شيري عادل وطارق صبري يكشفان أسرار قصة حبهم

استضافت الإعلامية إسعاد يونس الفنانة شيري عادل وزوجها الفنان طارق صبري في برنامجها صاحبة السعادة الذي يعرض على فضائية دي إم سي، وكشف الثنائي خلال اللقاء كواليس قصة حبهم وزواجهم.

طارق صبري يحكي عن حبه لشيري عادل

وروى الفنان طارق صبري بداية التعرف بالفنانة شيري حيث قال: «احنا اشتغلنا بنات سوبر مان من 2016، كنا زمايل خالص بس مكنش فيه علاقة عاطفية، وبقينا أصحاباً وبنسال على بعض كل فترة وكان عندي شوية إعجاب تجاه شيري».

وأضاف:« كنت بحاول أسأل عليها كل فترة وتعالي نتقابل وكانت بتحلقلي كانت دايما بتيجي على بالي ومتقبلناش غير مرة في اجتماع عند أشرف عبد الباقي، ومرة قولتلها تعالي نتقابل قالتي أنا قاعدة جنب القط بتاعي فعرفت أنها بتحلقلي».

لترد عليه شيري وتقول: «أنا عندي القط بتاعي كان تعبان وكنت قاعدة جنبه عشان علاجه، فبقوله فعلا أني مش هقدر أنزل، بعدها بـ 3 أسابيع كان معروضاً عليا مسلسل حلو أوي وبعدها جت لي سفرية مفاجأة وكلمته وعرفته».

ليكمل طارق صبري حديثه وكيف استطاع رؤيتها وقال: «رحت لصديقنا المستشفى، وكلمتني شيري عشان تعرف تفاصيل حالته الصحية، وقلت لها نروح مع بعض، واستغليت الفرصة».

واستطرد قائلاً: «أصبحنا فجأة في حياة بعض، وأصبحت الحاجات العادية في اليوم من غيرها مش مضبوطة ولازم تبقى موجودة، وفي البداية محدش عرف عن علاقتنا غير القريبين، والأسرتين، لأن الأحسن إن العلاقات تتبنى في هدوء »
أما عن تحديد موعد الزفاف الذي فاجأ الجميع قال طارق صبري « ضغطت عليها عشان توافق، وقالت لي أنا عايزة اعمل فرحا في الصيف، قولت لها نتجوز وبعد كده نعمل الفرح».

شيري عادل تكشف عيبا في طارق صبري 

ومن جانبها كشفت الفنانة شيري عادل عن العيب الوحيد في زوجها الفنان طارق صبري وقالت: «معنديش مشكلة معاه باستثناء صوته عالياً جدا عشان هو يحب المسرح، والناس بتفتكرنا بنتخانق لما بيتكلم».

ويعد طارق صبري هو الزوج الثاني للفنانة شيري عادل والتي تزوجت من الداعية الإسلامي معز مسعود في 2019 وانفصلت عنه في نفس العام دون إنجاب أطفال.