حمادة هلال يحذر الأطفال من التأثر بمسلسل المداح والجمهور يدعمه

حذر الفنان المصري، حمادة هلال، جمهوره من الأطفال، من بعض مظاهر التأثر بمسلسله المداح الذي عرض في موسم دراما شهر رمضان 2021.

حمادة هلال يحذر الأطفال

وأوضح الفنان حمادة هلال، أنه سعيد بنجاح المسلسل، ومظاهر التأثر التي لمسها كرد فعل من جمهوره في الشارع، إلا أنه حذر الأطفال بالذات من التأثر الذي ينتج عنه بعض الأفعال السلبية.

ونشر حمادة هلال عبر صفحاته على مواقع التواصل الاجتماعي، صورة لشعر طفل، قام بحلاقة شعر رأسه بطريقة غريبة حيث كتب على رأسه من الخلف كلمة "المداح".

وكتب حمادة هلال معلقًا على هذه الصورة: "‏أنا الحمد لله أكيد فرحان بنجاح مسلسل المداح، بس مش حابب أطفالنا تعمل الرسمة دي حتى لو بِحُب، أنا بشكر الطفل الجميل ده والحلاق الشاطر بس وحياة ربنا عندكم بلاش".

الجمهور يدعم موقف حمادة هلال

ولاقى منشور حمادة هلال، دعمًا من محبيه، الذين وافقوه الرأي ودعموه في موقفه اتقاء لانتشار هذه الظاهرة الغريبة، التي قد يفضلها بعض الفنانين كدلالة على النجاح، إلا أنها تضر بالمجتمع وصورته.

وجاء في بعض التعليقات: "أنت إنسان محترم و لو إستمريت على النهج دة هتكون من ضمن أعلى 3 مسلسلات مشاهدة كل سنة بإذن الله مهما كان مين إللي قدامك في المنافسة، ليس فقط لقوة المحتوى ولكن لمواقفك المشابهة للبوست ده، وللناس إللي منزلة صورة من فيلم حلم العمر وإن كانت حلاقة مشابهة فالإنسان بيتغير بين يوم وليلة فما بالك ب 10 سنين ومع برضو إن حلم العمر من أفضل أفلام السينما المصرية إللي اتعملت في النوعية دي".

"ما أجمل الإنسان عندما يكون صاحب مبدأ"، "للأمانة وما زلت أقولها انت يا حمادة شخص انضيف ومعدنك أصيل .. ربي يبارك بوالديك على هذه التربية الحسنة والمشرفة .. تحياتي اليك من غزة"، "محترم وعارف دينك صح فرق كبير اوى بينك وبين اللى فرحان اوى بقصة النمر وهوجان وبينشرها"، "انت كل مره تتعامل مع الناس من خلال اى عمل بتعمله أو اى تعامل بصراحه بتثبت انك ابن ناس جدا وأخلاقك عاليه بالتوفيق دائما يافنان"، "انت محترم وبحبك عشان محترم وبتفهم وطريقك غير طريق ناس كتير ممثلين خليك زي مانت وهاتنجح وهاتبقا الاسطورة بجد بس راعي ربنا".

"ماشالله انسان محترم وصاحب مبادىء عشان كده ربنا كرمك ولسه هايكرمك اللي زيك في المجال ده بقو عمله نادره الله يباركلك"، ياريت واحد صاحبنا قارفنا بقرفه يعمل زيك ويكون صاحب مبدأ واخلاق بدل ماهو بوظ جيل بحاله"، "ولله بدون مجامله حضرتك انضف فنان ف الوسط الفني وكفايه انك لما بتنزل مسلسل او فيلم لازم تكون حاجه جامده ورايقه ربنا يكرمك"، "جزاك الله كل خير يا فنان انا لما قرأت اول المنشور لقيتك بتقول انا فرحان قولت فرحان علي ايه وبعدين لقيتك بتقول كده فعلا القصه زي الزفت".

"و الله انت راجل محترم ياعم فى ممثلين تانيه بتاخد الحجات دى و تعمل بيها هيصه اكنهم طلعو القمر"، "حد غير حضرتك كان ماسكتش وقعد يشجع الناس تعمل زي الولد ده لكن حضرتك شخص محترم وصاحب مبدأ"، "والله العظيم يا فنان إنت من الناس المحترمة متربي بجد وعندك أصل وعلشان كدة ربنا هيكرمك آخر كرم يعني بسم الله ماشاء الله محقق ناجح رائع و مسلسل من آكتر المسلسلات إللي نجحت وحققت مشاهدة عالية ف رمضان ومع ذلك الغرور معرفش طريقك ف ناس بمجرد ما اتشهرت افتكرت نفسها حاجة".

مسلسل المداح

ومسلسل "المداح" من بطولة حمادة هلال، أحمد بدير، خالد سرحان، نسرين طافش، محمد عز، جمال عبد الناصر، دنيا عبد العزيز، حنان سليمان، محسن منصور، محمد الصاوي، هادى خفاجة، تامر شلتوت، صبحى خليل، عبير فاروق، محمود عامر، هايدى رفعت، بسمة ماهر وآخرين ومن سيناريو وحوار أمين جمال ووليد أبو المجد وشريف يسرى ومدير تصوير كريم عاشور ومن إخراج أحمد سمير فرج.

الجزء الثاني من مسلسل المداح

قال الفنان حمادة هلال إنه لم يستقر حتى الآن على تقديم جزء ثاني من مسلسل المداح بعد النجاح الكبير الذي حققه خلال الموسم الرمضاني ومطالبة نسبة كبيرة من الجمهور بذلك.

تابع حمادة هلال أنه متحمس لدخول التجربة مرة أخرى، لكن إن كان هناك جزء ثاني من المسلسل فسيركز على إظهار صورة "الدجال" ورجل الدين الذي يستغل علمه بصورة خاطئة، بشكل أكبر، خصوصا أنه تم حذف عدد كبير  من المشاهد من المسلسل، وأغلبها  مشاهد تتضمن إخراج الجن من البشر.