سلوى خطاب توجه تحذيراً صادماً لـ ياسمين عز

ردت الفنانة المصرية سلوى خطاب على اتهامات البعض لها بأنها عدوة للرجل، مشيرة إلى أنها تتعامل مع الجميع على أنهم بشر بعيداً عن نوعهم.

سلوى خطاب توجه تحذيراً لـ ياسمين عز

وتابعت خلال لقاء لها مع الإعلامية ياسمين عز: "معرفش الاتهام جه منين، يمكن الستات طلعوه عليا عشان يوقفوا سوقي، مينفعش حد يعادي حد مش ممكن يكون في عداء، المرأة زي الراجل، أنا بعامل بني آدمين، اللي يهمني البني آدم شكله إيه أو البني آدمة شكلها إيه".

ووجهت سلوى خطاب تحذير صادم لـ ياسمين عز بسبب آرائها في الدفاع عن الرجل قائلة: "كفاية رومانسية والنبي وابقي فكريني لما تتجرجري من شعرك، لترد الأخيرة،:" لا أنا لا أقبل ده عليا أو علي غيري".

وأضافت قائلة: "ليا واحدة صاحبتي  لها آراء زي آرائك كده قولتلها أنا مستنية أشوفك متجوزة عشان أشوفك متجرجرة من شعرك وفعلا حصل اتجوزت وأتجرجرت في الريسيبشن من شعرها".

وعلقت ياسمين عز على ذلك التحذير قائلة: "أنا ضد العنف ولكن أنا مع أن كل طرف يمشي الأمور دون تعقيد أو مشاكل".

ومن جهتها لفتت سلوى خطاب عن رفضها إعطاء النصائح والمواعظ حول الزواج قائلة: "أنا منجحتش قوي أنا تطلقت عادي يعني، أنا ضد المواعظ والنصائح، لأن الجواز بالذات كل حالة قائمة".

وأضافت: "هي شركة، كلنا بنتعب في حياتنا والحياة محتاجة مجهود، الطرفين لازم يبذلوا مجهود برضا، لأن طالما بيبذل مجهود بيكون عايز ينجح الحياة دي، لأن فيها رفقة، ممكن متبقاش باينة في الأول، لكن بعد كده لما الناس بتصبر، ولادهم، وهم كمان عايشين مع بعض، لو كل واحد فيهم فكر إن كل ده للمستقبل، افتكر إن في مشاكل كتير هتتحل، متهيألي".

سلوى خطاب تكشف عن سر رشاقتها

وحول كيفية الحفاظ على رشاقتها، كشفت سلوى خطاب عن نصيحة قدمتها لها الفنانة هند رستم حول هذا الأمر في أحد المهرجانات.

وقالت سلوى خطاب: "كنت مع الفنانة العظيمة هند رستم، كنا في مهرجان، سألتها عن سر رشاقتها هي وجيلها، ردت عليا قائلة: كنا بنلعب رياضة وبناخد تدريبات رقص، وكنا بنحرم نفسنا من الأكل، أنا مكلتش رز إلا بعد ما اعتزلت".

وتابعت: "ساعات بسيب نفسي للأكل، لكن هما 3 أو 4 كيلو، مش بسيب نفسي أكتر من كده، لأن لو الوزن زاد عن كده هيكون في صعوبة إن أحاول أرجع تاني".