حقيقة صور حمو بيكا في تدريبات نقابة المهن الموسيقية

أعلن الدكتور محمد الستار رئيس قسم الغناء بالمعهد العالي للموسيقى العربية، عن كواليس مقطع الفيديو الذي انتشر على مواقع التواصل الإجتماعي له هو ومطرب المهرجانات حمو بيكا حول، استعداده لخوض اختبارات نقابة المهن الموسيقية.

صورة حمو بيكا في نقابة المهن الموسيقية

كشف الدكتور محمد الستار رئيس قسم الغناء بالمعهد العالي للموسيقى العربية، أن الصورة التي التقطت له وهو حمو بيكا كانت منذ عام تقريبًا وتم التقاطها بدون علمه وليس كما يقال عنها أنها التقطت الأسبوع الماضي كما قال حمو بيكا، حيث وصف الأخير بأه شخص مخادع يميل إلى خداع الجمهور من أجل كسب المزيد من المتابعين، ووصف بأنه شخص لا يريد التطور.

دكتور الغناء بالمعهد العالي للموسيقى يوضح علاقته بـ حمو بيكا

حيث نشر الدكتور محمد عبد الستار عبر حسابه الشخصي على موقع التواصل الإجتماعي " فيس بوك" توضيح قائلًا به : "  ردا على أصدقائي الصحفيين والإعلاميين المحترمين عشان ننهى الموضوع ده تماما، حمو بيكا شخص بيأدى نوعا من المزيكا أنا لا أؤمن به، ولا أسمعه ولكنه موجود ومنتشر ومش محتاج أى إنكار منى أو من غيرى".

وتابع حديثه قائلًا : "رقم اتنين بكل بساطة النقابة عملت دورها قدام الإعلام، وأنهم يظهروا الحقيقة أنهم مش بيحاربوا حد من غير مبرر، وحبوا يساعدوهم أو يمدوا أيديهم بمعنى أصح لأشهرهم، ونظرا للثقة الكبيرة الحمد لله من أعضاء النقابة فيا وفى تاريخى فى تدريب الأصوات لأسماء كبيرة جدا دربتها طول حياتى، ومش هذكر حد منهم احتراما لخصوصيتهم، تم ترشيحى انى أدربه عشان يقدر يؤدى فى الامتحان، واللى حصل بكل بساطة أننا اتقابلنا مرتين ومن خلالهم قدرت أحدد هل هو يملك الموهبة اللى تخليه يؤدى فى الامتحان ولا لأ.

أضاف: "بعد المرتين اللى ممكن يكونوا بقالهم سنة تقريبا واللى اتاخدت فيهم الصور من غير علمى بالمناسبة، ما حصلش أى مقابلة تانى نظرا لعدم اهتمامه من الأصل أنه يطور من نفسه أكتر أو يحاول يكون أحسن هو بس بيحاول يكسب تعاطف، ويعمل استعراض أنه بيحاول وده مش حقيقى أبدا، وده كل الوضع بالتفصيل الدقيق".

وأكمل : "وبكده فعلا مفيش أى كلام تانى ممكن يكون عندى أو معلومات أكتر، الموضوع ده للأخوة الصحفيين المحترمين اللى بشكرهم على اهتمامهم اللى بردو كنت أتمنى يكون مساويا للدعم اللى بيتقدم على مدار سنين منى ومن زمايلى المحترمين، أن إحنا نقدم أصوات محترمة وتستاهل ونكون سببا فى رفع الذوق العام، ولسه أتمنى ده يحصل".

أضاف: "نقطتى الأهم ردا على أصدقائى الغاليين وولادى وبناتى الطلاب المحترمين، التعليم وتطوير النفس مش حكر على حد، الكل يستاهل فرصة يبقى أحسن لو هو عايز، لما أنا أرفض أعلم حد ناقصه حاجة أو حتى حاجات كتير، وهو أساسا المجتمع عمله نجم مش أنا وده أمر واقع، يبقى أنا بساعده بإيدى يفضل من سيئ لأسوأ وكده أبقى مش بعمل شغلى ودورى المفروض عليا، وبحب أعمله".

وختم حديث قائلًا : "المجتهد ضعيف الموهبة هينجح وهيبقى حاجة، ومتكامل المواهب اللى قاعد فى البيت مستنى الناس كلها تيجى تخبط على بابه هيفضل حياته كلها فى بيته، وأخيرا أنا دورى كمدرب للأصوات لفترة تعدى الـ30 سنة، وأستاذ دكتور ورئيس لقسم الغناء بالمعهد العالى للموسيقى العربية بيخلينى مستحيل أرفض أساعد حد، وبالعكس فيه أقل منه موهبة ويمكن شفت تعليقاتهم ومبسوط أنى قدرت أساعدهم بفضل ربنا يكونوا أحسن ويبقى كمان عندهم الثقة اللى تخليهم ينتقدوا، الكل يستاهل فرصة يتحدد له هو يقدر وعنده موهبة حتى لو بنسبة ولا لا".

أزمة حمو بيكا نقابة المهن الموسيقية

أصدرت نقابة المهن الموسيقية المصرية برئاسة النقيب هانى شاكر، قراراً بمنع التعامل مع عدد من مطربي المهرجانات أبرزهم حمو بيكا.

وجاء نص البيان الذي صُدر من نقابة المهن الموسيقية كالآتي:"قررت نقابة المهن الموسيقية منع التعامل مع كل من حمو بيكا ونور التوت ومسلم وعنبة وأحمد موزة، ويمنع كل من ليس عضوًا بالنقابة وغير مصرح له بالعمل لحين تصحيح أوضاعهم بالنقابة واجتياز الاختبارات".

وصرح حمو بيكا بعدها بأنه يريد العمل ويريد الغناء والتصريح ليخرج الفنان هاني شاكر ويؤكد على أن من حق حمو بيكا خوض الاختبارات من أجل الالتحاق بالنقابة العام المقبل، وبعدها نشر حمو بيكا صورة له مع الدكتور محمد عبد الستار، وكتب عليها معلقاً:" أثناء تدريبى مع الدكتور محمد عبد الستار.. يا مسهل.. تدريبات لاختبارات النقابة.. ادعولى.