رحمة حسن تتعرض للتحرش إلكترونيا وتكشف تفاصيل تتبعها لمدة عامين

  • تاريخ النشر: الجمعة، 05 أغسطس 2022
رحمة حسن تتعرض للتحرش إلكترونيا وتكشف تفاصيل تتبعها لمدة عامين
مقالات ذات صلة
سالي عبدالسلام تكشف تفاصيل التحرش بها
شمس الأسطورة تكشف تفاصيل تعرضها للمعاكسة والتحرش
إنجي كيوان تكشف تفاصيل تعرضها للتحرش وطفولتها التعيسة

حكت الفنانة المصرية الشابة رحمة حسن، تعرضها للتحرش إلكترونيًا من قبل شخص يتتبعها على حسابها الشخصي على إنستقرام منذ عامين، وأشارت إلى أنه يتبعها في جميع الأماكن التي تذهب إليها.

وأرفقت رحمة صورة لحساب هذا الشخص، وكتبت: "متحرش إلكتروني، متحرش سوشيال ميديا، متعد خصوصية المكان، الشخص ده من سنتين وهو بيبعت رسايل غريبة وبيعمل حاجات غريبة وبيضايق كل صحباتي البنات، لو نزل صورة أو حاجة معاهم وحتى الناس اللي بشتغل معاهم أو أصحابي في العادي بيدخل يدور على الأكونتات بتعتهم ويبعتلهم أغاني وحاجات غريبة ويسأل عني أنا وبروح فين".

وأضافت "كل أصحابي مش واحد بس عمل كده مع أكثر من حد، متتبع الأماكن اللي بروح فيها ومش عارفة بيعرف منين أنا بقالي سنتين على الحال ده آخرها المكان اللي كنت مفروض أروحه بكرة عشان شغل".

رحمة حسن تتعرض للتحرش إلكترونيا وتكشف تفاصيل تتبعها لمدة عامين

كلب يعض رحمة حسن

في منتصف يونيو الماضي عقر كلب رحمة حسن أثناء سيرها في الشاعر، وكشفت تفاصيل الحادثة: "إمبارح الساعة ١١ بليل كنت نازلة أجيب حاجة من السوبر ماركت جنب البيت، كنت ماشية على الرصيف وكان في عربية بتركن جمبي عادي، فجأة الباب اتفتح ولقيت كلب جيرمن شيبرد يهجم عليه بكل قوته، وطبعا حاولت أجري لكن للأسف الكلب كان قوياً وشرساً ووقعني على الأرض، حاولت أقوم وأجري وصاحبته حاولت تشده، بس فك الليش بتاعه وعضني عضه كبيرة وغويطه بنابه في منطقة حساسة".

وتابعت الفنانة المصرية "صاحبة الكلب كتر خيرها أخذتني فوراً علي مستشفى إمبابة، أدوني حقنة تطعيم الكلب ولسه فاضل لي ٤ هاخدهم خلال شهر، بس المشكلة أن من امبارح الجرح ينزف دم كتير، وأنا طبعا خايفه ومصدومة وتعبانة وعندي تروما من امبارح واللي واجعني أكتر أني مَش عارفة أتصرف إزاي، خصوصا أني أكيد مَش عايزة الكلب يتأذى، بس كمان مَش عايزة أي إنسان كمان يتأذى ويتعض ويتبهدل في الشارع زيي".

استطردت "أنا كنت بشوف الكلب ده دائما مع صاحبته بتمشي بيه في الشارع جمب البيت عندي، وعشان شكله شرس كنت أمشي بعيداً عنه لما بشوفه، امبارح صاحبة الكلب قالت لي متخافيش هو عض ولادي قبل كدا وتمام محصلش حاجة".

رحمة حسن تكشف حالتها الصحية

وفي وقت سابق، حاولت طمأنت متابعيها ونشرت صورة عبر حسابها على إنستقرام، منذ واقعة عض الكلب لها.

وكتبت رسالة تطمئن الجمهور على صحتها قائلة: "الصورة دي علشان أطمن الناس اللي سألت عليا إن شاء الله أبقى كويسة واحدة واحدة".