مسلم يعلن انفصاله عن خطيبته برسالة: حذف صورهما

 أعلن المطرب مسلم انفصاله بعد أيام قليلة  من إعلان خطوبته، وسط حالة صراع بينه وبين طليقته ميكا البغدادي التي خرجت عن صمتها في مقطع فيديو كشفت فيه تفاصيل لأول مرة.

وكتب مسلم، عبر حسابه الشخصي على تطبيق تبادل الصور إنستغرام، عبارة: "خلصت يا جماعة"، دون تفسير الأمر، إلا أن حذفه لصور خطوبته هو ما أكد للمتابعين أن الجملة تعود على انفصاله عن خطيبته.

خطيبة مسلم

ويأتي انفصال مسلم بعد موجة واسعة من الانتقادات التي طالته، حيث اعتبر متابعون أنه من غير المنطقي أن يدخل في علاقة بهذه السرعة بعد انفصاله عن طليقته ميكا البغدادي وهو ما رد عليه مسلم قائلاً: "يا جماعة إحنا  مقعدناش وقت كبير بس أنا ارتحت معاها.. الحقيقة إن خطيبتي اللي معايا  بنت ناس وكويسة وما قصرتش معايا..بطلب وأتمنى من كل الناس تكون عندها عقل وفهم عشان خاطري محدش يعرف حاجة اللي بيحصل في البيوت أصحابه بس اللي يعرفوه وأنا مش هحوض في التفاصيل لأني مش بحب الجو ده".

وكانت طليقة مسلم خرجت خلال الأيام الماضية للرد على شائعات زواجه وهو متزوج منها نافية الأمر وقالت في مقطع فيديو نشرته عبر حسابها على تطبيق تبادل الصور إنستغرام: "أنا اللي طلبت الانفصال لأني اتخانت هو كان بقاله كتير مع واحدة تانية واللي بيحصل دلوقتي إنه بس بيحاول يستعطف الناس".

وحسمت  ميكا البغدادي الأمر كاشفة عن أن  زواج مسلم عليها من امرأة أخرى لم يكن وقت زواجهما، كما نفت  ما تردد بأن عيد ميلاد كان السبب وراء انفصالها هي ومسم قائلة: "من فضلكم يا جماعة كفاية بجد...الكلام اللي بتقولوه ده كله بيعصب ويضايق، كفاية اختلاق شائعات أنا ولا حد اتجوز عليا ولا أنا سيبت جوزي في عيد ميلاد كل اللي بيتقال ده ولا ليه علاقة من قريب أو بعيد باللي حاصل فعلاً".

خطيبة مسلم الجديدة

وبمجرد نشر المطرب مسلم صور خطوبته عبر حسابه الشخصي على تطبيق تبادل الصور إنستغرام،  ورغم اتخاذه الخطوة بعد إعلان الانفصال بينه وبين ميكا البغدادي بشكل رسمي، إلا أنه تعرض لانتقادات حادة من الجمهور إلا أنه كان يتجاهل هذه الانتقادات مكتفيا برده على الأمر مرة واحدة من خلال خاصية القصص القصيرة حيث كتب المطرب الشهير: "الناس قلبت السوشيال ميديا عليا، حسسوني إني عملت حاجة غلط.. أنا روحت خطبت عشان  ده طبيعي إن الناس بتعدي وبتنسى خلاص مشيت في طريق ونسيت... وربنا كرمني بواحدة تفهمني وتحبني فين المشكلة".

بعد إعلان انفصاله تصدر مسلم حديث منصات التواصل الاجتماعي ما بين مؤيد ومدافع عنه في تعليقات منها: "أنا بيصعب عليا مسلم بحسه تايه ومش عارف هو عايز إيه اتمنى من كل قلبي يهدى وماياخدش قرار في أي علاقة إلا بعد ما يستقر لأن مفيش حد بيقدر يكون متزن بعد أي علاقة بتنتهي بسرعة كدة". "ربنا يصلح له الحال الراجل خطب بعد ما طلق ومافهمتش الناس اللي عمالين يشتموه هل المفروض إنه يسكت ويوقف حياته علشان خلاص طلق؟ ما هو شاب وحقه يدخل في علاقة واتنين وتلاتة طالما ماتوفقش". "طبعا كم تعليقات الشماتة اللي هيشوفها دلوقتي هتبقى مهولة، أتمنى الناس تسيب الناس في حالها لأننا ما نعرفش تفاصيل طلاقه أصلا وميكا اتكلمت من وجهة نظرها بس إحنا بنميل دايما لتصديق الطرف الضعيف".