طليقة مسلم تخرج عن صمتها وتكشف السبب الحقيقي لانفصالهما

خرجت ميكا البغدادي، طليقة المطرب مسلم عن صمتها وكشفت مفاجآت جديدة بعد خطوبته من أخرى عقب شهرين من انفصالهما. لتتصدر طليقة المطرب الشهير حديث منصات التواصل الاجتماعي.

 ويأتي فيديو ميكا البغدادي بعد خطوبة المطرب مسلم خلال الأيام الماضية وسط دهشة الجمهور من سرعة بدء علاقة جديدة رغم مرور فترة قصيرة على انفصاله عن زوجته.. فما التفاصيل؟

أسباب انفصال مسلم وزوجته

وكشفت ميكا البغدادي تفاصيل جديدة وتحدثت عن أسباب انفصالها عن مسلم قائلة: "الحقيقة أنا اللي طلبت الانفصال لأنه بقاله سنة ونص على علاقة بواحدة تانية وأنا احترمت أن بينا ولد، واللي شوفته معاه مكانش قليل، هو بس عايز يستعطف الناس علشان هاجموه وأنا الحقيقة فرحت له لما عرفت أنه هيخطب".

وتفاعل الجمهور مع ميكا البغدادي في تعليقات من بينها: "والله أنا احترمتك جدا جدا علي هدوئك وعقلك في ردود أفعالك مع كل الاستفزاز الي تعمل ده بجد حافظي علي ده وشوفي حياتك وامشي فيها متخليش حد يعطلك ولا يضايقك مدام أنتي مرتاحة كده". "انتي من غير متتكلمي باين أنك بنت ناس وباين أنتي اي وهما اي ربنا يعوضك خير يا حبيتي ويجبر بخاطرك ويخليلك ابنك وانتي قمر القمرات". 

 فيديو طليقة مسلم:

 وكتب متابعون: "إنسانة طيبة أوي وبنت أصول ربنا يعوضك بالأحسن والأصلح ليكي أنتي لما حلفتى والنعمة أن حوار خطوبته مأثرتش فيكي انا صدقتك لأن أوقات من كتر المعافرة والتمسك بعلاقات تأذيكى بيسببلك آذى نفسك ولما بتستغنى وقتها مشاعرك تجاه الشخص دا بتموت وقتها بتشوفيه شخص عادي ودا مش هقولك أنك قوية أوي وبنفسك اللي عرفتى تشوفيه شخص عادي وتحسيه دا ربنا اللي زرع جواكى الإحساس دا انا كمان مشاعري ماتت تجاه شخص كان فحياتى وبعدها بقيت أشوفه عادي جدا".

ونصحها متابعون بالتوقف عن الحديث للأمر حفاظاً على نفسية ابنها: "حبيبتي متسمحيش حد يسخنك ويخليكى تاخدى قرار غلط فى موقف رد كرامة أو اعتبار زي ما فضلت بنت ناس واتعاملتى بالأصول يفضل العلاقة ما بينكم زي ما هي عشان خاطر ابنك حقك وكل حاجة بس نفسية ابنك لما يكبر أهم ربنا عارف الحقيقة وده المهم والناس فاهمة كل حاجة وبتحبك بس بلاش الانتقام شيء مؤذي مش بيأذى غير صاحبه ويمكن أكبر انتقام عقلك رزانتك أدبك في الحديث وشرح الموقف وده يكفي اللي بيشجعك على غير كده عاوز خناقة سوشيال ميديا و مبيحبكيش وعاوز يتفرج عليكى مش أكتر".

 وكانت ميكا البغدادي كشفت حقيقة زواج مسلم عليها من امرأة أخرى، نافية أن تكون أسباب انفصالهما هي عيد ميلاد وكتبت عبر خاصية القصص القصيرة: "من فضلكم كفاية بجد... وقفوا كلام يضايق وقفوا تدخل بطريقة تعصب،  وكفاية بجد الإشاعات  كل اللي بتتكلموا فيه حاجات مش صح أصلاً نهائي، أنا ولا حد اتجوز عليا ولا أنا ومسلم انفصلنا بسبب عيد ميلاد، كفاية تخاريف.. أسباب انفصالنا تخصنا كفاية إشاعات".

خطيبة مسلم الجديدة

وكان المطرب الشهير تعرض لانتقادات حادة وموجة عالية من الهجوم بعد نشر صور خطوبته وذلك رغم اتخاذه الخطوة بعد إعلان الانفصال بينه وبين ميكا البغدادي بشكل رسمي، إلا أن مسلم لم يتطرق للرد على هذا الهجوم واستمر في نشر الصور التي توثق اللحظات السعيدة بينه وبين خطيبته عبر حسابه الشخصي على تطبيق تبادل الصور إنستغرام. إلى أن تفاقمت الأزمة وهو ما دفعه للرد.

 وكتب مسلم مدافعاً عن نفسه: "الناس قلبت السوشيال ميديا عليا، أنا روحت خطبت عشان  ده طبيعي إن الناس بتعدي وبتنسى خلاص مشيت في طريق ونسيت... وربنا أكرمني بشخصية  تفهمني".

 وعن سرعة دخوله في علاقة جديدة قال مسلم: "أيوة  مقعدناش وقت كبير بس أنا ارتحت معاها  خطيبتي بنت ناس وكويسة وما قصرتش معايا.. أتمنى الناس تكون عندها عقل وفهم عشان خاطري محدش يعرف حاجة ومحدش يعرف إيه اللي بيدور جوة البيوت أو اللي جوّه الحياة بيبقى عامل إزاي  أنا بس ما بحبش أتكلم عن التفاصيل ولا حياتي ولا بيتي بس يا ريت الناس تعقل الأمور".