كريم فهمي زوجتي أهم شخص في حياتي وبناتي نقطة ضعفي

كشف الفنان كريم فهمي، عن قوة علاقته بزوجته، وعن علاقته بأهله، مشيرا إلى أنه لا يتخذ أي قرار إلا بالرجوع إلى زوجته، قائلا: "أهم حاجة في حياتي هي أبويا وأمي وأخويا ومراتي وبناتي انا مراتي استحملتني كتير في الحياة .. مفيش قرار في حياتي باخده غير أما أكلم مراتي وبقيت أطمن بدخولها كل تفصيلة في حياتي".

كريم فهمي يتحدث عن علاقته بزوجته

وحكي  كريم فهمي خلال استضافته ببرنامج "أنا والقناع" الذي تقدمه الإعلامية منى عبدالوهاب على شاشة "الحياة"، عن الوشم في ايده بإسم زوجته دانيا البناوي، قائلا:"الوشم اللي على إيدي باسمها مش وليد اللحظة ودي تراكمات، و استحملتني بشكل كبير من كل الجوانب من وقت ما اتقدمت لها، وكنت معتمد على نفسي تماما، وكان عندي عيادة عاملها في حتة شعبية، وكان عندي بيت أمي اللي كانت جيباه وسرق مني بشكل ما".

كريم فهمي زوجتى تتحكم في حياتي

وتابع "كريم": "روحت لحمايا وقلت له عندي شقة وبعدها بيومين روحت قلت له معنديش شقة، ومراتي استحملت ضغط شغلي واستحملت أني زي أي راجل عينه زايغة، ومفيش راجل عينه مش زايغة، وأكيد كل واحد عنده غلطاته وفي الآخر قدرت أنها تتحكم في ده وتسيطر وقدرت إنها تتحكم في حياتي".

كريم فهمي اشتغلت وانا في الثانوية

وأوضح الفنان كريم فهمي، إنه كان يعمل منذ صغره لافتا إلى أنه عمل بأكثر من 10 وظائف، "اشتغلت في الثانوية العامة مساعد مدرس إنجليزي عشان أصرف على نفسي، واشتغلت في شركة صغيرة ومستوصفات في أرياف وقرى كثيرة، واشتغلت كمنظم حفلات وموديل إعلانات بس مكانتش ناجحة".

كريم فهمي يتحدث عن مرضه

وتعرض الفنان كريم فهمي للإصابة بمرض في القولون، مؤكدًا أنه ظل عام كامل يتناول الكورتيزون بسبب ضغط العمل، قائلا: "أنا من الناس القليلة اللي بيشتغل على معظم الأفلام اللي بكتبها وقلبي بيكون على الحاجة والشغلانة، وكل تفصيلة بحاول أبقى عيني عليها، وبشتغل بقلب، وبيكون قلبي على الحاجة ودا عامل لي مشاكل كبيرة في الجلطات والقولون".

وتابع: "أصيبت بقرح في القولون بسبب الضغوطات الكبيرة، وقعدت سنة كاملة اخد كورتيزون بسبب أزمة منتصف العمر، لكن أوقات بتعامل مع ناس عايزة تخلص الشغلانة وخلاص، وأنا مش بتاع دا".