محمد رياض يكشف سر اعتزاله كرة القدم وأزمة جعلته يترك التدريس

قال الفنان محمد رياض إنه قبل التحاقه بالتمثيل حيث لعب كرة القدم في نادي درجة ثانية وعمل أيضاً مدرس كيمياء بإحدى المدارس.

محمد رياض يكشف تركه مجال التدريس

وقال رياض في لقائه مع الإعلامية منى الشاذلي في برنامجها "معكم" إن سبب اعتزاله كرة القدم: "كنا نادي درجة ثانية، تحت سن 17 سنة و19 سنة… وقتها طلعنا الدوري الدرجة الأولى وبنلاعب الأهلي والزمالك والفرق دي، وكنا فرقة بلا تمويل، مكنش فيه فلوس وكنا بنشتري الحاجات على حسابنا".

وتابع قائلاً: "كنت بلعب باك رايت وكنا بنلاعب ناد اسمه نادي الميت،وفي الشوط الأول الكورة اترمت من ورايا وشايفها عدت من فوقي وبيني وبين لاعب الفريق الثاني 5 أو 6 أمتار قلت هلف براحتى ده مش هيجيبني، في ثانية مشوفتوش، الواد صاروخ خد الكورة وجاب جون، أول جون جه بسببي".

مضيفاً: "عرفوا بقى إني مش عارف ألاحق الواد، فيرموا الكورة من ورايا والواد صاروخ، مش عارف أضربه ولا أوقفه ولا عارف أعمل حاجة، ده كان أسرع من محمد صلاح، والله ما كنت بشوفه، بيعدي بسرعة الصاروخ، مبلمحوش، كان خرافة.. خلصت الشوط الأول وطبعا غيرني المدرب، مكملتش الماتش دخلت أوضة اللبس وغيرت ورجعت البيت واعتزلت ومروحتش النادي تاني خالص".

ولم تكن تلك المهنة فقط التي عمل بها بل عمل كمدرس كيمياء بإحدى المدارس وأشار رياض أنه خريج كلية العلوم قسم كيمياء وكان يحب تلك المادة جداً حتى إنه التحق بإحدى شركات الأبحاث والتطوير واستطاع اختراع بعض المركبات التي أطلق عليها اسمه.

حيث قال رياض "أنا اخترعت حاجات والله العظيم عملت حاجات باسمي قبل ما أسيب الشركة اللي كنت بشتغل فيها، سبتها لأن  لم يكن يمكن الاستمرار بسبب التمثيل، وكنت أعمل في الأبحاث والتطوير بتاع الشركة".

محمد رياض يحكي تفاصيل تركه مجال التدريس

وأكد أنه عمل بأكثر من مهنة بجانب دراسته في معهد التمثيل: "أنا كنت لسه متخرجاً من كلية علوم وشغال كيميائي الصبح وبشتغل في معمل تحاليل وبشتغل في مدرسة بنات 3 أيام في الأسبوع لكنهم رفدوني".

تابع: "كنت صغيراً عندي 22 سنة وشعري أصفر وحليوة وبروح لابس تيشيرت وبنطلون جينز… وأول ما دخلت المدرسة لقيت الطابور بقى فيه همس... بنات بقى كلهم 18 سنة وعمالين بيتكلمون مين ده وبتاع".

واستكمل محمد رياض حديثه "شوية ودخلت الفصل لقيت كله بنات وقاعدين جنب بعض بين الديسكات وزحمه، طلع إن البنات جم من فصول تانية يحضرون حصة الكيميا... يعني المفروض الفصل 25 بـنت لقيت عندي 60 بنتاً.. وتقريبا الكيمياء أحلوت في عينهم ساعتها".

وطلب المدير من الفنان الوسيم محمد رياض عدم حضور طابور الصباح وبعدها استدعاه في مكتبه وصارحه برفده من المدرسة: "المدير قالي أنت شخص كويس جدا ومدرس هايل ولا غبار عليك، بس أنت مش هينفع تكمل معانا.. أنا عندي بنات صغيرات ولن أستطيع تركك هنا، كدة مثلما أضع الزيت بجانب النار.. واترفدت من غير ما أعمل حاجة".