دنيا سمير غانم توجه رسالة لابنتها كايلا بعد ظهورها في جت سليمة

وجهت الفنانة دنيا سمير غانم رسالة إلى ابنتها كايلا بعد مشاركتها لها في مسلسل جت سليمة الذي عرض في النصف الثاني من موسم دراما رمضان 2023، وتحدثت عن دور أبطال العمل في تحقيق نجاحه

رسالة دنيا سمير غانم لابنتها كايلا

وعبرت دنيا سمير غانم عن سعادتها بمشاركة ابنتها كايلا في المسلسل وذلك بصورة من كواليس التصوير عبر حسابها الشخصي على تطبيق إنستغرام وعلقت عليها: " شكرًا لروح قلبي وحياتي نجمتي الصغننة اللي نورتني وأبهرتني أنا شخصيا ما شاء الله ربنا يحفظك يا قلبي، ويكتب لك الخير والسعادة أنتِ وكل أطفالنا ويا رب مستقبلكم يكون منور وحظكم أحسن مننا يا رب كل سنة وأنتم طيبين.".

وفي الوقت نفسه وجهت الشكر لفريق العمل قائلة: "شكرًا للمخرج العمل إسلام خيري اللي تعب جدًا في العمل ده شكرًا لكل طاقم العمل، ولكل فرد شارك في النجاح الكبير ده الحمد لله، شكرًا على حبكم وخوفكم عليا اللي أنا كنت حاساه في كل لحظة وأنا بشتغل.

وتابعت دنيا سمير غانم: شكرًا للجمهور العظيم اللي بعد كل عمل بيثبتلي إن ليا أهل في كل البيت الحمد لله، وبيخليني أعمل أقصى ما عندي عشان أكون عند حسن ظنكم شكرًا لجوزي وحبيبي رامي رضوان اللي دايما بيدعمني وبيفرح لنجاحي.

ونشرت دنيا سمير غانم العديد من الصور من كواليس تصوير المسلسل وتحدثت عن دور الكثير من أبطال العمل من بينهم الفنان محمد سلام قائلة: "شكرا محمد سلام اللي فعلا بستمتع وأنا بمثل معاه لأن تمثيله وإفيهاته وإحساسه out of the box، وأعتقد بيبان عليا كل مرة بنشتغل مع بعض، شكرا أستاذ خالد الصاوي الجامد أكتر ممثل عنده ضمير في الدنيا وتفانى في العمل غير طبيعي أنا فعلا بتفرج عليك وبتعلم وبسرح في أدائك العبقري اللي فيه الجد ممزوج بالهزار بدرجة مضبوطة جدا"

دنيا سمير غانم توجه رسائل لأبطال جت سليمة

وأضافت: "شكرا أستاذ سامي مغاوري الفنان القدير السهل الممتنع اللي وجوده بيضيف إضافة غير طبيعية ربنا يديك الصحة، شكرا أستاذة هالة فاخر الراقية، قدمت شخصية بإبهار شديد وبتميز، كل مشهد ليكي بيحسسني بسعادة كمشاهدة من قبل حتى ما تتكلمي، شكرا محمد ثروت، أنت عملت الشخصية بطريقة جديدة وبخفة دم فظيعة كالعادة".

 

 

 

 

View this post on Instagram

 

 

 

 

 

 

 

 

 

 

 

A post shared by Donia Samir Ghanem (@donia.samir.ghanem)

وواصلت الشكر لنجوم المسلسل قائلة: "شكرا للقديرة المتمكنة جدا جدا جدا سلوى خطاب، نورتينا ووصلتي رسالة عظيمة من خلال إتقانك لشخصيتك واستحملتي الميك اب الصعب ده لعدد ساعات طويل جدا في سبيل أنك تعملي الشخصية كويس، شكرا للقديرة سلوى محمد على أدائك لأم العريف غير متوقع ومش كليشيه تماما، أول مرة أحس أن الساحرة أو الـ witch قريبة مننا كده وإنسانة عادية لكن عندها قدرات وشر وفي نفس الوقت هزار حقيقي أمتعتينا، شكرا للجميلة رحاب الجمل كنتي لذيذة جدا بجد وأنا سعيدة أوي اني اشتغلت معاكي لأني من معجبينك.

وتابعت: "شكرا مايان السيد الموهوبة جدا البسكوتة المجتهدة اللي تدخل القلب في ثواني، عندك قبول فظيع ما شاء الله وذكاء في التمثيل بيخليكي مميزة جدا وأنا شخصيًا حبيتك أكتر لما اشتغلت معاكي ربنا يوفقك يا حبيبتي، شكرا للحلوين كيمز وصلاح الدالي انتوا فعلا أثبتوا أن الكوميديان ممكن يثبت نفسه في أي مشهد حتى لو مساحة الدور أقل من قدراته"