قصائد سعد صالح المطرفي

سعد صالح المطرفي هو شاعر كويتي، يتميز بالكثير من الصفات التي تؤهله كشاعر، له العديد من القصائد، وقد شارك بمناسبات شعريه عديدة منها ليالي هلا فبراير.

قصيدة وسـيـع ابـطـان

منهـو يطمّـن راســه العـالـي عـلـى وشّــو يعـيـش    تـراه ميّـت لـو يحـسـب انّــه مــع العـربـان عــاش
ومن لاحفر ذكره مع الشجعان ويشـوش ويشيـشي   اتـيـه مـــن بـقـعـا غـرابـيـل.. وغـرابـيـل ابّـــلاش
ماهـي بلعبـة دومـنـه يــا بـنـج يــا دوّه يــا شـيـش    ولاهــي بلعـبـة هـنـد تاليـهـا مــع ربـعــك هـــواش
اللي حصل من غيـر تشويـش و زيـاده بالوشيـش    علـمٍ يـداوي كــل جــرحٍ مــا نـفـع بــه كــل شــاش
حكمـه ومنهـو يطلـب الحكمـه محـال انــه يطـيـش   اللي يطيش اللي عـن ادروب السنـع روّح وطـاش
الطير وشهو قيمته ؟ لو هو يجي مـن دون ريـش    وسلك الحرير اش قيمته ؟ لو كان مايوجد قمـاش
واللي يجي تحت العريش اخير من فـوق العريـش    اللـي تحـت لـه فَـيْ واللـي فـوق مـالـه فَــيْ مــاش
ومن صد عن ربعه وهو قـاادر مثـل صـدّة قريـش    امّـا يـمـوت مــن اللـقـا والا يـمـوت مــن الطـنـاش
هـو قلـب راع الصاملـه ياتـي مثـل قلـب الخـريـش    هذا يحوش من الردى والصامل من الطيب حـاش
والناس عسكر فيهم اللـي ضابـط و فيهـم شويـش    وكـلٍ علـى مضـرب يميـنـه يـاخـذ ارتـبّـه و كــاش
فن كان تزرع عيش يرجع لك بدون اشكوك عيش     واحسب كثر منته بتـزرع طيـب يرجـع لـك خيـاش
والطيّـب الطيّـب وسيـع ابطـان لـو هـو بالعشـيـش     مـا تلحقـه شكّـه بنفسـه لـو بقـى وســط العـشـاش
ما تلحق الشكّه سوى ولْد الغشيـش ابـن الغشيـش     اللـي يحسْـب ان الفـلـوس اتخـلّـي العـالـم مــواش
والآدمـي يفـرق اصيـل الخيـل عـن خيـل الكـديـش     مثـل مايفـرق نفعـة الديـم و طشاطـيـش الـرشـاش
لا جا على الوسم وهل البل وفرّت سعـر الحشيـش     مــن خـيـر ربّــي مــا تـقـرب لـلـدراهـم والـمـعـاش ^[1]  

قصيدة بعض المواجع

لو ويش ماكنت في حمل المواجع صبور
بعض المواجع ليا من جت كسرة ظهر

احيان تفرح شهر واحيان تحزن شهور
واحيان به يوم من عمرك يساوي دهر

لا صار ما تقتنع لو تشرب من البحور
مارح ترضى ولو تدفع سنينك مهر

شربة نهر وانت مرتاح وفؤادك شكور
تغنيك عن كثر الانهار شربة نهر

قرب من الله يوردك الفرح والسرور
وبعد من الله يوردك النكد والقهر ^[2]  

قصيدة كل بيت بسبب حسنك يصاغ

كل بيتٍ بسبب حسنك يصاغ
يا جمالك كان طلتك سببي

قلت ابي اقدم عليك انت بلاغ
يا تريحني .. يا ترضى بتعبي

انت مثل الظبي لاخرع وراق
داخل مظلہ من عيون الظبي

لك حظورٍ بين خلق الله طاغ
يا الجمال اللي سبا روحي سبي

إنت كل الوقت و الباقي فراغ
هقوهٍ تكفيني على ما انته تبي

كل عطر مثل عطرك مستساغ
وكل زول غير زولك ما نبي

يا حلو عطرك آليا مر الشماغ
يا صلاة الله على وجه النبي ^[3]  

قصيدة نفسك لا تظلمها

نفسك لا تظلمها ولا تظلم الناس
... واليا نطقت..! الناس لا تبتليها
مثل ما فيك احساس للعالم احساس
... والناس مثلك، مثل ما فيك فيها
اليا اشتريت اشتر ذهب واشتر الماس
... والحاجه اللي ماش، لا تشتريها
لا يضيع عمرك وانت تجمع لك نحاس
...حوادث الأيام لا تزدريها
ولا تقول الراي لا صرت محتاس
... والكلمة اليا كفيتها لا تحكيها
صمتك على كلمة بلا عقل وقياس
... أبرك، ولا انت تقولها وتعميها
حاول تجي مثل الجبل ما انت قرطاس
... ما كل هبات الزمن تشتهيها
ناس ليا من طحت لفاظة انفاس
... وناس طواري طيحتك تحتريها
خلك حديد إن ثقلوا ضربة الفاس
... تراك لا خشبت بتروح فيها
والبس من ثياب المعزة لك لباس
... وناس ما يفرح قربها، لا تجيها
واليا بنيت ابن العلاقة على ساس
... وارض النفوس اللي تبيك وتبيها
يسرك اللي خوته ترفع الراس
... ويبور منهو خوته لك عليها

قصيدة عقب الجفا

عقب الجفا لا عاد تشرَه على شيّْ
.. لاجابتك الأيام والا صدفتِك
ولا يجي في خاطرِك شيّْ واشويّْ
.. إن شفتني مرِّيت جمبك و طفتِك
ولا تمدّْ ايديك  لمصافح ايدَّي
.. ولا تضيق ان قلت لك ما عرفتِك
أنا كريم بوصلي وممتلي ضيّْ
... لكن كريم بعوفتي كان عفتِك
كريمٍ بهاذي وهاذي مثِل ذيّْ
.. وانا على مضرب يمينك نصفتك
إن جيتني عطشان بكون لك ميّْ
.. إن رحت عنِّي جرح جرح ونزفتِك
إن جيتك أبغى فيّْ ماصرت لي فيّْ
... بكره تبيني فيَّك ولا إقترفتك
كل هذا لإن الحيّْ بيصادف الحيّْ
.. اختار وصفَك وإزعل إن ما وصفتِك
اذا كذا مادام فلس الجفا ليّْ
.. يا تصرفِه والا تراني صرفتِك
أخاف من يومٍ تجي منكوي كيّْ
.. تبيني أعزف وصلك ولا عزفتِك
وأخاف من يومٍ تجيني من الغيّْ
.. تذرف ادموع اغيابِك ولا ذرفتِك
وأخاف من قولة مَ اذكرّْك في شيّْ ؟!
.. وأقول ذكرني أنا وين شفتِك !!؟  ^[4]