زوجة حسن شاكوش تنفي الصلح بينهما وتكشف تفاصيل جديدة

كشفت ريم طارق، زوجة مطرب المهرجانات حسن شاكوش عن آخر تفاصيل الأزمة بينهما بعد أن صرح الأخير بانتهاء الأمر بالصلح، نافية ذلك الأمر، مشيرة إلى أنها أقامت قضية طلاق بالفعل.

زوجة حسن شاكوش تنفي الصلح بينهما

وقالت ريم طارق في بث مباشر، عبر حسابها الشخصي على تطبيق إنستغرام: "مافيش حجة اسمها صلح، في مشكلة كبيرة إن بنت تتحملها مع جوزها أو عيب ماينفعش الواحدة تتحمله، وهي بتبقى عايزة تخرج بكل ود أو تشوف حل في المصيبة دي لأن هي مصيبة لأن هو دا اللي عايزة أقوله دلوقتي، اختيار غلط محدش يعتب علي، والحمد لله".

وأكدت أنها حصلت على حكم بتمكينها من الحصول على متعلقاتها وأقامت قضية طلاق: "رفعت قضية طلاق، اتمكنا عشان اخد هدومي وحاجتي ورحت أمبارح مع بابا، ووقف برا بعد ما حسن شاكوش طرده، وأهله وصلوا بعد نص ساعة، كدة كدة مش هينفع أعيش مع واحد مهددني بالقتل، وحلقة (شيخ الحارة) كل اللي اتقال فيها صدق وأنا اللي أتضحك علي".

وأوضحت أنه امتنع عن تسليم متعلقاتها الشخصية: "هو ممتنع أنه يديني حاجتي حتى لبسي وورق القائمة والمؤخر، وهو اختلطت عليه الأمور أنه هيعرف يعمل كدة مع مين، انا من بعد ما فتحت الاكاونت دا وصل لي من كذا بلد ان بنات متاخد منها حقوقها وفلوسها وهدايا الماظ وسيارات وورق عرفي، عملت كل دا مع الناس دي عشان مكنش الكلام بينكن رسمي، من المغرب والجزائر ودبي والكويت والتجمع، الناس مستوية منك".

زوجة حسن شاكوش تتحدث عن زواجها الأول

ورداً على زواجها الأول أوضحت أنها كانت متزوجة في نوفمبر 2020 وانفصلت في فبراير 2022، مشيرة إلى أن حسن شاكوش قام بالغناء في زفافها السابق، مؤكدة أنها لا تسعى وراء الشهرة كما اتهمها البض.

وتابعت: "أول ما الموضوع يخلص هقفل الاكاونت، مش محتاجة شهرة ما انا ممكن أتصور واتشهر، لكن لقب مرات مش عارف ايه دا عبء عليا، الناس كانت بتقول لي انتي اتجوزتي الشيخ الشعراوي أتاري الناس عندها نظر أنا مكنتش عارفة، وتاني يوم جوازي قال لواحدة ان جوازي منها فيلم، وبعتت لي الرسائل بينهم، أنت ضحكت على البنت دي ليه، وانت قايل ان احنا مع بعض بقالك 3 سنين، ايه جو المؤامرة دا".

ووجهت رسالة إلى حسن شاكوش قائلة: "يابن الحلال دخلنا بالمعروف ونخرج بالمعروف واديني حاجتني اللي عندك، وعرفني احنا اتطلقنا ولا لأ عشان اعرف أكمل في قضية الطلاق للضرر ولا أقول للناس لأني معنديش اي استعداد ان واحدة تتظلم تاني، كل الناس اللي أنت دوست عليهم كلموني وبعتولي رسايل وفيديوهات وبعتوا لي كل حاجة