للمرة الأولى سماح أنور تعلق على لقب "البنت المسترجلة"

للمرة الأولى تعلق الفنانة سماح أنور على لقب "البنت المسترجلة" والذي أطلق عليها في بداية مشوارها الفني، وذلك عبر تدوينة كتبتها سماح أنور على حسابها الشخصي على موقع التواصل الاجتماعي فيسبوك.

فقد نشرت سماح فيديو مجمع لها من أعمالها الفنية، وتضمن الفيديو مشاهد أكشن لها من أفلام سينمائية، وكتبت سماح أنور معلقة على الفيديو: 

"على أيامي ... كانت الأنوثة طبيعية ... والرجولة طبيعية.. ولما بدأت طريقي في الفن.. عبرت عن البنت اللي أنوثتها لا تتعارض مع عمليتها واعتمادها على نفسها في الدنيا... اللي ممكن ساعة الجد تبقى هي الراجل اللي بتدافع عن حقها وبيتها وأسرتها ... ونجحت جدا مش علشان حاجة أهم من إن بنات وستات كتير كانوا كدة من زمان وماحدش عبر عنهم في السينما والدراما لحد ما أنا جيت وعملت ده... وخلعوا علي لقب البنت المسترجلة وكأنها شتيمة علشان ده كان نموذج لحد التسعينيات مش محبذ في الدراما لشكل الست... يعني عايزينها لعوب... أو مالهاش لازمة... أو بتحب وتتحب ومشكلة عمرها دايما هي حاتتجوز اللي بتحبه ولا حاتتجوز واحد مفروض عليها".
متابعة "وده كان سبب إنتاجي مع والدي العظيم الكاتب والمنتج أنور عبد الله فيلم "حالة تلبس" اللي بعد نجاحه الساحق واستمرار عرضه لأكثر من عام ونصف بالسينما محققاً أعلى الإيرادات وسط عمالقة السينما أيامها مثل العبقرية سعاد حسني والعبقري أحمد زكي وغيرهم... وتحول السوق كله وبقي كل فيلم أمضيه أو حتى مسلسل ألاقيهم وإحنا بنصور حطوا " خناقه " علشان مش معقول سماح أنور بطلة الفيلم ما تعملش حته أكشن كده وده اللي خلاني أبعد و أقرف من الفكرة اللي بتتحول لهبل تجاري بلا مضمون ولا هدف... وحتى بعض النجمات الكبار في ذاك الوقت عملوا أكشن ولم يقتنع الجمهور بذلك لأن الفكرة برضه ماتتصدقش لاحتياجها للاتقان و التنفيذ والكتابة الجيدة أمثال النجمة الكبيرة العظيمة نجلاء فتحي ونادية الجندي و نبيلة عبيد وغيرهن كتييير .. ولم يفهم أحد حتى الآن لماذا نجحت سماح في هذه الأدوار حين فشلن غيرها في هذه النوعية.... الإجابة في رأي إن الحكاية مش أكشن... الحكاية قوة المرأة المصرية وقدراتها العقلية وصبرها وقوة تحملها مش شلوتين وبوكس".

مضيفة "الإفيه العالي بقى .. إن الست المصرية بقت هي الراجل في العيلة وأصيب معظم الرجال بمتلازمة الإستئناث أو عدم المشاركة والسلبية المطلقة حتى في التفكير وأخذ القرار.... في الوقت الحالي وأعتقد إن نوع الأدوار اللي أنا قدمتها منذ التمانينات تعبر وبشدة عن المرأة المصرية الآن أكثر من أيامي... السؤال... هو العيب في الست علشان استرجلت؟ ولا العيب في الراجل اللي مش عايز يسترجل؟".

قد يعجبك أيضاً:

سمير صبري يعترف: عشت قصة حب مع هذه الفنانة ولهذا السبب تركتهاhttps://t.co/xfdBqGEAeH pic.twitter.com/ExDNQsdGF3

— Layalina.com (@layalina) May 31, 2015