قصائد خالد المريخي

خالد غنام مناحي المريخي المطيري (1973) هو شاعر شعبي من المملكة العربية السعودية، من الشعراء الذين كوّنوا لهم قاعدة جماهيرية وكانت بداية شهرته بعد تعاونه مع عبد المجيد عبد الله في أغنية ما بين بعينك، وبعدها قام بالتعاون مع العديد من المطربين، ظهر اسمه في منتصف التسعينات على الساحة الشعرية، صدّر أغلفة المجلات الشعبية أشهرها مجلة المختلف، والتي تعتبر من أهم المجلات المهتمة في الشعر الشعبي في الوطن العربي، وتفرد عبر المنابر الشعرية سواء بأمسيات أو فعاليات شعرية أو مهرجانات، وعكس نظرية أن الشاعر هو من يبحث عن الصحفي لينشر له قصيدة. ^[1]  

قصيدة ما بين بعينك

ما بين بعينك على كثر ما جاك
لا واحسافه ليتني ما عطيتك

تخطي واعذرك واتحمل خطاياك
هويت غلطاتك كثر ما هويتك

ضحيت بالدنيا على شان دنياك
وخليت كل اللي يبيني وجيتك

كنت في عيوني وين ما اطالع القاك
حتى لو غمضت عيني لقيتك

من كثر ما احبك واقدرك واهواك
ما اذكر اني في حياتي عصيتك

ولا فاد كل الي اسويه وياك
اتعبت قلبي ليتك تحس ليتك

واللحين روح ارجوك ساعدني انساك
ولا تجي حتى لو اني بغيتك

وان مر في بالي بقايا ذكراك
بحاول انساها مثل ما نسيتك ^[2]  

قصيدة هاك كل القصايد

هاك كل القصايد .. هاك وأقريهن
لاتقولين وش آخرهن وش أوّلهن
كلّهن فدوةٍ لك هاك قوليهن
في لسانك ترى لسانك..يجملّهن
غيبتك أثّرت في حال راعيهن
قطعة أيام عيّا لايتحملّهن
بس يمكن ثلاث أيام غبتيهن
لعنبو..هالثلاث أيام..ماأطولهن
طالعي في فعايلهن وشوفيهن
تحت عيني تبيّن لك فعايلهن
ماارحمنّي بعد ماطحت في يديهن
بهدلّني جعل ربي يبهدلهن
ماهقيت أني اسلم من بلاويهن
كان سيئ معي جداً تعاملهن
وتهت حتى القصايد قمت اعنّيهن
يكملن..وانسى واعوّد واكملّهن
والمعاني غريبة قمت أنقّيهن
عقب ماكنت من قبل آتحايلهن
وقلت مادامهن جنّي برجليهن
باتشرّط عليهن وآخذ أجملهن
إتركي هالثلاث أرجوك خلّيهن
سولفي بأي حال..بنتجاهلهن
إنسي أيامهن وإنسي لياليهن
همّليهن وأنا مثلك باهمّلهن
لاتجيبين سيرتهن وطاريهن
أنزعج حيل..لاقمت اتخيّلهن ^[3]  

قصيدة ياللي تطالع

ياللي تطالع وكنك ما تطالعني!..
نظرتك هذي حبيبي لاتكررها!..
صحيح شاطر ولكن صعب تخدعني..
أناعلى الطاير أفهمها وطيرها..
أنا مزاجي وأطيع ألي يطاوعني..
إن كان لي خلق أمررها أمررها!.!.
لاا ما أتبع النفس لين النفس تتبعني
النفس محد قدرها بس أنا أقدرها
اسمع كلامي أذا ودك تولعني
سعادتي خلها همك ودورها
ابي انصحك قوم خل عنادك وطعني
تعال نطوي الليالي وتتذكرها
وسمعني اللي كتبته فيك سمعني
والكلمه اللي تشكل معك غيرها
بلسانك الشعر لو تكسر يمتعني
كسر يا بخت البيوت اللي تكسرها ^[4]  

قصيدة صادفنّي ثلات

صادفنّي ثلات إحترت ويّاهن
أبهرني صحيح وقمت أطالعهن
طولهن واحد،،ولبستهن،،وممشاهن
والله أعلم بعد يمكن طبايعهن
زاهياتٍ براقعهن،، وتزهاهن
لعنبو جدهن ما أحلى براقعهن
لا رضى ابوهن عن الناس خبّاهن
ولا بغى يدمّر العالم يطلّعهن
قمت أعدّد على نفسي مزاياهن
وقمت أردد على نفسي وأنا أتبعهن
هذي أحلاهن،،لالا،،هذي أحلاهن
لالا،،لاذيك لا،،لاماهي بمعهن
وإستدارن،، بجنبي شخص ناداهن
قلت ذي فرصتي بأقصد وأسمّعهن
للقصايد مع إني حافظ أرداهن
إرتبكت وعجزت أتذكر أروعهن
والسوالف بعد خلني أنساهن
ضيعنّي صحيح الله يضيعهن
والدليل إني تخربطت ويّاهن
أبسلم عليهن،،قمت أودّعهن ^[5]  

قصيدة ما صار إلا الخير

ماصار إلا الخير ماصار إلا الخير
ماصار إلا الخير عمر الزعل مايدوم
الأمس حاله غير حنا عيال اليوم
ماصار إلا الخير عمر الزعل مايدوم
الأمس حاله غير حنا عيال اليوم
مدامني وياك ماطلب الا رضاك
طالبك واترجاك خلي العتاب واللوم
مدامني وياك ماطلب الا رضاك
طالبك واترجاك خلي العتاب واللوم
ماصار إلا الخير ماصار إلا الخر
عدت علينا ايام صعبة وطويلة حيل
لاجفن عينك نام مثلي سهرت الليل
عدت علينا ايام صعبة وطويلة حيل
لاجفن عينك نام مثلي سهرت الليل
وشفت الزعل وشلون ماخلى حبنا يهون
لو مهما فينا يكون لو شفنا منه الويل
شفت الزعل وشلون ماخلى حبنا يهون
لو مهما فينا يكون لو شفنا منه الويل
لو مهما فينا يكون لو شفنا منه الويل
ماصار إلا الخير ماصار إلا الخير
ما راح عدى وراح والبال راق الحين
كافينا طاري جراح مين اللي زعل مين
ما راح عدى وراح والبال راق الحين
كافينا طاري جراح مين اللي زعل مين
قرب انا مشتاق اعطيني بس اشواق
يكفينا بعد فراق اليوم متجمعين
قرب انا مشتاق اعطيني بس اشواق
يكفينا بعد فراق اليوم متجمعين
يكفينا بعد فراق اليوم متجمعين ^[6]

قصيدة أشكي له

جتني قصيده كنها رسم رسام    أصيلة وآنا هـــــواي الأصــــــيله
ومن يوم جتني هاجس الشعر حوّام    ومن طيب راعيها نويت احتسي له
لوّ الــــمراجل نعتبرها بالارقام    أنا اشهد انه بياخذ اكبر حصيله
غلام سعد اللي لهم مثله غلام    أشفى غليل ابـــــوه واشفى غليله
وعنده قلم مهو مثل كــل الاقلام    محرّم مـــــا يكتب الا الجميله
هو يشتكي لي كل ما صار منضام    وانا على طول ان زعلت اشتكي له
بقول له دامه على الوقت لوّام    الوقت بيـــــدنا ولابـــاد حيله
ياخوي لا تتعب بتحسيب الاعوام    مافات خلّه واتركه لا تخيله
شفني أنام أحيان واحيان ما نام    أفرح دقايق وانطوي كل ليله
كني شعب بغداد والوقت صدام    ما هو بكيفي غصب قمت انحني له
حملي تقسّم وانقسم عشرة اقسام    حاولت اشيله لكن ازريت اشيله ^[7]