رامز جلال يستقبل حسام حبيب ساخراً: صاحب أشهر قصة حب توكسيك

استقبل رامز جلال المطرب، حسام حبيب، بمقدمة ساخرة عن علاقة المطرب الشهير بالفنانة شيرين عبدالوهاب. وعند استقبال نوال الزغبي لطليق شيرين، أكدت على أنها في صف صديقتها ضده.

حسام حبيب مع رامز إيلون مصر

 وقال رامز جلال ساخراً من حسام حبيب: "المطرب اللي مزعل منه كل الناس، حسام حبيب، صاحب أكبر قصة حب توكسيك في تاريخ الوسط الفني، الموضوع بينهم سخن لدرجة إن الواد علشانها طلع أتبرأ من أبوه.. هقنعه يرجع المسروقات، ويركز في الأغاني والألبومات.. نبدأ حلقة النهاردة بحسام حبيب اللي عامل فيها عندليب".

 وعند استقباله قال رامز جلال عن حسام حبيب: "زعيم شبكة التقليب الدولي، إيه الطقم ده ده مش مطرب ده بروكر، والقميص عامل كده ليه سيب الاستايل ده لنجم الجيل.. يالا بينا يمكن ألاقي عروسة.. أنت إزاي يطلع منك كل الشر ده مع شيرين.. دي خدت منك ضرب ما يديهاش أحمد العوضي.. نبغة في التقليب"

واستكمل سخريته من طليق شيرين عبدالوهاب قائلاً: "أنت مالك قافش في الورد كده ليه ما حدش هياخده منك.. نوال الزغبي بتسلم عليه بقرف". 

واستقبلت نوال الزغبي حسام حبيب معبرة عن تضامنها مع صديقتها شيرين عبدالوهاب وقالت: "أنا مع صاحبتي ضد حسام مش عاوزة حاجة منه ده زعل صاحبتي

ودخل عدد من النجوم في موجة غضب؛ بسبب مقلب رامز جلال بينهم إمام عاشور، والذي هدد رامز بالقتل ليستكمل بعدها رامز جلال المقلب وسط تزايد غضب نجم النادي الأهلي.

ضحايا برنامج رامز إيلون مصر

لم تخل حلقات رامز جلال من التنمر والسخرية على ضيوف البرنامج، ففي تقديمه لزينة على سبيل المثال قال:  "زينة أيه بدلة عبدالعال دي يا بت، ولابسه شنطة وكوتشي ماركة عالمية الله يرحم صيدناوي وعمر أفندي ".

وفي تقديمه لإمام عاشور قال: "لابس جاكيت كمسارية، جاكت معفن.. الواد إما عينه بارزة أوي كده زي عيون السمك ودقنه مدببة كده ليه! أنا بس عاوز أذممكم فيه لاعيب كورة كبير يلبس الجزمة دي أومال منة فضالي تلبس إيه! إيه التسريحة دي.. من قفاه عاملة زي خوذة الرومان".

وقع عدد من النجوم في فخ مقلب رامز جلال، رامز إيلون مصر، ومن بينهم  أحمد العوضي، أحمد فهمي، زينة،  مصطفى غريب، لاعب النادي الأهلي إمام عاشور

خلال الأيام الماضية تصدرت بعض الحلقات التريند، من بينها الحلقة التي تحدث فيها رامز جلال عن علاقة أحمد العوضي وياسمين عبد العزيز، معتبراً أن العوضي تقرب من نجمة مشهورة ليحقق نجوميته على حسابها ثم يتركها. بحسب ما قاله في استقبال العوضي.

برنامج رامز إيلون مصر

يتفاعل رامز مع حلقات البرنامج يومياً على منصات التواصل الاجتماعي، فبعد حلقة أحمد العوضي كتب رامز جلال: "اللهم لك الحمد حتى ترضى ولك الحمد إذا رضيت ولك الحمد بعد الرضا والله المستعان وربنا يتمها على خير، ربنا يكملها بالستر  الحمد لله حلقة أحمد العوضي تريند رقم واحد على جميع منصات السوشيال ميديا".

فكرة برنامج رامز جلال تقوم على خداع الضيف بعد إقناعه بالمشاركة في برنامج لاكتشاف المواهب العلمية، إلا أنه بعد أن يصبح  عضوًا في لجنة التحكيم يفاجأ بعد ذلك الضيف بأنه في تجربة مرعبة ومليئة بالمفاجآت.

مواعيد عرض برنامج رامز إيلون مصر

يعرض برنامج رامز جلال يوميًا خلال شهر رمضان في الساعة السادسة مساءً بتوقيت القاهرة. والإعادة في تمام الساعة 12 بعد منتصف الليلة.