكر، طارق النهري، أحمد عبد الله، إحسان الترك وضيف الشرف بيومي فؤاد، ومن تأليف وإخراج محمد سامي، وشارك في السيناريو والحوار مهاب طارق.